81. අපායිම්හ අනවචිම්හ අගායිම්හ රුදිම්හ ච,
විසඤ්ඤකරණිං පීත්වා දිට්ඨා නාහුම්හ වානරා’ති.
විසඤ්ඤකරණිං පීත්වා දිට්ඨා නාහුම්හ වානරා’ති.
1. සුරාපානජාතකං.
82. අතික්කම්ම රමණකං සදාමන්තඤ්ච දූභකං,
ස්වාසි පාසාණමාසීනො යස්මා ජීවං න මොක්ඛසී’ති.
ස්වාසි පාසාණමාසීනො යස්මා ජීවං න මොක්ඛසී’ති.
2. මිත්තවින්දජාතකං.
83. මිත්තො හවෙ සත්තපදෙන හොති
සහායො පන ද්වාදසකෙන හොති,
මාසද්ධමාසෙන ච ඤාති හොති
තතුත්තරිං අන්තසමොපි හොති.
සොහං කථං අන්තසුඛස්ස හෙතු
චිරසන්ථුතං කාලකණ්ණිං ජහෙය්යන්ති.
සහායො පන ද්වාදසකෙන හොති,
මාසද්ධමාසෙන ච ඤාති හොති
තතුත්තරිං අන්තසමොපි හොති.
සොහං කථං අන්තසුඛස්ස හෙතු
චිරසන්ථුතං කාලකණ්ණිං ජහෙය්යන්ති.
3. කාලකණ්ණිජාතකං.
84. ආරොග්යමිච්ඡෙ පරමඤ්ච ලාභං
සීලඤ්ච වුද්ධානුමතං සුතඤ්ච,
ධම්මානුවත්තී ච අලීනතා ච
අත්ථස්ස ද්වාරා පමුඛා ඡළෙතෙ’ති.
සීලඤ්ච වුද්ධානුමතං සුතඤ්ච,
ධම්මානුවත්තී ච අලීනතා ච
අත්ථස්ස ද්වාරා පමුඛා ඡළෙතෙ’ති.
4. අත්ථස්සද්වාරජාතකං.
85. ආයතිදොසං නාඤ්ඤාය යො කාමෙ පතිසෙවති,
විපාකන්තෙ හනන්ති නං කිංපක්කමිව භක්ඛිතන්ති.
විපාකන්තෙ හනන්ති නං කිංපක්කමිව භක්ඛිතන්ති.
5. කිම්පක්කජාතකං.
86. සීලං කිරෙව කල්යාණං සීලං ලොකෙ අනුත්තරං,
පස්ස ඝොරවිසො නාගො සීලවාති න හඤ්ඤතී’ති.
පස්ස ඝොරවිසො නාගො සීලවාති න හඤ්ඤතී’ති.
6. සීලවීමංසජාතකං.
87. යස්ස මඞ්ගලා සමූහතා
උප්පාතා සුපිනා ච ලක්ඛණා ච,
සමඞ්ගලදොසවීතිවත්තො
යුගයොගාධිගතො න ජාතුමෙතීති.
උප්පාතා සුපිනා ච ලක්ඛණා ච,
සමඞ්ගලදොසවීතිවත්තො
යුගයොගාධිගතො න ජාතුමෙතීති.
7. මඞ්ගලජාතකං.
88. කල්යාණිමෙව මුඤ්චෙය්ය නහි මුඤ්චෙය්ය පාපිකං,
මොක්ඛො කල්යාණියා සාධු මුත්වා තපති පාපිකන්ති.
මොක්ඛො කල්යාණියා සාධු මුත්වා තපති පාපිකන්ති.
8. සාරම්හජාතකං.
89. වාචාව කිර තෙ ආසි සණ්හා සඛිලභාණිනො,
තිණමත්තෙ අසජ්ජිත්ථො නො ච නික්ඛසතං හරන්ති.
තිණමත්තෙ අසජ්ජිත්ථො නො ච නික්ඛසතං හරන්ති.
9. කුහකජාතකං
90. යො පුබ්බෙ කතකල්යාණො කතත්ථො නාවබුජ්ඣති,
පච්ඡා කිච්චෙ සමුප්පන්නෙ කත්තාරං නාධිගච්ඡති.
පච්ඡා කිච්චෙ සමුප්පන්නෙ කත්තාරං නාධිගච්ඡති.
10. අකතඤ්ඤුජාතකං.
අපායිම්හවග්ගො නවමො.
තස්සුද්දානං:
අපායිම්හ ච දූභකසත්තපදං
ඡළද්වාර ච ආයතිනා ච පුන,
අහිසීලවමඞ්ගලිපාපිකස්සා
සතනික්ඛකතත්ථවරෙන දස.
ඡළද්වාර ච ආයතිනා ච පුන,
අහිසීලවමඞ්ගලිපාපිකස්සා
සතනික්ඛකතත්ථවරෙන දස.