241. පබ්බතූපත්ථරෙ රම්මෙ ජාතා පොක්ඛරණී සිවා,
තං සිගාලො අපාපායි ජානං සීහෙන රක්ඛිතං.
තං සිගාලො අපාපායි ජානං සීහෙන රක්ඛිතං.
242. පිවන්ති වෙ මහාරාජ සාපදානි මහානදිං
න තෙන අනදී හොති ඛමස්සු යදි තෙ පියා’ති.
න තෙන අනදී හොති ඛමස්සු යදි තෙ පියා’ති.
5. පබ්බතූපත්ථරජාතකං.
243. යෙ න කාහන්ති ඔවාදං නරා බුද්ධෙන දෙසිතං,
ව්යසනං තෙ ගමිස්සන්ති රක්ඛසීහීව වාණිජා.
ව්යසනං තෙ ගමිස්සන්ති රක්ඛසීහීව වාණිජා.
244. යෙ ච කාහන්ති ඔවාදං නරා බුද්ධෙන දෙසිතං,
සොත්ථිං පාරං ගමිස්සන්ති වලාහෙනෙව වාණිජා’ති.
සොත්ථිං පාරං ගමිස්සන්ති වලාහෙනෙව වාණිජා’ති.
6. වලාහස්සජාතකං.
245. න නං උම්භයතෙ දිස්වා න ච නං පටිනන්දති,
චක්ඛූනි චස්ස න දදාති පටිලොමඤ්ච වත්තති.
චක්ඛූනි චස්ස න දදාති පටිලොමඤ්ච වත්තති.
246. එතෙ භවන්ති ආකාරා අමිත්තස්සමිං පතිට්ඨිතා,
යෙහි අමිත්තං ජානෙය්ය දිස්වා සුත්වා ච පණ්ඩිතො’ති.
යෙහි අමිත්තං ජානෙය්ය දිස්වා සුත්වා ච පණ්ඩිතො’ති.
7. මිත්තාමිත්තජාතකං.
247. පවාසා ආගතො තාත ඉදානි න චිරාගතො,
නච්චින්නු තාත තෙ මාතා න අඤ්ඤමුපසෙවති.
නච්චින්නු තාත තෙ මාතා න අඤ්ඤමුපසෙවති.
248. න ඛො පනෙතං සුභණං ගිරං සච්චූපසංහිතං,
සයෙථ පොට්ඨපාදොව මුම්මුරෙ උපකූසිතො’ති.
සයෙථ පොට්ඨපාදොව මුම්මුරෙ උපකූසිතො’ති.
8. රාධජාතකං.
249. උභයං මෙ න ඛමති උභයං මෙ න රුච්චති,
යා චායං කොට්ඨමොතිණ්ණා න දස්සං ඉති භාසති,
යා චායං කොට්ඨමොතිණ්ණා න දස්සං ඉති භාසති,
250. තං තං ගාමපති බ්රූමි කදරෙ අප්පස්මිං ජීවිතෙ,
ද්වෙ මාසෙ කාරං කත්වාන මංසං ජරග්ගගවං කිසං,
අප්පත්තකාලෙ චොදෙසි තම්පි මය්හං න රුච්චති.
ද්වෙ මාසෙ කාරං කත්වාන මංසං ජරග්ගගවං කිසං,
අප්පත්තකාලෙ චොදෙසි තම්පි මය්හං න රුච්චති.
9. ගහපතිජාතකං.
251. සරීරදව්යං වද්ධව්යං සොජච්චං සාධුසීලියං,
බ්රාහ්මණන්ත්වෙව පුච්ඡාම කං නු තෙසං වණිම්භසෙ.
බ්රාහ්මණන්ත්වෙව පුච්ඡාම කං නු තෙසං වණිම්භසෙ.
252. අත්ථො අත්ථි සරීරස්මිං වද්ධව්යස්ස නමො කරෙ,
අත්ථො අත්ථි සුජාතස්මිං සීලං අස්මාක රුච්චතීති.
අත්ථො අත්ථි සුජාතස්මිං සීලං අස්මාක රුච්චතීති.
10. සාධුසීලජාතකං.
රුහකවග්ගො පඤ්චමො.
තස්සුද්දානං:
අම්භොරුහකරූපවතීමුසලො
පවසන්ති සපඤ්චමපොක්ඛරණි,
අථ මුත්තිමවාණිජ උම්භයතෙ
චිරආගත කොට්ඨ සරීර දස.
පවසන්ති සපඤ්චමපොක්ඛරණි,
අථ මුත්තිමවාණිජ උම්භයතෙ
චිරආගත කොට්ඨ සරීර දස.