3. 4. 10.
[දෙවදත්තසුත්තං]
89. වුත්තං හෙතං භගවතා. වුත්තමරහතා’ති මෙ සුතං:
1. තීහි භික්ඛවෙ අසද්ධම්මෙහි අභිභූතො පරියාදින්නචිත්තො දෙවදත්තො ආපායිකො නෙරයිකො කප්පට්ඨො අතෙකිච්ඡො. කතමෙහි තීහි?
පාපිච්ඡතාය භික්ඛවෙ අභිභූතො පරියාදින්නචිත්තො දෙවදත්තො ආපායිකො නෙරයිකො කප්පට්ඨො අතෙකිච්ඡො. පාපමිත්තතාය භික්ඛවෙ අභිභූතො පරියාදින්නචිත්තො දෙවදත්තො ආපායිකො නෙරයිකො කප්පට්ඨො අතෙකිච්ඡො. සති ඛො පන උත්තරිකරණීයෙ ඔරමත්තකෙන විසෙසාධිගමෙන අන්තරා වොසානං ආපාදීති.
ඉමෙහි ඛො භික්ඛවෙ තීහි අසද්ධම්මෙහි අභිභූතො පරියාදින්නචිත්තො දෙවදත්තො ආපායිකො නෙරයිකො කප්පට්ඨො අතෙකිච්ඡොති.
එතමත්ථං භගවා අවොච. තත්ථෙතං ඉති වුච්චති:
2. “මා ජාතු කොචි ලොකස්මිං පාපිච්ඡො උදපජ්ජතු,
තදමිනාපි ජානාථ පාපිච්ඡානං යථා ගති.
තදමිනාපි ජානාථ පාපිච්ඡානං යථා ගති.
3. පණ්ඩිතො’ති සමඤ්ඤාතො භාවිතත්තො’ති සම්මතො,
ජලං’ව යසසා අට්ඨා දෙවදත්තො’ති විස්සුතො.
ජලං’ව යසසා අට්ඨා දෙවදත්තො’ති විස්සුතො.
4. සො පමාණමනුචිණ්ණො ආසජ්ජ නං තථාගතං,
අවීචිනිරයං පත්තො චතුද්වාරං භයානකං.
අවීචිනිරයං පත්තො චතුද්වාරං භයානකං.
5. අදුට්ඨස්ස හි යො දුබ්භෙ පාපකම්මං අකුබ්බතො,
තමෙව පාපං ඵුසති දුට්ඨචිත්තං අනාදරං.
තමෙව පාපං ඵුසති දුට්ඨචිත්තං අනාදරං.
6. සමුද්දං විසකුම්භෙන යො මඤ්ඤෙය්ය පදූසිතුං,
න සො තෙන පදූසෙය්ය යස්මා හි උද්ධී මහා.
න සො තෙන පදූසෙය්ය යස්මා හි උද්ධී මහා.
7. එවමෙව තථාගතං යො වාදෙන විහිංසති,
සමග්ගතං සන්තචිත්තං වාදො තම්හි න රූහති.
සමග්ගතං සන්තචිත්තං වාදො තම්හි න රූහති.
8. තාදිසං මිත්තං කුබ්බෙථ තඤ්ච සෙවෙය්ය පණ්ඩිතො,
යස්ස මග්ගානුගො භික්ඛු ඛයං දුක්ඛස්ස පාපුණෙ’ති”.
යස්ස මග්ගානුගො භික්ඛු ඛයං දුක්ඛස්ස පාපුණෙ’ති”.
අයම්පි අත්ථො වුත්තො භගවතා. ඉති මෙ සුතන්ති.
චතුත්ථො වග්ගො.
තස්සුද්දානං:
විතක්කා සක්කාර සද්ද චවමාන ලොකෙ,
අසුභ ධම්ම අන්ධකාර මලං, දෙවදත්තො’ති තෙ දසා’ති.
අසුභ ධම්ම අන්ධකාර මලං, දෙවදත්තො’ති තෙ දසා’ති.