3. 4. 9.
[අන්තරාමලසුත්තං]
88. වුත්තං හෙතං භගවතා. වුත්තමරහතා’ති මෙ සුතං:
1. තයො’මෙ භික්ඛවෙ අන්තරාමලා අන්තරාඅමිත්තා අන්තරාසපත්තා අන්තරාවධකා අන්තරාපච්චත්ථිකා. කතමෙ තයො?
ලොභො භික්ඛවෙ අන්තරාමලො අන්තරාඅමිත්තො අන්තරාසපත්තො අන්තරාවධකො අන්තරාපච්චත්ථිකො. දොසො භික්ඛවෙ අන්තරාමලො අන්තරාඅමිත්තො අන්තරාසපත්තො අන්තරාවධකො අන්තරාපච්චත්ථිකො. මොහො භික්ඛවෙ අන්තරාමලො අන්තරාඅමිත්තො අන්තරාසපත්තො අන්තරාවධකො අන්තරාපච්චත්ථිකො.
ඉමෙ ඛො භික්ඛවෙ තයො අන්තරාමලා අන්තරාඅමිත්තා අන්තරාසපත්තා අන්තරාවධකා අන්තරාපච්චත්ථිකා’ති.
එතමත්ථං භගවා අවොච. තත්ථෙතං ඉති වුච්චති:
2. “අනත්ථජනනො ලොභො ලොභො චිත්තප්පකොපනො,
භයමන්තරතො ජාතං තං ජනො නාවබුජ්ඣති.
භයමන්තරතො ජාතං තං ජනො නාවබුජ්ඣති.
3. ලුද්ධො අත්ථං න ජානාති ලුද්ධො ධම්මං න පස්සති,
අන්ධන්තමං තදා හොති යං ලොභො සහතෙ නරං.
අන්ධන්තමං තදා හොති යං ලොභො සහතෙ නරං.
4. යො ච ලොභං පහත්වාන ලොභනෙය්යෙ න ලුබ්භති,
ලොභො පහීයතෙ තම්හා උදබින්දූව පොක්ඛරා.
ලොභො පහීයතෙ තම්හා උදබින්දූව පොක්ඛරා.
5. අනත්ථජනනො දොසො දොසො චිත්තප්පකොපනො,
භයමන්තරතො ජාතං තං ජනො නාවබුජ්ඣති.
භයමන්තරතො ජාතං තං ජනො නාවබුජ්ඣති.
6. දුට්ඨො අත්ථං න ජානාති දුට්ඨො ධම්මං න පස්සති,
අන්ධන්තමං තදා හොති යං දොසො සහතෙ නරං.
අන්ධන්තමං තදා හොති යං දොසො සහතෙ නරං.
7. යො ච දොසං පහත්වාන දොසනෙය්යෙ න දුස්සති,
දොසො පහීයතෙ තම්හා තාලපක්කංව බන්ධනා.
දොසො පහීයතෙ තම්හා තාලපක්කංව බන්ධනා.
8. අනත්ථජනනො මොහො මොහො චිත්තප්පකොපනො,
භයමන්තරතො ජාතං තං ජනො නාවබුජ්ඣති.
භයමන්තරතො ජාතං තං ජනො නාවබුජ්ඣති.
9. මූළ්හො අත්ථං න ජානාති මූළ්හො ධම්මං න පස්සති,
අන්ධන්තමං තදා හොති යං මොහො සහතෙ නරං
අන්ධන්තමං තදා හොති යං මොහො සහතෙ නරං
10. යො ච මොහං පහත්වාන මොහනෙය්යෙ න මුය්හති,
මොහං විහන්ති සො සබ්බං ආදිච්චොවුදයං තම”න්ති.
මොහං විහන්ති සො සබ්බං ආදිච්චොවුදයං තම”න්ති.
අයම්පි අත්ථො වුත්තො භගවතා, ඉති මෙ සුතන්ති.
3. 4. 10.
[දෙවදත්තසුත්තං]
89. වුත්තං හෙතං භගවතා. වුත්තමරහතා’ති මෙ සුතං:
1. තීහි භික්ඛවෙ අසද්ධම්මෙහි අභිභූතො පරියාදින්නචිත්තො දෙවදත්තො ආපායිකො නෙරයිකො කප්පට්ඨො අතෙකිච්ඡො. කතමෙහි තීහි?