205. ධනුහත්ථ කලාපෙහි නෙත්තිංසවරධාරිහි,
සමන්තා පරිකිණ්ණම්හා කථං මොක්ඛො භවිස්සති.
සමන්තා පරිකිණ්ණම්හා කථං මොක්ඛො භවිස්සති.
206. අප්පෙව බහුකිච්චානං අත්ථො ජායෙථ කොචි නං,
අත්ථි රුක්ඛස්ස අච්ඡින්නං ඛජ්ජතඤ්ඤෙව තින්දුකන්තී.
අත්ථි රුක්ඛස්ස අච්ඡින්නං ඛජ්ජතඤ්ඤෙව තින්දුකන්තී.
7. තින්දුකජාතකං.
207. ජනිත්තම්මෙ භවිත්තම්මෙ ඉති පඞ්කෙ අවස්සයිං,
තං මං පඞ්කො අජ්ඣභවි යථා දුබ්බලකං තථා
තං තං වදාමි භග්ගව සුණොහි වචනං මම.
තං මං පඞ්කො අජ්ඣභවි යථා දුබ්බලකං තථා
තං තං වදාමි භග්ගව සුණොහි වචනං මම.
208. ගාමෙ වා යදි රඤ්ඤෙ සුඛං යත්රාධිගච්ඡති,
තං ජනිත්තං භවිත්තඤ්ච පුරිසස්ස පජානතො,
යම්හි ජීවෙ තම්හි ගච්ඡෙ න නිකෙතහතො සියාති.
තං ජනිත්තං භවිත්තඤ්ච පුරිසස්ස පජානතො,
යම්හි ජීවෙ තම්හි ගච්ඡෙ න නිකෙතහතො සියාති.
8. කච්ඡපජාතකං.
209. තඤ්ච අප්පඤ්ච උච්ඡිට්ඨං තඤ්ච කිච්ඡෙන නො අදා,
සොහං බ්රාහ්මණජාතිකො මං භුත්තං තම්පි උග්ගතං.
සොහං බ්රාහ්මණජාතිකො මං භුත්තං තම්පි උග්ගතං.
210. එවං ධම්මං නිරං කත්වා යො අධම්මෙන ජීවති,
සතධම්මොව ලාභෙන ලද්ධෙනපි න නන්දතී’ති.
සතධම්මොව ලාභෙන ලද්ධෙනපි න නන්දතී’ති.
9. සතධම්මජාතකං.
211. දුද්දදං දදමානානං දුක්කරං කම්මකුබ්බතං,
අසන්තො නානුකුබ්බන්ති සතං ධම්මො දුරන්නයො.
අසන්තො නානුකුබ්බන්ති සතං ධම්මො දුරන්නයො.
212. තස්මා සතඤ්ච අසතඤ්ච නානා හොති ඉතො ගති,
අසන්තො නිරයං යන්ති සන්තො සග්ගපරායණා’ති.
අසන්තො නිරයං යන්ති සන්තො සග්ගපරායණා’ති.
10. දුද්දදජාතකං.
කල්යාණධම්මවග්ගො තතියො.
තස්සුද්දානං:
සුසමඤ්ඤමිගාධිභූ මාණවකො
වාරිපහුතරූපාදිච්චුපට්ඨානා,
සකළායසතින්දුකපඞ්ක පුන
සතධම්ම සුදුද්දදකෙන දස.
වාරිපහුතරූපාදිච්චුපට්ඨානා,
සකළායසතින්දුකපඞ්ක පුන
සතධම්ම සුදුද්දදකෙන දස.