106. සුසුඛං වත මං ජීවන්තං පචමානා උදඤ්චනී
චොරී ජායප්පවාදෙන තෙලං ලොණඤ්ච යාචතීති.
චොරී ජායප්පවාදෙන තෙලං ලොණඤ්ච යාචතීති.
6. උදඤ්චනීජාතකං.
107. සාධු ඛො සිප්පකං නාම අපි යාදිසකීදිසං,
පස්ස ඛඤ්ජප්පහාරෙන ලද්ධා ගාමා චතුද්දිසාති.
පස්ස ඛඤ්ජප්පහාරෙන ලද්ධා ගාමා චතුද්දිසාති.
7. සාලිත්තකජාතකං.
108. සික්ඛෙය්ය සික්ඛිතබ්බානි සන්ති සච්ඡන්දිනො ජනා,
බාහියා හි සුභන්තෙන රජානමභිරාධයීති.
බාහියා හි සුභන්තෙන රජානමභිරාධයීති.
8. බාහියජාතකං.
109. යථන්නො පුරිසො හොති තථන්නා තස්ස දෙවතා,
ආහරෙතං කණං පූවං මා මෙ භාගං විනාසයාති
ආහරෙතං කණං පූවං මා මෙ භාගං විනාසයාති
9. කුණ්ඩපූවජාතකං.
110. සබ්බසංහාරකො නත්ථි සුද්ධං කඞ්ගු පවායති.
අලිකං භාසති යං ධුත්තී සච්චමාහ මහල්ලිකාති.
අලිකං භාසති යං ධුත්තී සච්චමාහ මහල්ලිකාති.
10. සබ්බසංහාරකපඤ්හො.
පරොසතවග්ගො එකාදසමො.
තස්සුද්දානං:
සපරොසතතායිතවෙරී පුන
භමචක්කථ නාගසිරිව්හයවනො,
සුඛකඤ්චවතසිප්පකබාහියා
කුණ්ඩපූවමහල්ලිකකා ච දස.
භමචක්කථ නාගසිරිව්හයවනො,
සුඛකඤ්චවතසිප්පකබාහියා
කුණ්ඩපූවමහල්ලිකකා ච දස.
12. හංසිවග්ගො
111. හංසි ත්වං එවමංඤ්ඤසි
සෙය්යො පුත්තෙන පිතාති රාජසෙට්ඨ,
හන්දස්සතරස්ස තෙ අයං
අස්සතරස්ස හි ගද්රභො පිතා’ති.
සෙය්යො පුත්තෙන පිතාති රාජසෙට්ඨ,
හන්දස්සතරස්ස තෙ අයං
අස්සතරස්ස හි ගද්රභො පිතා’ති.
1. ගද්රභපඤ්හො.
112. යෙන සත්තුඛිලඞ්ගා ච දිගුණ පලාසො ච පුප්ඵිතො,
යෙනාදාමි තෙන වදාමි යෙන නාදාමි න තෙන වදාමි
එස මග්ගො යව මජ්ඣකසස එතං ඡන්නපථං විජානාහිති.
යෙනාදාමි තෙන වදාමි යෙන නාදාමි න තෙන වදාමි
එස මග්ගො යව මජ්ඣකසස එතං ඡන්නපථං විජානාහිති.
2. අමරාදෙවිපඤ්හො.
113. සද්දහාසි සිගාලස්ස සුරාපීතස්ස බ්රාහ්මණ,
සිප්පිකානං සතං නත්ථි කුතො කංසසතා දුවෙති.
සිප්පිකානං සතං නත්ථි කුතො කංසසතා දුවෙති.
3. සිගාලජාතකං.
114. බහුචින්තී අප්පචින්තී ච උභො ජාලෙ අබජ්ඣරෙ,
මිතචින්ති අමොචෙසි උභො තත්ථ සමාගතා’ති.
මිතචින්ති අමොචෙසි උභො තත්ථ සමාගතා’ති.
4. මිතචින්තීජාතකං.
115. යායඤ්ඤමනුසාසති ලොලුප්පචාරිණි,
සායං විපක්ඛිකා සෙති හතා චක්කෙන සාළිකාති.
සායං විපක්ඛිකා සෙති හතා චක්කෙන සාළිකාති.
5. අනුසාසිකජාතකං.