195. කො නු සද්දෙන මහතා අභිනාදෙති දද්දරං,
කිං සීහා නප්පටිනන්දන්ති කො නාමෙසො මිගාධිභූ
කිං සීහා නප්පටිනන්දන්ති කො නාමෙසො මිගාධිභූ
196. අධමො මිගජාතානං සිගාලො තාත වස්සති,
ජාතිමස්ස ජිගුච්ඡන්තා තුණ්හී සීහා සමච්ඡරෙති.
ජාතිමස්ස ජිගුච්ඡන්තා තුණ්හී සීහා සමච්ඡරෙති.
2. දද්දරජාතකං.
197. තාත මාණවකො එසො තාලමූලං අපස්සිතො,
අගාරකඤ්චිදං අත්ථි හන්ද දෙමස්ස’ගාරකං.
අගාරකඤ්චිදං අත්ථි හන්ද දෙමස්ස’ගාරකං.
198. මා ඛො තං තාත පක්කොසි දූසෙය්ය නො අගාරකං,
නෙතාදිසං මුඛං හොති බ්රාහ්මණස්ස සුසීලිනො’ති.
නෙතාදිසං මුඛං හොති බ්රාහ්මණස්ස සුසීලිනො’ති.
3. මක්කටජාතකං.
199. අදම්හ තෙ වාරි පහූතරූපං
ඝම්මාභිතත්තස්ස පිපාසිතස්ස,
සොදානි පීත්වාන කිකිං කිරොසි
අසංගමො පාපජනෙන සෙය්යො.
ඝම්මාභිතත්තස්ස පිපාසිතස්ස,
සොදානි පීත්වාන කිකිං කිරොසි
අසංගමො පාපජනෙන සෙය්යො.
200. කො තෙ සුතො වා දිට්ඨො වා සීලවා නාම මක්කටො,
ඉදානි කො තං ඌහච්ච ඵසා අස්මාක ධම්මතා’ති.
ඉදානි කො තං ඌහච්ච ඵසා අස්මාක ධම්මතා’ති.
4. දුතියමක්කටජාතකං.
201. සබ්බෙසු කිර භූතෙසු සන්ති සීලසමාහිතා,
පස්ස සාඛා මිගං ජම්මං ආදිච්චමුපතිට්ඨති.
පස්ස සාඛා මිගං ජම්මං ආදිච්චමුපතිට්ඨති.
202. නාස්ස සීලං විජානාථ අනඤ්ඤාය පසංසථ
අග්ගිහුත්තඤ්ච ඌහන්තං ද්වෙ ච භින්නා කමණ්ඩලූ’ති.
අග්ගිහුත්තඤ්ච ඌහන්තං ද්වෙ ච භින්නා කමණ්ඩලූ’ති.
5. ආදිච්චුපට්ඨානජාතකං.
203. බාලො වතායං දුමසාඛගොචරො
පඤ්ඤා ජනින්ද නයිමස්ස විජ්ජති,
කළායමුට්ඨං අවකිරිය කෙවලං
එකං කළායං පතිතං ගවෙසති.
පඤ්ඤා ජනින්ද නයිමස්ස විජ්ජති,
කළායමුට්ඨං අවකිරිය කෙවලං
එකං කළායං පතිතං ගවෙසති.
204. එවමෙව මයං රාජ යෙ චඤ්ඤෙ අතිලොභිනො,
අප්පෙන බහු ජිය්යාම කළායෙනෙව වානරොති.
අප්පෙන බහු ජිය්යාම කළායෙනෙව වානරොති.
6. කළායමුට්ඨිජාතකං.
205. ධනුහත්ථ කලාපෙහි නෙත්තිංසවරධාරිහි,
සමන්තා පරිකිණ්ණම්හා කථං මොක්ඛො භවිස්සති.
සමන්තා පරිකිණ්ණම්හා කථං මොක්ඛො භවිස්සති.
206. අප්පෙව බහුකිච්චානං අත්ථො ජායෙථ කොචි නං,
අත්ථි රුක්ඛස්ස අච්ඡින්නං ඛජ්ජතඤ්ඤෙව තින්දුකන්තී.
අත්ථි රුක්ඛස්ස අච්ඡින්නං ඛජ්ජතඤ්ඤෙව තින්දුකන්තී.
7. තින්දුකජාතකං.
207. ජනිත්තම්මෙ භවිත්තම්මෙ ඉති පඞ්කෙ අවස්සයිං,
තං මං පඞ්කො අජ්ඣභවි යථා දුබ්බලකං තථා
තං තං වදාමි භග්ගව සුණොහි වචනං මම.
තං මං පඞ්කො අජ්ඣභවි යථා දුබ්බලකං තථා
තං තං වදාමි භග්ගව සුණොහි වචනං මම.