141. න පාපජනසංසෙවී අච්චන්තසුඛමෙධති,
ගොධාකුලං කකණ්ටො’ව කලිං පාපෙති අත්තානන්ති.
ගොධාකුලං කකණ්ටො’ව කලිං පාපෙති අත්තානන්ති.
1. ගොධජාතකං.
142. එතං හි තෙ දුරාජානං යං සෙසි මතසායිකං,
යස්ස තෙ කඩ්ඪමානස්ස හත්ථා දණ්ඩො න මුච්චතී’ති.
යස්ස තෙ කඩ්ඪමානස්ස හත්ථා දණ්ඩො න මුච්චතී’ති.
2. සිගාලජාතකං.
143. ලසී ච තෙ නිප්ඵලිතා මත්ථකො ච විදාළිතො,
සබ්බා තෙ ඵාසුකා භග්ගා අජ්ජ ඛො ත්වං විරොචසී’ති.
සබ්බා තෙ ඵාසුකා භග්ගා අජ්ජ ඛො ත්වං විරොචසී’ති.
3. විරොචනජාතකං.
144. බහුම්පෙතං අසඞ්ගි ජාතවෙද
යං තං වාලධිනා හි පූජයාම,
මංසාරහස්ස නත්ථජ්ජ මංසං
නඞ්ගුට්ඨම්පි භවං පටිග්ගහාතූ’ති.
යං තං වාලධිනා හි පූජයාම,
මංසාරහස්ස නත්ථජ්ජ මංසං
නඞ්ගුට්ඨම්පි භවං පටිග්ගහාතූ’ති.
4. නඞ්ගුට්ඨජාතකං.
145. න ත්වං රාධ විජානාසි අඩ්ඪරත්තෙ අනාගතෙ,
අව්යායතං විලපසි විරත්තා කොසියායනෙ’ති.
අව්යායතං විලපසි විරත්තා කොසියායනෙ’ති.
5. රාධජාතකං.
146. අපි නු හනුකා සන්තා මුඛඤ්ච පරිසුස්සති,
ධරමාම න පාරෙම පූරතෙව මහොදධී’ති.
ධරමාම න පාරෙම පූරතෙව මහොදධී’ති.
6. කාකජාතකං.
147. න ඉදං දුක්ඛං අදුං දුක්ඛං යං මං තුදති වායසො
යං සාමා පුප්ඵරත්තෙන කත්තිකං නානුභොස්සතීති.
යං සාමා පුප්ඵරත්තෙන කත්තිකං නානුභොස්සතීති.
7. පුප්ඵරතජාතකං.
148. නාහං පුනං න ච පුනං න චාපි අපුනප්පුනං.
හත්ථිඛොන්දිං පවෙක්ඛාමි. තථා හි භයතජ්ජිතො’ති.
හත්ථිඛොන්දිං පවෙක්ඛාමි. තථා හි භයතජ්ජිතො’ති.
8. සිගාලජාතකං.
149. එකපණ්ණො අයං රුක්ඛො න භූම්යා චතුරඞ්ගුලො,
ඵලෙන විසකප්පෙන මහායං කිං භවිස්සතීති.
ඵලෙන විසකප්පෙන මහායං කිං භවිස්සතීති.
9. එකපණ්ණජාතකං.
150. අසන්තං යො පගණ්හාති අසන්තඤ්චුපසෙවති,
තමෙව ඝාසං කුරුතෙ ව්යග්ඝො සඤ්ජීවකො යථාති.
තමෙව ඝාසං කුරුතෙ ව්යග්ඝො සඤ්ජීවකො යථාති.
10. සඤ්ජිවජාතකං.
කකණ්ටකවග්ගො පණ්ණරසමො.
තස්සුද්දානං:
සුඛමෙධතිදණ්ඩවරො ච පුන
ලසිවාලධීපඤ්චමරාධවරො,
සමභොදධිකත්තිකඛොන්දි පුන
චතුරඞ්ගුලබ්යග්ඝවරෙන දස.
ලසිවාලධීපඤ්චමරාධවරො,
සමභොදධිකත්තිකඛොන්දි පුන
චතුරඞ්ගුලබ්යග්ඝවරෙන දස.
උපරිමපණ්ණාසකො.
එකකනිපාතො නිට්ඨිතො.
තත්ර වග්ගුද්දානං:
අපණ්ණකං සීලවග්ගකුරුඞ්ග
කුලාවකං අත්ථකාමෙනපඤ්චමං,
ආසිංසොඉත්ථිවරුණං අපායි.
ලිත්තවග්ගෙන තෙරස,
පරොසතං හංසිසරික්ඛං
අසම්පදංකකණ්ටවග්ගො.
කුලාවකං අත්ථකාමෙනපඤ්චමං,
ආසිංසොඉත්ථිවරුණං අපායි.
ලිත්තවග්ගෙන තෙරස,
පරොසතං හංසිසරික්ඛං
අසම්පදංකකණ්ටවග්ගො.