3. 3. 6.
[වුට්ඨිසුත්තං]
75. වුත්තං හෙතං භගවතා. වුත්තමරහතා’ති මෙ සුතං:
1. තයො’මෙ භික්ඛවෙ පුග්ගලා සන්තො සංවිජ්ජමානා ලොකස්මිං. කතමෙ තයො? අවුට්ඨිකසමො පදෙසවස්සී සබ්බත්ථාභිවස්සී.
කථඤ්ච භික්ඛවෙ පුග්ගලො අවුට්ඨිකසමො හොති? ඉධ භික්ඛවෙ එකච්චො පුග්ගලො සබ්බෙසඤ්ඤෙව න දාතා හොති, සමණබ්රාහ්මණකපණද්ධික වණිබ්බක යාචකානං අන්නං පානං වත්ථං යානං මාලාගන්ධවිලෙපනං සෙය්යාවසථ පදීපෙය්යං. එවං ඛො භික්ඛවෙ පුග්ගලො අවුට්ඨිකසමො හොති.
කථඤ්ච භික්ඛවෙ පුග්ගලො පදෙසවස්සී හොති? ඉධ භික්ඛවෙ එකච්චො පුග්ගලො එකච්චානං දාතා හොති, එකච්චානං න දාතා හොති සමණබ්රාහ්මණකපණද්ධික වණිබ්බක යාචකානං අන්නං පානං වත්ථං යානං මාලාගන්ධවිලෙපනං සෙය්යාවසථ පදීපෙය්යං. එවං ඛො භික්ඛවෙ පුග්ගලො පදෙසවස්සී හොති.
කථඤ්ච භික්ඛවෙ පුග්ගලො සබ්බත්ථාභිවස්සී හොති? ඉධ භික්ඛවෙ එකච්චො පුග්ගලො සබ්බෙසඤ්ච දෙති සමණබ්රාහ්මණ කපණද්ධිකවණිබ්බක යාචකානං අන්නං පානං වත්ථං යානං මාලාගන්ධවිලෙපනං සෙය්යාවසථ පදීපෙය්යං. එවං ඛො භික්ඛවෙ පුග්ගලො සබ්බත්ථාභිවස්සී හොති. ඉමෙ ඛො භික්ඛවෙ තයො පුග්ගලා සන්තො සංවිජ්ජමානා ලොකස්මින්ති.
එතමත්ථං භගවා අවොච. තත්ථෙතං ඉති වුච්චති:
2. “න සමණෙ න බ්රාහ්මණෙ න කපණද්ධිකවණිබ්බකෙ,
ලද්ධාන සංවිභජති අන්නං පානඤ්ච භොජනං
තං වෙ අවුට්ඨිකසමො’ති, ආහු නං පුරිසාධමං.
ලද්ධාන සංවිභජති අන්නං පානඤ්ච භොජනං
තං වෙ අවුට්ඨිකසමො’ති, ආහු නං පුරිසාධමං.
3. එකච්චානං න දදාති එකච්චානං පවෙච්ඡති,
තං වෙ පදෙසවස්සීති ආහු මෙධාවිනො ජනා.
තං වෙ පදෙසවස්සීති ආහු මෙධාවිනො ජනා.
4. සුභික්ඛවාචො පුරිසො සබ්බභූතානුකම්පකො,
ආමොදමානො පකිරෙති දෙථ දෙථාති භාසති.
ආමොදමානො පකිරෙති දෙථ දෙථාති භාසති.
5. යථාපි මෙඝො ථනයිත්වා ගජ්ජයිත්වා පවස්සති,
ථලං නින්නඤ්ච පූරෙති අභිසන්දන්තො’ව වාරිනා.
ථලං නින්නඤ්ච පූරෙති අභිසන්දන්තො’ව වාරිනා.
6. එවමෙව ඉධෙකච්චො පුග්ගලො හොති තාදිසො
ධම්මෙන සංහරිත්වාන උට්ඨානාධිගතං ධනං
තප්පෙති අන්නපානෙන සම්මා පත්තෙ වණිබ්බකෙති.”
ධම්මෙන සංහරිත්වාන උට්ඨානාධිගතං ධනං
තප්පෙති අන්නපානෙන සම්මා පත්තෙ වණිබ්බකෙති.”
අයම්පි අත්ථො වුත්තො භගවතා, ඉති මෙ සුතන්ති.
3. 3. 7.
[සුඛපත්ථනාසුත්තං]
76. වුත්තං හෙතං භගවතා. වුත්තමරහතා’ති මෙ සුතං:
1. තීණිමානි භික්ඛවෙ සුඛානි පත්ථයමානො සීලං රක්ඛෙය්ය පණ්ඩිතො. කතමානි තීණි? ‘පසංසා මෙ ආගච්ඡතූ’ති සීලං රක්ඛෙය්ය පණ්ඩිතො, භොගා මෙ උප්පජ්ජන්තූ’ති සීලං රක්ඛෙය්ය පණ්ඩිතො, කායස්ස භෙදා පරම්මරණා සුගතිං සග්ගං ලොකං උපපජ්ජිස්සාමීති සීලං රක්ඛෙය්ය පණ්ඩිතො. ඉමානි ඛො භික්ඛවෙ තීණි සුඛානි පත්ථයමානො සීලං රක්ඛෙය්ය පණ්ඩිතො’ති.
එතමත්ථං භගවා අවොච. තත්ථෙතං ඉති වුච්චති:
2. “සීලං රක්ඛෙය්ය මෙධාවී පත්ථයානො තයො සුඛෙ,
පසංසං විත්තලාභඤ්ච පෙච්ච සග්ගෙ පමොදනං.
පසංසං විත්තලාභඤ්ච පෙච්ච සග්ගෙ පමොදනං.
3. අකරොන්තො’පි චෙ පාපං කරොන්තමුපසෙවති,
සඞ්කියො හොති පාපස්මිං අවණ්ණො චස්ස රූහති.
සඞ්කියො හොති පාපස්මිං අවණ්ණො චස්ස රූහති.