273. දිට්ඨා මයා වනෙ රුක්ඛා අස්සකණ්ණවිභීටකා,
න තානි එවං සක්කන්ති යථා ත්වං රුක්ඛ සක්කසි.
න තානි එවං සක්කන්ති යථා ත්වං රුක්ඛ සක්කසි.
274. පුරාණකක්කරො අයං භෙත්වා පඤ්ජරමාගතො,
කුසලො වාළපාසානං අපක්කමති භාසතී’ති.
කුසලො වාළපාසානං අපක්කමති භාසතී’ති.
9. කක්කරජාතකං.
275. අම්භො කො නාමයං රුක්ඛො සීනපත්තො සකණ්ටකො,
යත්ථ එකප්පහාරෙන උත්තමඞ්ගං විඝාටිතං.
යත්ථ එකප්පහාරෙන උත්තමඞ්ගං විඝාටිතං.
276. ආචරිතායං විතුදං වනානි
කට්ඨඞ්ගරුක්ඛෙසු අසාරකෙසු,
අථාසදා ඛදිරං ජාතසාරං
යත්ථබ්හිදා ගරුළො උත්තමඞ්ගන්ති.
කට්ඨඞ්ගරුක්ඛෙසු අසාරකෙසු,
අථාසදා ඛදිරං ජාතසාරං
යත්ථබ්හිදා ගරුළො උත්තමඞ්ගන්ති.
10 කන්දගළකජාතකං.
නතංදළ්හවග්ගො ඡට්ඨො
තස්සුද්දානං:
දළ්හබන්ධනහංසවරො ච පුන
විරූපක්ඛ සවිට්ඨකමච්ඡවරො
සකුරුඞ්ගසඅස්සකඅම්බවරො
පුන කක්කරකො ගරුළෙන දස.
විරූපක්ඛ සවිට්ඨකමච්ඡවරො
සකුරුඞ්ගසඅස්සකඅම්බවරො
පුන කක්කරකො ගරුළෙන දස.
7. බීරණත්ථම්භක වග්ගො
277. අකාසි යොග්ගං ධුවමප්පමත්තො
සංවච්ඡරං බීරණත්ථම්භකස්මිං,
ව්යාකාසි සඤ්ඤං පරිසං විගය්හ
න නිය්යමො තායති අප්පපඤ්ඤං.
සංවච්ඡරං බීරණත්ථම්භකස්මිං,
ව්යාකාසි සඤ්ඤං පරිසං විගය්හ
න නිය්යමො තායති අප්පපඤ්ඤං.
278. ද්වයං යාචනකො තාත සොමදත්ත නිගච්ඡති,
අලාභං ධනලාභං වා එවං ධම්මා හි යාචනා’ති.
අලාභං ධනලාභං වා එවං ධම්මා හි යාචනා’ති.
1. සොමදත්ත ජාතකං.
279. අඤ්ඤො උපරිමො වණ්ණො අඤ්ඤො වණ්ණොව හෙට්ඨිමො
බ්රාහ්මණිං ත්වෙව පුච්ඡාමි කිං හෙට්ඨා කිච්ච උප්පරි.
බ්රාහ්මණිං ත්වෙව පුච්ඡාමි කිං හෙට්ඨා කිච්ච උප්පරි.
280. අහං නටොස්මි භද්දන්තෙ භික්ඛකොස්මි ඉධාගතො,
අයං හි කොට්ඨමොතිණ්ණො අයං සො යං ගවෙසසීති.
අයං හි කොට්ඨමොතිණ්ණො අයං සො යං ගවෙසසීති.
2. උච්ඡිට්ඨභත්තජාතකං.
281. ඉසීනමන්තරං කත්වා භරුරාජාති මෙ සුතං,
උච්ඡින්නො සහ රට්ඨෙන ස රාජා විභවං ගතො
උච්ඡින්නො සහ රට්ඨෙන ස රාජා විභවං ගතො
282. තස්මා හි ඡන්දා ගමනං නප්පසංසන්ති පණ්ඩිතා,
අදුට්ඨචිත්තො භාසෙය්ය ගිරං සච්චූපසංහිතන්ති.
අදුට්ඨචිත්තො භාසෙය්ය ගිරං සච්චූපසංහිතන්ති.
3. භරුජාතකං.
283. පුණ්ණං නදිං යෙන ච පෙය්යමාහු
ජාතං යවං යෙන ච ගුය්හමාහු,
දූරං ගතං යෙන ච අව්හයන්ති
සොත්යාගතො හන්ද ච භුඤ්ජ බ්රාහ්මණ
ජාතං යවං යෙන ච ගුය්හමාහු,
දූරං ගතං යෙන ච අව්හයන්ති
සොත්යාගතො හන්ද ච භුඤ්ජ බ්රාහ්මණ
284. යතො මං සරති රාජා වායසම්පි පහෙතවෙ:
හංසා කොඤ්චා මයූරා ච අසතියෙව පාපියාති.
හංසා කොඤ්චා මයූරා ච අසතියෙව පාපියාති.
4. පුණ්ණනදීජාතකං.