66. එකා ඉච්ඡා පුරෙ ආසි අලද්ධා මුදුලක්ඛණං,
යතො ලද්ධා අළාරක්ඛී ඉච්ඡා ඉච්ඡං විජායථාති.
යතො ලද්ධා අළාරක්ඛී ඉච්ඡා ඉච්ඡං විජායථාති.
6. මුදුලක්ඛණජාතකං.
67. උච්ඡඞ්ගෙ දෙව මෙ පුත්තො පථෙ ධාවන්තියා පති,
තඤ්ච දෙසං න පස්සාමි යතො සොදරියමානයෙති.
තඤ්ච දෙසං න පස්සාමි යතො සොදරියමානයෙති.
7. උච්ඡඞ්ගජාතකං.
68. යස්මිං මනො නිවිසති චිත්තං වාපි පසීදති,
අදිට්ඨපුබ්බකෙ පොසෙ කාමං තස්මිම්පි විස්සසෙ’ති
අදිට්ඨපුබ්බකෙ පොසෙ කාමං තස්මිම්පි විස්සසෙ’ති
8. සාකෙතජාතකං.
69. ධිරත්ථු තං විසං වන්තං යමහං ජීවිතකාරණා,
වන්තං පච්චාවමිස්සාමි මතං මෙ ජීවිතා වරන්ති.
වන්තං පච්චාවමිස්සාමි මතං මෙ ජීවිතා වරන්ති.
9. විසවන්තජාතකං.
70. න තං ජිතං සාධු ජිතං යං ජිතං අවජීයති,
තං ඛො ජිතං සාධු ජිතං යං ජිතං නාවජීයතීති.
තං ඛො ජිතං සාධු ජිතං යං ජිතං නාවජීයතීති.
10. කුද්දාලජාතකං.
ඉත්ථිවග්ගො සත්තමො.
තස්සුද්දානං:
සිඛී සබ්බඝසොපි ච වීණවරො
පිසුනමිත්තභෙදිකානන්දිනදී,
මුදුලක්ඛණසොදරියාචමනො
විසසාධුජිතෙන භවන්ති දස.
පිසුනමිත්තභෙදිකානන්දිනදී,
මුදුලක්ඛණසොදරියාචමනො
විසසාධුජිතෙන භවන්ති දස.
8. වරණවග්ගො
71. යො පුබ්බෙ කරණීයානි පච්ඡා සො කාතුමිච්ඡති,
වරණ කට්ඨභඤ්ජොව ස පච්ඡාමනුතප්පතීති.
වරණ කට්ඨභඤ්ජොව ස පච්ඡාමනුතප්පතීති.
1. වරණජාතකං.
72. අකතඤ්ඤුස්ස පොසස්ස නිච්චං විවරදස්සිනො,
සබ්බඤ්චෙ පඨවිං දජ්ජා නෙව නං අභිරාධයෙති.
සබ්බඤ්චෙ පඨවිං දජ්ජා නෙව නං අභිරාධයෙති.
2. සීලවනාගරාජජාතකං.
73. සච්චං කිරෙවමාහංසු නරා එකච්චියා ඉධ,
කට්ඨං විප්ලාවිතං සෙය්යො නත්වෙවෙකච්චියො නරොති.
කට්ඨං විප්ලාවිතං සෙය්යො නත්වෙවෙකච්චියො නරොති.
3. සච්චංකිරජාතකං.
74. සාධු සම්බහුලා ඤාතී අපි රුක්ඛා අරඤ්ඤජා,
වාතො වහති එකට්ඨං බ්රහන්තම්පි වනස්පතින්ති.
වාතො වහති එකට්ඨං බ්රහන්තම්පි වනස්පතින්ති.
4. රුක්ඛධම්මජාතකං.
75. අභිත්ථනය පජ්ජුන්න නිධිං කාකස්ස නාසය,
කාකං සොකාය රන්ධෙහි මඤ්ච සොකා පමොචයා’ති.
කාකං සොකාය රන්ධෙහි මඤ්ච සොකා පමොචයා’ති.
5. මච්ඡජාතකං.
76. අසඞ්කියොම්භි ගාමම්භි අරඤ්ඤෙ නත්ථි මෙ භයං,
උජුමග්ගං සමාරූළ්හො මෙත්තාය කරුණාය චාති.
උජුමග්ගං සමාරූළ්හො මෙත්තාය කරුණාය චාති.
6. අසඞ්කියජාතකං.