191. නායං පුරෙ උන්නමති තොරණග්ගෙ කකණ්ටකො,
මහොසධ විජානාහි කෙන ථද්ධො කකණ්ටකො.
මහොසධ විජානාහි කෙන ථද්ධො කකණ්ටකො.
192. අලද්ධපුබ්බං ලද්ධානං අද්ධමාසං කකණ්ටකො,
අතිමඤ්ඤති රාජානං වෙදෙහං මිථිලග්ගහන්ති.
අතිමඤ්ඤති රාජානං වෙදෙහං මිථිලග්ගහන්ති.
10. කකණ්ටක ජාතකං.
සන්ථවවග්ගො දුතියො
තස්සුද්දානං:
අථ ඉන්දසමානසපණ්ණකුටි
සුසිමුත්තමගිජ්ඣජලාබුජකා,
උපසාළ්හකභික්ඛු සලාපවරො
අථ මෙන්තවරො දස උන්නමතීති.
සුසිමුත්තමගිජ්ඣජලාබුජකා,
උපසාළ්හකභික්ඛු සලාපවරො
අථ මෙන්තවරො දස උන්නමතීති.
3. කල්යාණධම්මවග්ගො
193. කල්යාණධම්මොති යදා ජනින්ද
ලොකෙ සමඤ්ඤා අනුපාපුණාති,
තස්මා න හීයෙථ නරො සපඤ්ඤො
හිරියාපි සන්තො ධුරමාදියන්ති.
ලොකෙ සමඤ්ඤා අනුපාපුණාති,
තස්මා න හීයෙථ නරො සපඤ්ඤො
හිරියාපි සන්තො ධුරමාදියන්ති.
194. සායං සමඤ්ඤා ඉධ ම’ජ්ජපත්තා
කල්යාණධම්මොති ජනින්ද ලොකෙ,
තා’හං සමෙක්ඛං ඉධ පබ්බජිස්සං.
න හි ම’ත්ථි ඡන්දො ඉධ කාමභොගෙ’ති.
කල්යාණධම්මොති ජනින්ද ලොකෙ,
තා’හං සමෙක්ඛං ඉධ පබ්බජිස්සං.
න හි ම’ත්ථි ඡන්දො ඉධ කාමභොගෙ’ති.
1. කල්යාණධම්මජාතකං.
195. කො නු සද්දෙන මහතා අභිනාදෙති දද්දරං,
කිං සීහා නප්පටිනන්දන්ති කො නාමෙසො මිගාධිභූ
කිං සීහා නප්පටිනන්දන්ති කො නාමෙසො මිගාධිභූ
196. අධමො මිගජාතානං සිගාලො තාත වස්සති,
ජාතිමස්ස ජිගුච්ඡන්තා තුණ්හී සීහා සමච්ඡරෙති.
ජාතිමස්ස ජිගුච්ඡන්තා තුණ්හී සීහා සමච්ඡරෙති.
2. දද්දරජාතකං.
197. තාත මාණවකො එසො තාලමූලං අපස්සිතො,
අගාරකඤ්චිදං අත්ථි හන්ද දෙමස්ස’ගාරකං.
අගාරකඤ්චිදං අත්ථි හන්ද දෙමස්ස’ගාරකං.
198. මා ඛො තං තාත පක්කොසි දූසෙය්ය නො අගාරකං,
නෙතාදිසං මුඛං හොති බ්රාහ්මණස්ස සුසීලිනො’ති.
නෙතාදිසං මුඛං හොති බ්රාහ්මණස්ස සුසීලිනො’ති.
3. මක්කටජාතකං.
199. අදම්හ තෙ වාරි පහූතරූපං
ඝම්මාභිතත්තස්ස පිපාසිතස්ස,
සොදානි පීත්වාන කිකිං කිරොසි
අසංගමො පාපජනෙන සෙය්යො.
ඝම්මාභිතත්තස්ස පිපාසිතස්ස,
සොදානි පීත්වාන කිකිං කිරොසි
අසංගමො පාපජනෙන සෙය්යො.
200. කො තෙ සුතො වා දිට්ඨො වා සීලවා නාම මක්කටො,
ඉදානි කො තං ඌහච්ච ඵසා අස්මාක ධම්මතා’ති.
ඉදානි කො තං ඌහච්ච ඵසා අස්මාක ධම්මතා’ති.
4. දුතියමක්කටජාතකං.