43. යො අත්ථකාමස්ස හිතානුකම්පිනො
ඔවජ්ජමානො න කාරොති සාසනං,
එවං සො නිහතො සෙති
වෙළුකස්ස යථා පිතා’ති.
ඔවජ්ජමානො න කාරොති සාසනං,
එවං සො නිහතො සෙති
වෙළුකස්ස යථා පිතා’ති.
3. වෙළුකජාතකං.
44. සෙය්යො අමිත්තො මතියා උපෙතො
නත්ථෙව මිත්තො මතිවිප්පහීනො,
මකසං වධිස්සන්ති හි එළමූගො
පුත්තො පිතු අබ්භිදා උත්තමඞ්ගන්ති.
නත්ථෙව මිත්තො මතිවිප්පහීනො,
මකසං වධිස්සන්ති හි එළමූගො
පුත්තො පිතු අබ්භිදා උත්තමඞ්ගන්ති.
4. මකසජාතකං.
45. සෙය්යො අමිත්තො මෙධාවී යඤ්චෙ බාලානුකම්පකො,
පස්ස රොහිණිකං ජම්මිං මාතරං හන්ත්වාන සොචති’ති.
පස්ස රොහිණිකං ජම්මිං මාතරං හන්ත්වාන සොචති’ති.
5. රොහිණීජාතකං.
46. න වෙ අනත්ථකුසලෙන අත්ථචරියා සුඛාවහා,
හාපෙති අත්ථං දුම්මෙධො කපි ආරාමිකො යථා’ති.
හාපෙති අත්ථං දුම්මෙධො කපි ආරාමිකො යථා’ති.
6. ආරාමදූසකජාතකං.
47. න චෙ අනත්ථකුසලෙන අත්ථචරියා සුඛාවහා,
හාපෙති අත්ථං දුම්මෙධො කොණ්ඩඤ්ඤො වාරුණිං යථාති.
හාපෙති අත්ථං දුම්මෙධො කොණ්ඩඤ්ඤො වාරුණිං යථාති.
7. වාරුණීදූසකජාතකං
48. අනුපායෙන යො අත්ථං ඉච්ඡති සො විහඤ්ඤති,
චෙතා හනිංසු වෙදබ්භං සබ්බෙ තෙ ව්යසනමජ්ඣගූති
චෙතා හනිංසු වෙදබ්භං සබ්බෙ තෙ ව්යසනමජ්ඣගූති
8. වෙදබ්භජාතකං.
49. නක්ඛත්තං පතිමානෙන්තං අත්ථො බාලං උපච්චගා,
අත්ථො අත්ථස්ස නක්ඛත්තං කිං කරිස්සන්ති තාරකා’ති
අත්ථො අත්ථස්ස නක්ඛත්තං කිං කරිස්සන්ති තාරකා’ති
9. නක්ඛත්තජාතකං.
50. දුම්මෙධානං සහස්සෙන යඤ්ඤො මෙ උපයාචිතො,
ඉදානි ඛොහං යජිස්සාමි බහූ අධම්මිකො ජනො’ති.
ඉදානි ඛොහං යජිස්සාමි බහූ අධම්මිකො ජනො’ති.
10. දුම්මෙධජාතකං.
අත්ථකාමවග්ගො පඤ්චමො.
පඨමො පණ්ණාසකො.
තස්සුද්දානං:
අථමිත්තකමාතුකපොතවරො
තථාවෙළුකඑළමූගොරොහිණී,
කපිවාරුණිචෙතචරා ච පුන
තථා තාරකයඤ්ඤචරෙන දස
තථාවෙළුකඑළමූගොරොහිණී,
කපිවාරුණිචෙතචරා ච පුන
තථා තාරකයඤ්ඤචරෙන දස