1915. ආසිංසෙථෙව පුරිසො න නිබ්බින්දෙය්ය පණ්ඩිතො,
පස්සාමි වොහං අත්තානං යථා ඉච්ඡිං තථා අහු.
පස්සාමි වොහං අත්තානං යථා ඉච්ඡිං තථා අහු.
1916. ආසිංසෙථෙව පුරිසො න නිබ්බින්දෙය්ය පණ්ඩිතො,
පස්සාමි වොහං අත්තානං උදකා ථලමුබ්භතං.
පස්සාමි වොහං අත්තානං උදකා ථලමුබ්භතං.
1917. වායමෙථෙව පුරිසො න නිබ්බින්දෙය්ය පණ්ඩිතො,
පස්සාමි වොහං අත්තානං යථා ඉච්ඡිං තථා අහු.
පස්සාමි වොහං අත්තානං යථා ඉච්ඡිං තථා අහු.
1918. වායමෙථෙව පුරිසො න නිබ්බින්දෙය්ය පණ්ඩිතො,
පස්සාමි වොහං අත්තානං උදකා ථලමුබ්භතං.
පස්සාමි වොහං අත්තානං උදකා ථලමුබ්භතං.
1919. දුක්ඛූපනීතොපි නරො සපඤ්ඤො
ආසං න ඡින්දෙය්ය සුඛාගමාය,
බහූහි ඵස්සා අහිතා හිතා ච
අවිතක්කිතා මච්චුමුපබ්බජත්ති.
ආසං න ඡින්දෙය්ය සුඛාගමාය,
බහූහි ඵස්සා අහිතා හිතා ච
අවිතක්කිතා මච්චුමුපබ්බජත්ති.
1920. අවින්තිතම්පි භවති චින්තිතම්පි විනස්සති.
නහි චින්තාමයා භොගා ඉත්ථියා පුරිසස්ස වා.
නහි චින්තාමයා භොගා ඉත්ථියා පුරිසස්ස වා.
1921. සරභං ගිරිදුග්ගස්මිං යං ත්වං අනුසරී පුරෙ,
අලීනචිත්තස්ස තුවං වික්කන්නමනුජීවසි.
අලීනචිත්තස්ස තුවං වික්කන්නමනුජීවසි.
1922. යො තං විදුග්ගා නරකා සමුද්ධරි
සිලාය යොග්ගං සරභො කරිත්වා,
දුක්ඛුපනීතං මච්චුමුඛා පමොචයි
අලීනචින්තං තමිගං වදෙසි.
සිලාය යොග්ගං සරභො කරිත්වා,
දුක්ඛුපනීතං මච්චුමුඛා පමොචයි
අලීනචින්තං තමිගං වදෙසි.
1923. තුවං නු තත්ථෙව තදා අහොසි
උදාහු තෙ කොචි නං එතදක්ඛා,
විවත්තච්ඡද්දො නුසි සබ්බදස්සී
ඤාණන්නු තෙ බ්රාහ්මණ භිංසරූපං.
උදාහු තෙ කොචි නං එතදක්ඛා,
විවත්තච්ඡද්දො නුසි සබ්බදස්සී
ඤාණන්නු තෙ බ්රාහ්මණ භිංසරූපං.
1924. න චෙවහං තත්ථ තදා අහොසිං
න චාපි මෙ කොචි නං එතදක්ඛා,
ගාථාපදානඤ්ච සුභාසිතානං
අත්ථං තදා නෙන්ති ජනින්ද ධීරා.
න චාපි මෙ කොචි නං එතදක්ඛා,
ගාථාපදානඤ්ච සුභාසිතානං
අත්ථං තදා නෙන්ති ජනින්ද ධීරා.
1925. ආදාය පත්තිං පරවිරියඝාතිං
චාපෙ සරං කිං විචිකිච්ඡසෙ තුවං,
නුණ්ණො සරො සරභං හන්තු ඛිප්පං
අන්නං හි එතං වරපඤ්ඤ රඤ්ඤො.
චාපෙ සරං කිං විචිකිච්ඡසෙ තුවං,
නුණ්ණො සරො සරභං හන්තු ඛිප්පං
අන්නං හි එතං වරපඤ්ඤ රඤ්ඤො.
1926. අද්ධා පජානාමි අහම්පි එතං
අන්නං මිගො බ්රාහ්මණ ඛත්තියස්ස,
පුබ්බෙ කතඤ්ච අපචායමානො
තස්මා මිගං සරභං නො හනාමි.
අන්නං මිගො බ්රාහ්මණ ඛත්තියස්ස,
පුබ්බෙ කතඤ්ච අපචායමානො
තස්මා මිගං සරභං නො හනාමි.