161. අලීනචිත්තං නිස්සාය පහට්ඨා මහතී චමූ,
කොසලං සෙනාසන්තුට්ඨං ජීවගාහං අගාහයි.
කොසලං සෙනාසන්තුට්ඨං ජීවගාහං අගාහයි.
162. එවං නිස්සයසම්පන්නො භික්ඛු ආරද්ධවිරියො,
භාවයං කුසලං ධම්මං යොගක්ඛෙමස්ස පත්තියා.
පාපුණෙ අනුපුබ්බෙන සබ්බසංයොජනක්ඛයන්ති.
භාවයං කුසලං ධම්මං යොගක්ඛෙමස්ස පත්තියා.
පාපුණෙ අනුපුබ්බෙන සබ්බසංයොජනක්ඛයන්ති.
6. අලීනචිත්තජාතකං.
163. යෙන කාමං පණාමෙති ධම්මො බලවතං මිගී,
උන්නදන්තී විජානාහි ජාතං සරණතො භයං.
උන්නදන්තී විජානාහි ජාතං සරණතො භයං.
164. අපි චෙපි දුබ්බලො මිත්තො මිත්තධම්මෙසු තිට්ඨති,
සො ඤාතකො ච බන්ධූ ච සො මිත්තො සො ච මෙ සඛා
දාඨීනි මාතිමඤ්ඤිත්ථො සිගාලො මම පාණදොති.
සො ඤාතකො ච බන්ධූ ච සො මිත්තො සො ච මෙ සඛා
දාඨීනි මාතිමඤ්ඤිත්ථො සිගාලො මම පාණදොති.
7. ගුණජාතකං.
165. න ඉදං විසමසීලෙන සොණෙන සුහනුස්සහ,
සුහනූපි තාදිසොයෙව යො සොණස්ස ස ගොචරො.
සුහනූපි තාදිසොයෙව යො සොණස්ස ස ගොචරො.
166. පක්ඛන්දිනා පගබ්භෙන නිච්චං සන්දනඛාදිනා
සමෙති පාපං පාපෙන සමෙති අසතා අසන්ති.
සමෙති පාපං පාපෙන සමෙති අසතා අසන්ති.
8. සුහනුජාතකං.
167. උදෙතයං චක්ඛුමා එකරාජා
හරිස්සවණ්ණො පඨවිප්පභාසො,
තං තං නමස්සාමි හරිස්සවණ්ණං පඨවිප්පභාසං
තයජ්ජ ගුත්තා විහරෙමු දිවසං.
හරිස්සවණ්ණො පඨවිප්පභාසො,
තං තං නමස්සාමි හරිස්සවණ්ණං පඨවිප්පභාසං
තයජ්ජ ගුත්තා විහරෙමු දිවසං.
168. යෙ බ්රාහ්මණා වෙදගූ සබ්බධම්මෙ
තෙ මෙ නමො තෙ ච මං පාලයන්තු,
නමත්ථු බුද්ධානං නමත්ථු බොධියා
නමො විමුත්තානං නමො විමුත්තියා.
ඉමං සො පරිත්තං කත්වා මොරො චරති එසනා.
තෙ මෙ නමො තෙ ච මං පාලයන්තු,
නමත්ථු බුද්ධානං නමත්ථු බොධියා
නමො විමුත්තානං නමො විමුත්තියා.
ඉමං සො පරිත්තං කත්වා මොරො චරති එසනා.
169. අපෙතයං චක්ඛුමා එකරාජා
හරිස්සවණ්ණො පඨවිප්පභාසො,
තං තං නමස්සාමි හරිස්සවණ්ණං පඨවිප්පභාසං
තයජ්ජ ගුත්තා විහරෙමු රත්තිං.
හරිස්සවණ්ණො පඨවිප්පභාසො,
තං තං නමස්සාමි හරිස්සවණ්ණං පඨවිප්පභාසං
තයජ්ජ ගුත්තා විහරෙමු රත්තිං.
170. යෙ බ්රාහ්මණා වෙදගූ සබ්බධම්මෙ
තෙ මෙ නමො තෙ ච මං පාලයන්තු,
නමත්ථු බුද්ධානං නමත්ථු බොධියා
නමො විමුත්තානං නමො විමුත්තියා.
ඉමං සො පරිත්තං කත්වා මොරො වාසමකප්පයී’ති.
තෙ මෙ නමො තෙ ච මං පාලයන්තු,
නමත්ථු බුද්ධානං නමත්ථු බොධියා
නමො විමුත්තානං නමො විමුත්තියා.
ඉමං සො පරිත්තං කත්වා මොරො වාසමකප්පයී’ති.
9. මොරජාතකං.