137. යත්ථෙකො ලභතෙ බබ්බු දුතියො තත්ථ ජායති,
තතියො ච චතුත්ථො ච ඉදං බබ්බුකා බිලන්ති.
තතියො ච චතුත්ථො ච ඉදං බබ්බුකා බිලන්ති.
7. බබ්බුකජාතකං.
138. කින්තෙ ජටාහි දුම්මෙධ කින්තෙ අජිනසාටියා,
අබ්භන්තරං තෙ ගහනං බාහිරං පරිමජ්ජසීති
අබ්භන්තරං තෙ ගහනං බාහිරං පරිමජ්ජසීති
8. ගොධජාතකං.
139. අක්ඛි භින්නා පටො නට්ඨො සඛී ගෙහෙ ච භණ්ඩනං,
උභතො පදුට්ඨකම්මන්තො උදකම්හි ථලම්භි චාති.
උභතො පදුට්ඨකම්මන්තො උදකම්හි ථලම්භි චාති.
9. උභතොභට්ඨජාතකං.
140. නිච්චං උබ්බිග්ගහදයා සබ්බලොකවිහෙසකා,
තස්මා තෙසං වසා නත්ථි කාකානස්මාක ඤාතීන’න්ති.
තස්මා තෙසං වසා නත්ථි කාකානස්මාක ඤාතීන’න්ති.
10. කාකජාතකං.
අසම්පදානවග්ගො චුද්දසමො.
තස්සුද්දානං:
ඉතරීතරරක්ඛසිඛෙමියො ච
පරොසතපඤ්හෙන ආහස්සරො පුන,
අථ හංසවරුත්තමබබ්බුජටං
පටනට්ඨකකාකවරෙන දස.
පරොසතපඤ්හෙන ආහස්සරො පුන,
අථ හංසවරුත්තමබබ්බුජටං
පටනට්ඨකකාකවරෙන දස.
15. කකණ්ටකවග්ගො.
141. න පාපජනසංසෙවී අච්චන්තසුඛමෙධති,
ගොධාකුලං කකණ්ටො’ව කලිං පාපෙති අත්තානන්ති.
ගොධාකුලං කකණ්ටො’ව කලිං පාපෙති අත්තානන්ති.
1. ගොධජාතකං.
142. එතං හි තෙ දුරාජානං යං සෙසි මතසායිකං,
යස්ස තෙ කඩ්ඪමානස්ස හත්ථා දණ්ඩො න මුච්චතී’ති.
යස්ස තෙ කඩ්ඪමානස්ස හත්ථා දණ්ඩො න මුච්චතී’ති.
2. සිගාලජාතකං.
143. ලසී ච තෙ නිප්ඵලිතා මත්ථකො ච විදාළිතො,
සබ්බා තෙ ඵාසුකා භග්ගා අජ්ජ ඛො ත්වං විරොචසී’ති.
සබ්බා තෙ ඵාසුකා භග්ගා අජ්ජ ඛො ත්වං විරොචසී’ති.
3. විරොචනජාතකං.
144. බහුම්පෙතං අසඞ්ගි ජාතවෙද
යං තං වාලධිනා හි පූජයාම,
මංසාරහස්ස නත්ථජ්ජ මංසං
නඞ්ගුට්ඨම්පි භවං පටිග්ගහාතූ’ති.
යං තං වාලධිනා හි පූජයාම,
මංසාරහස්ස නත්ථජ්ජ මංසං
නඞ්ගුට්ඨම්පි භවං පටිග්ගහාතූ’ති.
4. නඞ්ගුට්ඨජාතකං.
145. න ත්වං රාධ විජානාසි අඩ්ඪරත්තෙ අනාගතෙ,
අව්යායතං විලපසි විරත්තා කොසියායනෙ’ති.
අව්යායතං විලපසි විරත්තා කොසියායනෙ’ති.
5. රාධජාතකං.
146. අපි නු හනුකා සන්තා මුඛඤ්ච පරිසුස්සති,
ධරමාම න පාරෙම පූරතෙව මහොදධී’ති.
ධරමාම න පාරෙම පූරතෙව මහොදධී’ති.
6. කාකජාතකං.