287. න චායමග්ගි තපති න සූලො සාදු තච්ඡිතො,
යඤ්ච මං මඤ්ඤති මච්ඡි අඤ්ඤං සො රතියා ගතො.
යඤ්ච මං මඤ්ඤති මච්ඡි අඤ්ඤං සො රතියා ගතො.
288. සො මං දහති රාගග්ගි චිත්තං චුපතපෙති මං,
ජාලිනො මුඤ්චථයිරා මං න කාමෙ හඤ්ඤතෙ කච්චීති.
ජාලිනො මුඤ්චථයිරා මං න කාමෙ හඤ්ඤතෙ කච්චීති.
6. මච්ඡජාතකං.
289. සබ්බො ලොකො අත්තමනො අහොසි
අකොවිදා ගාමධම්මස්ස සෙග්ගු,
කොමාරිකො නාම තවජ්ජධම්මො
යං ත්වං ගහිතා පවනෙ පරොදසි.
අකොවිදා ගාමධම්මස්ස සෙග්ගු,
කොමාරිකො නාම තවජ්ජධම්මො
යං ත්වං ගහිතා පවනෙ පරොදසි.
290. යො දුක්ඛඵුට්ඨාය භවෙය්ය තාණං
සො මෙ පිතා දූභි වනෙ කරොති,
සා කස්ස කන්දාමි වනස්ස මජ්ඣෙ
යො තායිතා සො සහසා කරොතී’ති.
සො මෙ පිතා දූභි වනෙ කරොති,
සා කස්ස කන්දාමි වනස්ස මජ්ඣෙ
යො තායිතා සො සහසා කරොතී’ති.
7. සෙග්ගුජාතකං.
291. සඨස්ස සාඨෙය්යමිදං සුචින්තිතං
පච්චොඩ්ඩිතං පතිකූටස්ස කූටං,
ඵාලඤ්චෙ අදෙය්යුං මූසිකා
කස්මා කුමාරං කුලලා නො හරෙය්යුං
පච්චොඩ්ඩිතං පතිකූටස්ස කූටං,
ඵාලඤ්චෙ අදෙය්යුං මූසිකා
කස්මා කුමාරං කුලලා නො හරෙය්යුං
292. කූටස්ස හි සන්ති කූටකූටා
භවති චාපි නිකතිනො නිකත්යා,
දෙහි පුත්තනට්ඨ ඵාලනට්ඨස්ස ඵාලං
මා තෙ පුත්තමහාසි ඵාලනට්ඨො’ති.
භවති චාපි නිකතිනො නිකත්යා,
දෙහි පුත්තනට්ඨ ඵාලනට්ඨස්ස ඵාලං
මා තෙ පුත්තමහාසි ඵාලනට්ඨො’ති.
8. කූටවාණිජජාතකං.
293. හිරඤ්ඤං මෙ සුවණ්ණං මෙ එසා රත්තිං දිවා කථා,
දුම්මෙධානං මනුස්සානං අරියධම්මං අපස්සතං.
දුම්මෙධානං මනුස්සානං අරියධම්මං අපස්සතං.
294. ද්වෙ ද්වෙ ගහපතයො ගෙහෙ එකො තත්ථ අමස්සුකො,
ලම්බත්ථනො වෙණිකතො අථො අඞ්කීතකණ්ණකො
කීතො ධනෙන බහුනා සො තං විතුදතෙ ජනන්ති.
ලම්බත්ථනො වෙණිකතො අථො අඞ්කීතකණ්ණකො
කීතො ධනෙන බහුනා සො තං විතුදතෙ ජනන්ති.
9. ගරහිතජාතකං.
295. සුඛං ජීවිතරූපොසි රට්ඨා විවනමාගතො,
සො එකකො අරඤ්ඤස්මිං රුක්ඛමූලෙ කපණො විය ඣායසි
සො එකකො අරඤ්ඤස්මිං රුක්ඛමූලෙ කපණො විය ඣායසි
296. සුඛං ජිවිතරූපොස්මි රට්ඨා විවනමාගතො,
සො එකකො අරඤ්ඤස්මිං
රුක්ඛමූලෙ කපණො විය ඣායාමි
සතං ධම්මං අනුස්සරන්ති
සො එකකො අරඤ්ඤස්මිං
රුක්ඛමූලෙ කපණො විය ඣායාමි
සතං ධම්මං අනුස්සරන්ති
10. ධම්මද්ධජජාතකං.
බීරණත්ථම්භකවග්ගො සත්තමො.
තස්සුද්දානං:
අථ බීරණත්ථම්භවරො ච නටො
භරුරාජවරුත්තමපුණ්ණනදී,
බහුභාණී අග්ගි පවනෙ මූසිකා
සහලම්බත්ථනො කපණෙන දස.
භරුරාජවරුත්තමපුණ්ණනදී,
බහුභාණී අග්ගි පවනෙ මූසිකා
සහලම්බත්ථනො කපණෙන දස.