171. එවමෙව නූන රාජානං වෙදෙහං මිථිලග්ගහං,
අස්සා වහන්ති ආජඤ්ඤා යථා හංසා විනීලකං.
අස්සා වහන්ති ආජඤ්ඤා යථා හංසා විනීලකං.
172. විනීල දුග්ගං භජසි අභූමිං තාත සෙවසි,
ගාමන්තිකානි සෙවස්සු එතං මාතාලයං තවා’ති.
ගාමන්තිකානි සෙවස්සු එතං මාතාලයං තවා’ති.
10. විනීලකජාතකං.
දළ්හවග්ගො පඨමො.
තස්සුද්දානං:
වරමල්ලිකදද්දරසුකරකො
උරගුත්තම පඤ්චම ගග්ගවරො,
මහතී චමූ යා ච සිගාලවරො
සුහනුත්තමමොරවිනීල දස.
උරගුත්තම පඤ්චම ගග්ගවරො,
මහතී චමූ යා ච සිගාලවරො
සුහනුත්තමමොරවිනීල දස.
2. සන්ථවවග්ගො
173. න සන්ථවං කාපුරිසෙන කයිරා
අරියො හි අරියෙන පජානමත්ථං
විරානුවුත්ථොපි කරොති පාපං
ගජො යථා ඉන්දසමානගොත්තං.
අරියො හි අරියෙන පජානමත්ථං
විරානුවුත්ථොපි කරොති පාපං
ගජො යථා ඉන්දසමානගොත්තං.
174. යංත්වෙව ජඤ්ඤා සදිසො මමන්ති
සීලෙන පඤ්ඤාය සුතෙන චාපි.
තෙනෙව මෙත්තිං කයිරාථ සද්ධිං,
සුඛාවහො සප්පුරිසෙන සඞ්ගමොති.
සීලෙන පඤ්ඤාය සුතෙන චාපි.
තෙනෙව මෙත්තිං කයිරාථ සද්ධිං,
සුඛාවහො සප්පුරිසෙන සඞ්ගමොති.
1. ඉන්දසමානගොත්තජාතකං.
175. න සත්ථවස්මා පරමත්ථි පාපියො
යො සන්ථවො කාපුරිසෙන හොති,
සන්තප්පිතො සප්පිනා පායසෙන
කිච්ඡා කතං පණ්ණකුටිං අදඩ්ඪහි.
යො සන්ථවො කාපුරිසෙන හොති,
සන්තප්පිතො සප්පිනා පායසෙන
කිච්ඡා කතං පණ්ණකුටිං අදඩ්ඪහි.
176. න සන්ථවස්මා පරමත්ථි සෙය්යො
යො සන්ථවො සප්පුරිසෙන හොති,
සීහස්ස ව්යග්ඝස්ස ච දීපිනො ච
සාමා මුඛං ලෙහති සන්ථවෙනා’ති.
යො සන්ථවො සප්පුරිසෙන හොති,
සීහස්ස ව්යග්ඝස්ස ච දීපිනො ච
සාමා මුඛං ලෙහති සන්ථවෙනා’ති.
2. සන්ථවජාතකං.
177. කාළා මිගා සෙතදන්තා තව ඉමෙ
පරොසතං හෙමජාලාහිසඤ්ඡන්නා,
තෙ තෙ දදාමීති සුසීම බ්රූසි
අනුස්සරං පෙත්තිපිතාමහානං.
පරොසතං හෙමජාලාහිසඤ්ඡන්නා,
තෙ තෙ දදාමීති සුසීම බ්රූසි
අනුස්සරං පෙත්තිපිතාමහානං.
178. කාළා මිගා සෙතදන්තා මම ඉමෙ
පරොසතං හෙමජාලාභිසඤ්ජන්නා,
තෙ තෙ දදාමීති වදාමි මාණව
අනුස්සරං පෙත්තිපිතාමහානත්ති.
පරොසතං හෙමජාලාභිසඤ්ජන්නා,
තෙ තෙ දදාමීති වදාමි මාණව
අනුස්සරං පෙත්තිපිතාමහානත්ති.
3. සුසීමජාතකං.