13. කුසනාළිවග්ගො
121. කරෙ සරික්ඛො අථවාපි සෙට්ඨො
නිහීනකො චා’පි කරෙය්ය එකො,
කරෙය්යුං තෙ ව්යසනෙ උත්තමත්ථං
යථා අහං කුසනාළී රුචාය’න්ති.
නිහීනකො චා’පි කරෙය්ය එකො,
කරෙය්යුං තෙ ව්යසනෙ උත්තමත්ථං
යථා අහං කුසනාළී රුචාය’න්ති.
1. කුසනාළිජාතකං.
122. යසං ලද්ධාන දුම්මෙධො අනත්ථං චරති අත්තනො,
අත්තනො ච පරෙසඤ්ච හිංසාය පටිපජ්ජතී’ති.
අත්තනො ච පරෙසඤ්ච හිංසාය පටිපජ්ජතී’ති.
2. දුම්මෙධ ජාතකං.
123. අසබ්බත්ථගාමිනං වාචං බාලො සබ්බත්ථ භාසති,
නායං දධිං වෙදි න නඞ්ගලීසං දධිම්පයං මඤ්ඤති නඞ්ගලීසන්ති.
නායං දධිං වෙදි න නඞ්ගලීසං දධිම්පයං මඤ්ඤති නඞ්ගලීසන්ති.
3. නඞ්ගලීසජාතකං.
124. වායමෙථෙව පුරිසො න නිබ්බින්දෙය්ය පණ්ඩිතො,
වායාමස්ස ඵලං පස්ස භුත්තා අම්බා අනීතිහන්ති.
වායාමස්ස ඵලං පස්ස භුත්තා අම්බා අනීතිහන්ති.
4. අම්බජාතකං.
125. බහුම්පි සො විකත්ථෙය්ය අඤ්ඤං ජනපදං ගතො,
අන්වාගන්ත්වාන දූසෙය්ය භුඤ්ජ භොගෙ කටාහකාති.
අන්වාගන්ත්වාන දූසෙය්ය භුඤ්ජ භොගෙ කටාහකාති.
5. කටාහකජාතකං.
126. තථෙවෙකස්ස කල්යාණං තථෙවෙකස්ස පාපකං,
තස්මා සබ්බං න කල්යාණං සබ්බං වාපි න පාපකන්ති.
තස්මා සබ්බං න කල්යාණං සබ්බං වාපි න පාපකන්ති.
6. අසිලක්ඛණජාතකං
127. තෙ දෙසා තානි වත්ථූනි අහඤ්ච වනගොචරො,
අනුවිච්ච ඛො තං ගණ්හෙය්යුං පිඛ ඛීරං කලණ්ඩුකාති.
අනුවිච්ච ඛො තං ගණ්හෙය්යුං පිඛ ඛීරං කලණ්ඩුකාති.
7. කලණ්ඩුකජාතකං.
128. යො චෙ ධම්මං ධජං කත්වා නිගූළ්හො පාපමාචරෙ,
විස්සාසයිත්වා භූතානි බිළාරං නාම තං වතන්ති.
විස්සාසයිත්වා භූතානි බිළාරං නාම තං වතන්ති.
8. බිළාරවතජාතකං.
129. නායං සිඛා පුඤ්ඤහෙතු ඝාසහෙතු අයං සිඛා,
න’ඞ්ගුට්ඨගණනං යාති අලන්තෙ හොතු අග්ගිකාති.
න’ඞ්ගුට්ඨගණනං යාති අලන්තෙ හොතු අග්ගිකාති.
9. අග්ගිකජාතකං.
130. යථා වාචා ච භුඤ්ජස්සු යථාභුත්තඤ්ච ව්යාහර,
උභයං තෙ න සමෙති වාචාභුත්තඤ්ච කොසියෙති.
උභයං තෙ න සමෙති වාචාභුත්තඤ්ච කොසියෙති.
10. කොසියජාතකං.
කුසනාළිවග්ගො තෙරසමො.
තස්සුද්දානං:
කුසනාළිසිරිවහයනො ච යසං
දධිමම්බකටාහකපඤ්චමකො,
අථ පාපක ඛීරබිළාරවතං
සිඛිකොසියසව්භයනෙන දස.
දධිමම්බකටාහකපඤ්චමකො,
අථ පාපක ඛීරබිළාරවතං
සිඛිකොසියසව්භයනෙන දස.