151. දළ්හං දළ්හස්ස ඛිපති මල්ලිකො මුදුනා මුදුං
සාධුම්පි සාධුනා ජෙති අසාධුම්පි අසාධුනා,
එතාදිසො අයං රාජා මග්ගා උය්යාහි සාරථි.
සාධුම්පි සාධුනා ජෙති අසාධුම්පි අසාධුනා,
එතාදිසො අයං රාජා මග්ගා උය්යාහි සාරථි.
152. අක්කොධෙන ජිනෙ කොධං අසාධුං සාධුනා ජිනෙ,
ජිනෙ කදරියං දානෙන සච්චෙන අලිකවාදිනං
එතාදිසො අයං රාජා මග්ගා උය්යාහි සාරථීති.
ජිනෙ කදරියං දානෙන සච්චෙන අලිකවාදිනං
එතාදිසො අයං රාජා මග්ගා උය්යාහි සාරථීති.
1. රාජොවාදජාතකං.
153. අසමෙක්ඛිතකම්මන්තං තුරිතාභිනිපාතිනං,
සානි කම්මානි තප්පෙත්ති උණ්හං වජ්ඣොහිතං මුඛෙ.
සානි කම්මානි තප්පෙත්ති උණ්හං වජ්ඣොහිතං මුඛෙ.
154. සීහො ච සීහනාදෙන දද්දරං අභිනාදයි,
සුත්වා සීහස්ස නිග්ඝොසං සිගාලො දද්දරෙ වසං
භීතො සන්තාසමාපාදි හදයඤ්චස්ස අප්ඵලීති.
සුත්වා සීහස්ස නිග්ඝොසං සිගාලො දද්දරෙ වසං
භීතො සන්තාසමාපාදි හදයඤ්චස්ස අප්ඵලීති.
2. සිගාලජාතකං.
155. චතුප්පදො අහං සම්ම ත්වම්පි සම්ම චතුප්පදො,
එහි සීහ නිවත්තස්සු කින්නු භීතො පලායසී.
එහි සීහ නිවත්තස්සු කින්නු භීතො පලායසී.
156. අසුචි පූතිලොමොසි දුග්ගන්ධො වාසි සූකර,
සචෙ යුජ්ඣිතුකාමොසි ජයං සම්ම දදාමි තෙති.
සචෙ යුජ්ඣිතුකාමොසි ජයං සම්ම දදාමි තෙති.
3. සූකරජාතකං.
157. ඉධූරගානං පවරො පවිට්ඨො
සෙලස්ස වණ්ණෙන පමොක්ඛමිච්ඡං,
බ්රහ්මඤ්ච වණ්ණං අපචායමානො
බුභුක්ඛිතො නො විසහාමි. භොත්තුං.
සෙලස්ස වණ්ණෙන පමොක්ඛමිච්ඡං,
බ්රහ්මඤ්ච වණ්ණං අපචායමානො
බුභුක්ඛිතො නො විසහාමි. භොත්තුං.
158. සො බ්රහ්මගුත්තො චිරමෙව ජීව
දිබ්බා ච තෙ පාතුභවන්තු භක්ඛා,
යො බ්රහ්මවණ්ණං අපචායමානො
බුභුක්ඛිතො නො විසහාසි භොත්තුන්ති.
දිබ්බා ච තෙ පාතුභවන්තු භක්ඛා,
යො බ්රහ්මවණ්ණං අපචායමානො
බුභුක්ඛිතො නො විසහාසි භොත්තුන්ති.
4. උරගජාතකං.
159. ජීව වසස්සතං ගග්ග අපරානි ච වීසතිං
මා මං පිසාචා ඛාදන්තු ජීව ත්වං සරදොසතං.
මා මං පිසාචා ඛාදන්තු ජීව ත්වං සරදොසතං.
160. ත්වම්පි වස්සසතං ජීව අපරානි ච වීසතිං,
විසං පිසාචා ඛාදන්තු ජීව ත්වං සරදොසතන්ති.
විසං පිසාචා ඛාදන්තු ජීව ත්වං සරදොසතන්ති.
5. ගග්ගජාතකං.
161. අලීනචිත්තං නිස්සාය පහට්ඨා මහතී චමූ,
කොසලං සෙනාසන්තුට්ඨං ජීවගාහං අගාහයි.
කොසලං සෙනාසන්තුට්ඨං ජීවගාහං අගාහයි.
162. එවං නිස්සයසම්පන්නො භික්ඛු ආරද්ධවිරියො,
භාවයං කුසලං ධම්මං යොගක්ඛෙමස්ස පත්තියා.
පාපුණෙ අනුපුබ්බෙන සබ්බසංයොජනක්ඛයන්ති.
භාවයං කුසලං ධම්මං යොගක්ඛෙමස්ස පත්තියා.
පාපුණෙ අනුපුබ්බෙන සබ්බසංයොජනක්ඛයන්ති.
6. අලීනචිත්තජාතකං.
163. යෙන කාමං පණාමෙති ධම්මො බලවතං මිගී,
උන්නදන්තී විජානාහි ජාතං සරණතො භයං.
උන්නදන්තී විජානාහි ජාතං සරණතො භයං.
164. අපි චෙපි දුබ්බලො මිත්තො මිත්තධම්මෙසු තිට්ඨති,
සො ඤාතකො ච බන්ධූ ච සො මිත්තො සො ච මෙ සඛා
දාඨීනි මාතිමඤ්ඤිත්ථො සිගාලො මම පාණදොති.
සො ඤාතකො ච බන්ධූ ච සො මිත්තො සො ච මෙ සඛා
දාඨීනි මාතිමඤ්ඤිත්ථො සිගාලො මම පාණදොති.
7. ගුණජාතකං.
165. න ඉදං විසමසීලෙන සොණෙන සුහනුස්සහ,
සුහනූපි තාදිසොයෙව යො සොණස්ස ස ගොචරො.
සුහනූපි තාදිසොයෙව යො සොණස්ස ස ගොචරො.