348. හන්ත්වා ඣත්වා වධිත්වා ච දෙති දානං අසඤ්ඤතො,
එදිසං භත්තං භුඤ්ජමානො ස පාපෙන උපලිප්පති.
එදිසං භත්තං භුඤ්ජමානො ස පාපෙන උපලිප්පති.
349. පුත්තදාරම්පි චෙ හන්ත්වා දෙති දානං අසඤ්ඤතො,
භුඤ්ජමානොපි සප්පඤ්ඤො න පාපෙන උපලිප්පතී’ති.
භුඤ්ජමානොපි සප්පඤ්ඤො න පාපෙන උපලිප්පතී’ති.
6. තෙලොවාදජාතකං.
350. අද්ධා පාදඤ්ජලී සබ්බෙ පඤ්ඤාය අතිරොචති,
තථා හි ඔට්ඨං භඤ්ජෙති උත්තරිං නූන පස්සති.
තථා හි ඔට්ඨං භඤ්ජෙති උත්තරිං නූන පස්සති.
351. නායං ධම්මං අධම්මං වා අත්ථානත්ථංව බුජ්ඣති,
අඤ්ඤත්ර ඔට්ඨනිබ්භොගා නායං ජානාති කිඤ්චනන්ති.
අඤ්ඤත්ර ඔට්ඨනිබ්භොගා නායං ජානාති කිඤ්චනන්ති.
7. පාදඤ්ජලිජාතකං.
352. සබ්බෙහි කිංසුකො දිට්ඨො කින්ත්වෙත්ථ විචිකිච්ඡථ,
න හි සබ්බෙසු ඨානෙසු සාරථි පරිපුච්ඡිතො.
න හි සබ්බෙසු ඨානෙසු සාරථි පරිපුච්ඡිතො.
353. එවං සබ්බෙහි ඤාණෙහි යෙසං ධම්මා අජානිතා,
තෙ වෙ ධම්මෙසු කඞ්ඛන්ති කිංසුකස්මිංව භාතරො’ති
තෙ වෙ ධම්මෙසු කඞ්ඛන්ති කිංසුකස්මිංව භාතරො’ති
8. කිංසුකොපමජාතකං.
354. එකපුත්තකො භවිස්සසි
ත්වං ච නො හෙසස්සි ඉස්සරො කුලෙ,
ඔරොහ දුමස්මා සාලක
එහි දානි ඝරකං වජෙමසෙ
ත්වං ච නො හෙසස්සි ඉස්සරො කුලෙ,
ඔරොහ දුමස්මා සාලක
එහි දානි ඝරකං වජෙමසෙ
355. නනු මං හදයෙති මඤ්ඤසි
යඤ්චි මං හනසි වෙළුයට්ඨියා,
පක්කම්බවනෙ රමාමසෙ
ගච්ඡ ත්වං ඝරකං යථාසුඛන්ති.
යඤ්චි මං හනසි වෙළුයට්ඨියා,
පක්කම්බවනෙ රමාමසෙ
ගච්ඡ ත්වං ඝරකං යථාසුඛන්ති.
9. සාලකජාතකං.
356. අයං ඉසී උපසමසංයමෙ රතො
සන්තිට්ඨති සිසිරභයෙන අට්ටිතො,
හන්ද අයං පවිසතුමං අගාරකං
විනෙතු සීතං දරථඤ්ච කෙවලං.
සන්තිට්ඨති සිසිරභයෙන අට්ටිතො,
හන්ද අයං පවිසතුමං අගාරකං
විනෙතු සීතං දරථඤ්ච කෙවලං.
357. නායං ඉසී උපසමසංයමෙ රතො,
කපී අයං දුමවරසාඛගොචරො,
සො දූසකො රොසකො චාපි ජම්මො
සචෙ වජෙ ඉමම්පි දූසයෙ ඝරන්ති.
කපී අයං දුමවරසාඛගොචරො,
සො දූසකො රොසකො චාපි ජම්මො
සචෙ වජෙ ඉමම්පි දූසයෙ ඝරන්ති.
10. කපිජාතකං
සිගාලවග්ගො දසමො.
තස්සුද්දානං:
අථ රාජාසිගාලවරො සුනඛො
තථා කොසිය ඉච්ඡති කාලඝසො,
අථ දානවරොට්ඨපි සාරථිනා
පුනප්පවනඤ්ච සිසිරකපි දස.
තථා කොසිය ඉච්ඡති කාලඝසො,
අථ දානවරොට්ඨපි සාරථිනා
පුනප්පවනඤ්ච සිසිරකපි දස.
දුකනිපාතො නිට්ඨිතො.
වග්ගුද්දානං:
දළ්හඤ්ච වග්ගං අපරෙන සන්ථවං
කල්යාණවග්ගං සදිසො ච රුහකං,
නතංදළ්හං බීරනත්ථම්භකං පුන
කාසාවුපාහනසිගාලකෙන දසා’ති.
කල්යාණවග්ගං සදිසො ච රුහකං,
නතංදළ්හං බීරනත්ථම්භකං පුන
කාසාවුපාහනසිගාලකෙන දසා’ති.