51. ආසිංසෙථෙව පුරිසො න නිබ්බින්දෙය්ය පණ්ඩිතො,
පස්සාමි වොහං අත්තානං යථා ඉච්ඡිං තථා අහූති
පස්සාමි වොහං අත්තානං යථා ඉච්ඡිං තථා අහූති
1. මහාසීලවජාතකං.
52. වායමෙථෙව පුරිසො න නිබ්බින්දෙය්ය පණ්ඩිතො,
පස්සාමි වොහං අත්තානං උදකා ථලමුබ්භත’න්ති
පස්සාමි වොහං අත්තානං උදකා ථලමුබ්භත’න්ති
2. චූළජනකජාතකං.
53. තථෙව පුණ්ණා පාතියො අඤ්ඤායං වත්තතෙ කථා,
ආකාරකෙන ජානාමි න චායං භද්දිකා සුරාති.
ආකාරකෙන ජානාමි න චායං භද්දිකා සුරාති.
3. පුණ්ණපාතිජාතකං.
54. නායං රුක්ඛො දුරාරූහො නපි ගාමතො ආරකා,
ආකාරකෙන ජානාමි නායං සාදුඵලො දුමොති.
ආකාරකෙන ජානාමි නායං සාදුඵලො දුමොති.
4. කිංඵලජාතකං.
55. යො අලීනෙන චිත්තෙන අලීනමනසො නරො,
භාවෙති කුසලං ධම්මං යොගක්ඛෙමස්ස පත්තියා
පාපුණෙ අනුපුබ්බෙන සබ්බසඤ්ඤොජනක්ඛයන්ති.
භාවෙති කුසලං ධම්මං යොගක්ඛෙමස්ස පත්තියා
පාපුණෙ අනුපුබ්බෙන සබ්බසඤ්ඤොජනක්ඛයන්ති.
5. පඤ්චාවුධජාතකං.
56. යො පහට්ඨෙන චිත්තෙන පහට්ඨමනසො නරො
භාවෙති කුසලං ධම්මං යොගක්ඛෙමස්ස පත්තියා
පාපුණෙ අනුපුබ්බෙන සබ්බසංයොජනක්ඛයන්ති.
භාවෙති කුසලං ධම්මං යොගක්ඛෙමස්ස පත්තියා
පාපුණෙ අනුපුබ්බෙන සබ්බසංයොජනක්ඛයන්ති.
6. කඤ්චනක්ඛන්ධජාතකං.
57. යස්සෙතෙ චතුරො ධම්මා වානරින්ද යථා තව,
සච්චං ධම්මො ධිතී චාගො දිට්ඨං සො අතිවත්තතී’ති.
සච්චං ධම්මො ධිතී චාගො දිට්ඨං සො අතිවත්තතී’ති.
7. වානරින්ද ජාතකං.
58. යස්ස එතෙ තයො ධම්මා වානරින්ද යථා තව.
දක්ඛියං සූරියං පඤ්ඤා දිට්ඨං සො අතිවත්තතී’ති.
දක්ඛියං සූරියං පඤ්ඤා දිට්ඨං සො අතිවත්තතී’ති.
8. තයොධම්මජාතකං.
59. ධමෙ ධමෙ නාතිධමෙ අතිධන්තං හි පාපකං,
ධන්තෙන හි සතං ලද්ධං අතිධන්තෙන නාසිත’න්ති.
ධන්තෙන හි සතං ලද්ධං අතිධන්තෙන නාසිත’න්ති.
9. භෙරිවාදජාතකං.
60. ධමෙ ධමෙ නාතිධමෙ අතිධන්තං පාපකං,
ධන්තෙනාධිගතා භොගා තෙ තාතො විධමී ධමන්ති.
ධන්තෙනාධිගතා භොගා තෙ තාතො විධමී ධමන්ති.
10. සඞ්ඛධමනජාතකං.
ආසිංසවග්ගො ඡට්ඨො.
තස්සුද්දානං:
යථාඉච්ඡිං තථාහුදකාථලා
සුරසාදුඵලොවඅලීනමනො,
සම්පහට්ඨමනො චතුරො ච තයො
සතලද්ධකභොගධනෙනදස.
සුරසාදුඵලොවඅලීනමනො,
සම්පහට්ඨමනො චතුරො ච තයො
සතලද්ධකභොගධනෙනදස.