2010. අස්සං ගවං රජතං ජාතරූපං
භරියඤ්ච සො ඉධ ලභතං මනාපං,
පුත්තෙහි දාරෙහි සමඞ්ගි හොතු
භිසානි තෙ බ්රාහ්මණ යො අහාසි.
භරියඤ්ච සො ඉධ ලභතං මනාපං,
පුත්තෙහි දාරෙහි සමඞ්ගි හොතු
භිසානි තෙ බ්රාහ්මණ යො අහාසි.
2011. මාලඤ්ච සො කාසිකචන්දනඤ්ච
ධාරෙතු පුත්තස්ස බහූ භවන්තු,
කාමෙසු තිබ්බං කුරුතං අපෙක්ඛං
භිසානි තෙ බ්රාහ්මණ යො අහාසි.
ධාරෙතු පුත්තස්ස බහූ භවන්තු,
කාමෙසු තිබ්බං කුරුතං අපෙක්ඛං
භිසානි තෙ බ්රාහ්මණ යො අහාසි.
2012. පහූතධඤ්ඤො කසිමා යසස්සී
පුත්තෙ ගිහී ධනිමා සබ්බකාමෙ,
වයං අපස්සං ඝරමාවසාතු
භිසානි තෙ බ්රාහ්මණ යො අහාසි.
පුත්තෙ ගිහී ධනිමා සබ්බකාමෙ,
වයං අපස්සං ඝරමාවසාතු
භිසානි තෙ බ්රාහ්මණ යො අහාසි.
2013. සො ඛත්තියො හොතු පසය්හකාරී
රාජාභිරාජා බලවා යසස්සී,
සචාතුරන්තං මහිමාවසාතු
භිසානි තෙ බ්රාහ්මණ යො අහාසි.
රාජාභිරාජා බලවා යසස්සී,
සචාතුරන්තං මහිමාවසාතු
භිසානි තෙ බ්රාහ්මණ යො අහාසි.
2014. සො බ්රාහ්මණො හොතු අවීතරාගො
මුහුත්තනක්ඛත්තපථෙසු යුත්තො,
පූජෙතු නං රට්ඨපතී යසස්සී
භිසානි තෙ බ්රාහ්මණ යො අහාසා.
මුහුත්තනක්ඛත්තපථෙසු යුත්තො,
පූජෙතු නං රට්ඨපතී යසස්සී
භිසානි තෙ බ්රාහ්මණ යො අහාසා.
2015. අජ්ඣායකං සබ්බසමත්තවෙදං
තපස්සිනං මඤ්ඤතු සබ්බලොකො,
පූජෙන්තු තං ජානපදා සමෙච්ච
භිසානි තෙ බ්රාහ්මණ යො අහාසි.
තපස්සිනං මඤ්ඤතු සබ්බලොකො,
පූජෙන්තු තං ජානපදා සමෙච්ච
භිසානි තෙ බ්රාහ්මණ යො අහාසි.
2016. චතුස්සදං ගාමවරං සමිද්ධං
දින්නං හි භුඤ්ජතු වාසවෙන,
අවීතරාගො මරණං උපෙතු
භිසානි තෙ බ්රාහ්මණ යො අහාසි.
දින්නං හි භුඤ්ජතු වාසවෙන,
අවීතරාගො මරණං උපෙතු
භිසානි තෙ බ්රාහ්මණ යො අහාසි.
2017. සො ගාමණී හොතු සහායමජ්ඣෙ
නච්චෙහි ගීතෙහි පමොදමානො,
මා රාජතො ව්යසනමලත්ථකිඤ්චි
භිසානි තෙ බ්රාහ්මණ යො අහාසි.
නච්චෙහි ගීතෙහි පමොදමානො,
මා රාජතො ව්යසනමලත්ථකිඤ්චි
භිසානි තෙ බ්රාහ්මණ යො අහාසි.
2018. යං එකරාජා පඨවිං විජෙත්වා
ඉත්ථි සහස්සස්ස ඨපෙතු අග්ගං
සීමන්තිනීනං පවරා භවාතු
භිසානි තෙ බ්රාහ්මණ යා අහාසි.
ඉත්ථි සහස්සස්ස ඨපෙතු අග්ගං
සීමන්තිනීනං පවරා භවාතු
භිසානි තෙ බ්රාහ්මණ යා අහාසි.
2019. ඉසීනං හි සා සබ්බසමාගතානං
භුඤ්ජෙය්ය සාදුං අවිකම්පමානා,
චරාතු ලාභෙන විකත්ථමානා
භිසානි තෙ බ්රාහ්මණ යා අහාසි.
භුඤ්ජෙය්ය සාදුං අවිකම්පමානා,
චරාතු ලාභෙන විකත්ථමානා
භිසානි තෙ බ්රාහ්මණ යා අහාසි.
2020. ආවාසිකො හොතු මහාවිහාරෙ
නවකම්මිකො හොතු කජඞ්ගලායං,
ආලොකසන්ධිං දිවසා කරොතු
භිසානි තෙ බ්රාහ්මණ යො අහාසි.
නවකම්මිකො හොතු කජඞ්ගලායං,
ආලොකසන්ධිං දිවසා කරොතු
භිසානි තෙ බ්රාහ්මණ යො අහාසි.
2021. සො බජ්ඣතං පාසසතෙහි ඡම්හි
රම්මා වනා නීයතු රාජධානිං,
තුත්තෙහි සො හඤ්ඤතු පාචනෙහි
භිසානි තෙ බ්රාහ්මණ යො අහාසි.
රම්මා වනා නීයතු රාජධානිං,
තුත්තෙහි සො හඤ්ඤතු පාචනෙහි
භිසානි තෙ බ්රාහ්මණ යො අහාසි.
2022. අලක්කමාලී තිපුකණ්ණවිද්ධො
ලට්ඨිහතො සප්පමුඛං උපෙතු,
සක්කවචබද්ධො විසිඛං චරාතු
භිසානි තෙ බ්රාහ්මණ යො අහාසි.
ලට්ඨිහතො සප්පමුඛං උපෙතු,
සක්කවචබද්ධො විසිඛං චරාතු
භිසානි තෙ බ්රාහ්මණ යො අහාසි.
2023. යො චෙ අනට්ඨං නට්ඨන්ති චාහ
කාමෙච සො ලභතං භුඤ්ජතඤ්ච,
අගාරමජ්ඣෙ මරණං උපෙතු
යො චා භොන්තො සඞ්කති කඤ්චිදෙව.
කාමෙච සො ලභතං භුඤ්ජතඤ්ච,
අගාරමජ්ඣෙ මරණං උපෙතු
යො චා භොන්තො සඞ්කති කඤ්චිදෙව.
2024. යදෙසමානා විචරන්ති ලොකෙ
ඉට්ඨඤ්ච කන්තඤ්ච බහුන්නමෙතං,
පියං මනුඤ්ඤං ඉධ ජිවලොකෙ
කස්මා ඉසයො නප්පසංසන්ති කාමෙ
ඉට්ඨඤ්ච කන්තඤ්ච බහුන්නමෙතං,
පියං මනුඤ්ඤං ඉධ ජිවලොකෙ
කස්මා ඉසයො නප්පසංසන්ති කාමෙ