97. ජිවකඤ්ච මතං දිස්වා ධනපාලිඤ්ච දුග්ගතං,
පන්ථකඤ්ච වනෙ මූළ්හං පාපකො පුනරාගතො’ති.
පන්ථකඤ්ච වනෙ මූළ්හං පාපකො පුනරාගතො’ති.
7. නාමසිද්ධිජාතකං.
98. සාධු ඛො පණ්ඩිතො නාම නත්වෙව අතිපණ්ඩිතො.
අතිපණ්ඩිතෙන පුත්තෙන මනම්හි උපකූලිතො’ති,
අතිපණ්ඩිතෙන පුත්තෙන මනම්හි උපකූලිතො’ති,
8. කූටවාණිජජාතකං.
99. පරොසභස්සම්පි සමාගතානං
කන්දෙය්යුං තෙ වස්සසතං අපඤ්ඤා,
එකොව සෙය්යො පුරිසො සපඤ්ඤො
යො භාසිතස්ස විජානාති අත්ථ’න්ති.
කන්දෙය්යුං තෙ වස්සසතං අපඤ්ඤා,
එකොව සෙය්යො පුරිසො සපඤ්ඤො
යො භාසිතස්ස විජානාති අත්ථ’න්ති.
9. පරොසහස්සජාතකං.
100. අසාතං සාතරූපෙන පියරූපෙන අප්පියං
දුක්ඛං සුඛස්ස රූපෙන පමත්තමතිවත්තතී’ති.
දුක්ඛං සුඛස්ස රූපෙන පමත්තමතිවත්තතී’ති.
10. අසාතරූපජාතකං.
ලිත්තවග්ගො දසමො.
තස්සුද්දානං:
ගිලමක්ඛකුතූහලමාතුකස්සා
මුනිනා ච අනිච්චතපත්ථවරං,
ධනපාලිවරො අතිපණ්ඩිතකො
සපරොසහස්සඅසාත දස.
මුනිනා ච අනිච්චතපත්ථවරං,
ධනපාලිවරො අතිපණ්ඩිතකො
සපරොසහස්සඅසාත දස.
මජ්ඣිමපණ්ණාසකො.
11. පරොසතවග්ගො
101. පරොසතඤ්චෙපි සමාගතානං
ඣායෙය්යුං තෙ වස්සසතං අපඤ්ඤා,
එකොව සෙය්යො පුරිසො සපඤ්ඤො
යො භාසිතස්ස විජානාති අත්ථ’න්ති.
ඣායෙය්යුං තෙ වස්සසතං අපඤ්ඤා,
එකොව සෙය්යො පුරිසො සපඤ්ඤො
යො භාසිතස්ස විජානාති අත්ථ’න්ති.
1. පරොසතජාතකං.
102. යො දුක්ඛඵුට්ඨාය භවෙය්ය තාණං
සො මෙ පිතා දූභි වනෙ කරොති,
සා කස්ස කන්දාමි වනස්ස මජ්ඣෙ
යො තායිතා සො සහසා කරොතීති.
සො මෙ පිතා දූභි වනෙ කරොති,
සා කස්ස කන්දාමි වනස්ස මජ්ඣෙ
යො තායිතා සො සහසා කරොතීති.
2. පණ්ණිකජාතකං.
103. යත්ථ වෙරී නිවසති න වසෙ තත්ථ වසෙ තත්ථ පණ්ඩිතො,
එකරත්තං දිරත්තං වා දුක්ඛං වසති වෙරිසූති.
එකරත්තං දිරත්තං වා දුක්ඛං වසති වෙරිසූති.
3. වෙරීජාතකං.
104. චතුබ්භිඅට්ඨජ්ඣගමා අට්ඨාහි-පි ච සොළස,
සොළසාහි ච බත්තිංස අත්රිච්ඡං චක්කමාසදො.
ඉච්ඡාහතස්ස පොසස්ස චක්කං භමති මත්ථකෙති.
සොළසාහි ච බත්තිංස අත්රිච්ඡං චක්කමාසදො.
ඉච්ඡාහතස්ස පොසස්ස චක්කං භමති මත්ථකෙති.
4. මිත්තවින්දජාතකං.
105. බහුං පෙතං වනෙ කට්ඨං වාතො භඤ්ජති දුබ්බලං;
තස්ස චෙ භායසී නාග කිසො නූන භවිස්සසීති.
තස්ස චෙ භායසී නාග කිසො නූන භවිස්සසීති.
5. දුබ්බලකට්ඨජාතකං.