267. ඉඞ්ඝ වද්ධමයං පාසං ඡින්ද දන්තෙහි කච්ඡප,
අහං තථා කරිස්සාමි යථා නෙහිති ලුද්දකො.
අහං තථා කරිස්සාමි යථා නෙහිති ලුද්දකො.
268. කච්ඡපො පාවිසී වාරිං කුරුඞ්ගො පාවිසී වනං.
සතපත්තො දුමග්ගම්භා දූරෙ පුත්තෙ අපානයීති.
සතපත්තො දුමග්ගම්භා දූරෙ පුත්තෙ අපානයීති.
6. කුරුඞ්ගමිගජාතකං.
269. අයමස්සකරාජෙන දෙසො විචරිතො මයා,
අනුකාමයානුකාමෙන පියෙන පතිනා සහ.
අනුකාමයානුකාමෙන පියෙන පතිනා සහ.
270. නවෙන සුඛදුක්ඛෙන පොරාණං අපිථීයති,
තස්මා අස්සකරඤ්ඤාව කීටො පියතරො මමන්ති.
තස්මා අස්සකරඤ්ඤාව කීටො පියතරො මමන්ති.
7. අස්සකජාතකං.
271. අලමෙතෙහි අම්බෙහි ජම්බූහි පනසෙහි ච,
යානි පාරං සමුද්දස්ස වරං මය්හං උදුම්බරො.
යානි පාරං සමුද්දස්ස වරං මය්හං උදුම්බරො.
272. මහතී වත තෙ බොන්දි න ච පඤ්ඤා තදූපිකා,
සුංසුමාර වඤ්චිතො මෙසි ගච්ඡදානි යථා සුඛන්ති.
සුංසුමාර වඤ්චිතො මෙසි ගච්ඡදානි යථා සුඛන්ති.
8. සුංසුමාරජාතකං.
273. දිට්ඨා මයා වනෙ රුක්ඛා අස්සකණ්ණවිභීටකා,
න තානි එවං සක්කන්ති යථා ත්වං රුක්ඛ සක්කසි.
න තානි එවං සක්කන්ති යථා ත්වං රුක්ඛ සක්කසි.
274. පුරාණකක්කරො අයං භෙත්වා පඤ්ජරමාගතො,
කුසලො වාළපාසානං අපක්කමති භාසතී’ති.
කුසලො වාළපාසානං අපක්කමති භාසතී’ති.
9. කක්කරජාතකං.
275. අම්භො කො නාමයං රුක්ඛො සීනපත්තො සකණ්ටකො,
යත්ථ එකප්පහාරෙන උත්තමඞ්ගං විඝාටිතං.
යත්ථ එකප්පහාරෙන උත්තමඞ්ගං විඝාටිතං.
276. ආචරිතායං විතුදං වනානි
කට්ඨඞ්ගරුක්ඛෙසු අසාරකෙසු,
අථාසදා ඛදිරං ජාතසාරං
යත්ථබ්හිදා ගරුළො උත්තමඞ්ගන්ති.
කට්ඨඞ්ගරුක්ඛෙසු අසාරකෙසු,
අථාසදා ඛදිරං ජාතසාරං
යත්ථබ්හිදා ගරුළො උත්තමඞ්ගන්ති.
10 කන්දගළකජාතකං.
නතංදළ්හවග්ගො ඡට්ඨො
තස්සුද්දානං:
දළ්හබන්ධනහංසවරො ච පුන
විරූපක්ඛ සවිට්ඨකමච්ඡවරො
සකුරුඞ්ගසඅස්සකඅම්බවරො
පුන කක්කරකො ගරුළෙන දස.
විරූපක්ඛ සවිට්ඨකමච්ඡවරො
සකුරුඞ්ගසඅස්සකඅම්බවරො
පුන කක්කරකො ගරුළෙන දස.