71. යො පුබ්බෙ කරණීයානි පච්ඡා සො කාතුමිච්ඡති,
වරණ කට්ඨභඤ්ජොව ස පච්ඡාමනුතප්පතීති.
වරණ කට්ඨභඤ්ජොව ස පච්ඡාමනුතප්පතීති.
1. වරණජාතකං.
72. අකතඤ්ඤුස්ස පොසස්ස නිච්චං විවරදස්සිනො,
සබ්බඤ්චෙ පඨවිං දජ්ජා නෙව නං අභිරාධයෙති.
සබ්බඤ්චෙ පඨවිං දජ්ජා නෙව නං අභිරාධයෙති.
2. සීලවනාගරාජජාතකං.
73. සච්චං කිරෙවමාහංසු නරා එකච්චියා ඉධ,
කට්ඨං විප්ලාවිතං සෙය්යො නත්වෙවෙකච්චියො නරොති.
කට්ඨං විප්ලාවිතං සෙය්යො නත්වෙවෙකච්චියො නරොති.
3. සච්චංකිරජාතකං.
74. සාධු සම්බහුලා ඤාතී අපි රුක්ඛා අරඤ්ඤජා,
වාතො වහති එකට්ඨං බ්රහන්තම්පි වනස්පතින්ති.
වාතො වහති එකට්ඨං බ්රහන්තම්පි වනස්පතින්ති.
4. රුක්ඛධම්මජාතකං.
75. අභිත්ථනය පජ්ජුන්න නිධිං කාකස්ස නාසය,
කාකං සොකාය රන්ධෙහි මඤ්ච සොකා පමොචයා’ති.
කාකං සොකාය රන්ධෙහි මඤ්ච සොකා පමොචයා’ති.
5. මච්ඡජාතකං.
76. අසඞ්කියොම්භි ගාමම්භි අරඤ්ඤෙ නත්ථි මෙ භයං,
උජුමග්ගං සමාරූළ්හො මෙත්තාය කරුණාය චාති.
උජුමග්ගං සමාරූළ්හො මෙත්තාය කරුණාය චාති.
6. අසඞ්කියජාතකං.
77. උසභා රුක්ඛා ගාමියො ගාවා ච,
අස්සො කංසො සිගාලී ච තුම්භො,
පොක්ඛරණී ච අපාකචන්දනං
අස්සො කංසො සිගාලී ච තුම්භො,
පොක්ඛරණී ච අපාකචන්දනං
ලාපූනි සීදන්ති සිලා ප්ලවන්ති.
මණ්ඩුකියො කණ්හසප්පෙ ගිලන්ති.
කාකං සුවණ්ණා පරිවාරයන්ති.
තසාවකා ඵළකානං භයා හි
විපරියාසො වත්තති න ඉධමත්ථීති.
මණ්ඩුකියො කණ්හසප්පෙ ගිලන්ති.
කාකං සුවණ්ණා පරිවාරයන්ති.
තසාවකා ඵළකානං භයා හි
විපරියාසො වත්තති න ඉධමත්ථීති.
7. මහාසුපිනජාතකං.
78. උභො ඛඤ්ජා උභො කුණී උභො විසමචක්ඛුකා,
උභින්නං පිළකා ජාතා නාහං පස්සාමි ඉල්ලිසන්ති.
උභින්නං පිළකා ජාතා නාහං පස්සාමි ඉල්ලිසන්ති.
8. ඉල්ලීසජාතකං.
79. යතො විලුත්තා ච හතා ච ගාවො
දඩ්ඪානි ගෙහානි ජනො ච නීතො,
අථාගමා පුත්තහතාය පුත්තො
ඛරස්සරං දෙණ්ඩිමං වාදයන්තොති.
දඩ්ඪානි ගෙහානි ජනො ච නීතො,
අථාගමා පුත්තහතාය පුත්තො
ඛරස්සරං දෙණ්ඩිමං වාදයන්තොති.
9. ඛරස්සරජාතකං.
80. යන්තෙ පවිකත්ථිතං පුරෙ
අථ තෙ පූතිඝරා සරන්ති පච්ඡා.
උභයං න සමෙති භීමසෙන
යුද්ධකථා ච ඉදං ච තෙ විහඤ්ඤන්ති.
අථ තෙ පූතිඝරා සරන්ති පච්ඡා.
උභයං න සමෙති භීමසෙන
යුද්ධකථා ච ඉදං ච තෙ විහඤ්ඤන්ති.
10. භීමසෙනජාතකං.
වරණවග්ගො අට්ඨමො.
තස්සුද්දානං:
වරණා අකතඤ්ඤූවරෙසුසච්චවරං සවනප්පතිනා ච අභිත්ථනය,
කරුණායසිලාප්ලවඉත්ථිසතො පුන දෙණ්ඩිමපූතිසරෙන දස.
කරුණායසිලාප්ලවඉත්ථිසතො පුන දෙණ්ඩිමපූතිසරෙන දස.