61. අසා ලොකිත්ථියො නාම වෙලා තාසං න විජ්ජති,
සාරත්තා ච පගබ්භා ච සිඛී සබ්බඝසො යථා;
තා හිත්වා පබ්බජිස්සාමි විවෙකමනුබ්රූහයන්ති.
සාරත්තා ච පගබ්භා ච සිඛී සබ්බඝසො යථා;
තා හිත්වා පබ්බජිස්සාමි විවෙකමනුබ්රූහයන්ති.
1. අසාතමන්තජාතකං.
62. යං බ්රාහ්මණො අවාදෙසි වීණං සම්මුඛවෙඨිතො,
අන්ධභූතා හතා භරියා තාසු කො ජාතු විස්සසෙ’ති.
අන්ධභූතා හතා භරියා තාසු කො ජාතු විස්සසෙ’ති.
2. අන්ධභූතජාතකං.
63. කොධනා අකතඤ්ඤූ ච පිසුනා ච විභෙදිකා,
බ්රහ්මචරියං චර භික්ඛු සො සුඛං න හොහිසීති.
බ්රහ්මචරියං චර භික්ඛු සො සුඛං න හොහිසීති.
3. තක්කජාතකං.
64. මා සු නන්දි ඉච්ඡති මං මාසු සොචි න ඉච්ඡති,
ථීනං භාවො දුරාජානො මච්ඡස්සෙවොදකෙ ගතන්ති.
ථීනං භාවො දුරාජානො මච්ඡස්සෙවොදකෙ ගතන්ති.
4. දුරාජානජාතකං.
65. යථා නදී ච පන්ථො ච පානාගාරං සභා පපා,
එවං ලොකිත්ථියො නාම තාසං කුජ්ඣන්ති පණ්ඩිතාති.
එවං ලොකිත්ථියො නාම තාසං කුජ්ඣන්ති පණ්ඩිතාති.
5. අනභිරතිජාතකං.
66. එකා ඉච්ඡා පුරෙ ආසි අලද්ධා මුදුලක්ඛණං,
යතො ලද්ධා අළාරක්ඛී ඉච්ඡා ඉච්ඡං විජායථාති.
යතො ලද්ධා අළාරක්ඛී ඉච්ඡා ඉච්ඡං විජායථාති.
6. මුදුලක්ඛණජාතකං.
67. උච්ඡඞ්ගෙ දෙව මෙ පුත්තො පථෙ ධාවන්තියා පති,
තඤ්ච දෙසං න පස්සාමි යතො සොදරියමානයෙති.
තඤ්ච දෙසං න පස්සාමි යතො සොදරියමානයෙති.
7. උච්ඡඞ්ගජාතකං.
68. යස්මිං මනො නිවිසති චිත්තං වාපි පසීදති,
අදිට්ඨපුබ්බකෙ පොසෙ කාමං තස්මිම්පි විස්සසෙ’ති
අදිට්ඨපුබ්බකෙ පොසෙ කාමං තස්මිම්පි විස්සසෙ’ති
8. සාකෙතජාතකං.
69. ධිරත්ථු තං විසං වන්තං යමහං ජීවිතකාරණා,
වන්තං පච්චාවමිස්සාමි මතං මෙ ජීවිතා වරන්ති.
වන්තං පච්චාවමිස්සාමි මතං මෙ ජීවිතා වරන්ති.
9. විසවන්තජාතකං.
70. න තං ජිතං සාධු ජිතං යං ජිතං අවජීයති,
තං ඛො ජිතං සාධු ජිතං යං ජිතං නාවජීයතීති.
තං ඛො ජිතං සාධු ජිතං යං ජිතං නාවජීයතීති.
10. කුද්දාලජාතකං.
ඉත්ථිවග්ගො සත්තමො.
තස්සුද්දානං:
සිඛී සබ්බඝසොපි ච වීණවරො
පිසුනමිත්තභෙදිකානන්දිනදී,
මුදුලක්ඛණසොදරියාචමනො
විසසාධුජිතෙන භවන්ති දස.
පිසුනමිත්තභෙදිකානන්දිනදී,
මුදුලක්ඛණසොදරියාචමනො
විසසාධුජිතෙන භවන්ති දස.