9. උත්තමඞ්ගරුහා මය්හං ඉමෙ ජාතා වයොහරා,
පාතුභූතා දෙවදූතා පබ්බජ්ජාසමයො මමාති.
පාතුභූතා දෙවදූතා පබ්බජ්ජාසමයො මමාති.
9. මඛාදෙවජාතකං.
10. යඤ්ච අඤ්ඤෙනුරක්ඛන්ති යො ච අඤ්ඤෙ න රක්ඛති,
ස චෙ රාජ සුඛං සෙති කාමෙසු අනපෙඛවාති.
ස චෙ රාජ සුඛං සෙති කාමෙසු අනපෙඛවාති.
10. සුඛවිහාරිජාතකං.
අපණ්ණකවග්ගො පඨමො.
තස්සුද්දානං:
වරාපණ්ණකවණ්ණුපථසෙරිවරො
සුචිචක්ඛණතණ්ඩුලනාළිකස්සං,
හිරීපුත්තවරුත්තගාමණිනා
යො ච න රක්ඛති තෙන දස.
සුචිචක්ඛණතණ්ඩුලනාළිකස්සං,
හිරීපුත්තවරුත්තගාමණිනා
යො ච න රක්ඛති තෙන දස.
2. සීලවග්ගො
11. හොති සීලවතං අත්ථො පටිසන්ථාරවුත්තිනං,
ලක්ඛණං පස්ස ආයන්තං ඤාතිසඞ්ඝපුරක්ඛතං
අථ පස්සසිමං කාළං සුවිහීනංව ඤාතිහීති.
ලක්ඛණං පස්ස ආයන්තං ඤාතිසඞ්ඝපුරක්ඛතං
අථ පස්සසිමං කාළං සුවිහීනංව ඤාතිහීති.
1. ලක්ඛණමිගජාතකං.
12. නිග්රොධමෙව සෙවෙය්ය න සාඛමුපසංවසෙ,
නිග්රොධස්මිං මතං සෙය්යො යඤ්චෙ සාඛස්මිං ජීවිතන්ති.
නිග්රොධස්මිං මතං සෙය්යො යඤ්චෙ සාඛස්මිං ජීවිතන්ති.
2. නිග්රොධමිගජාතකං.
13. ධිරත්ථු කණ්ඩිනං සල්ලං පුරිසං ගාළ්හවෙධිනං,
ධිරත්ථු තං ජනපදං යත්ථිත්ථි පරිනායිකා,
තෙ චාපි ධික්කිතා සත්තා යෙ ඉත්ථීනං වසං ගතාති.
ධිරත්ථු තං ජනපදං යත්ථිත්ථි පරිනායිකා,
තෙ චාපි ධික්කිතා සත්තා යෙ ඉත්ථීනං වසං ගතාති.
3. කණ්ඩිනජාතකං.
14. න කිරත්ථි රසෙහි පාපියො
ආවසෙහි වා සන්ථවෙහි වා,
වාතමිගං ගෙහනිස්සිතං
වසමානෙසි රසෙහි සඤ්ජයොති.
ආවසෙහි වා සන්ථවෙහි වා,
වාතමිගං ගෙහනිස්සිතං
වසමානෙසි රසෙහි සඤ්ජයොති.
4. වාතමිගජාතකං.
15. අට්ඨඛුරං ඛරාදියෙ මිගං වඞ්කාතිවඞ්කිතං,
සත්තහි කලාහතික්කන්තං න තං ඔවදිතුස්සහෙති.
සත්තහි කලාහතික්කන්තං න තං ඔවදිතුස්සහෙති.
5. ඛරාදියජාතකං.
16. මිගන්ති පල්ලත්ථමනෙකමායං
අට්ඨඛුරං අඩ්ඪරත්තාවපායිං,
එකෙන සොතෙන ඡමාස්සසන්තො
ඡහි කලාහතිභොති භාගිනෙය්යොති.
අට්ඨඛුරං අඩ්ඪරත්තාවපායිං,
එකෙන සොතෙන ඡමාස්සසන්තො
ඡහි කලාහතිභොති භාගිනෙය්යොති.
6. තිපල්ලත්ථමිගජාතකං.