57. වුත්තං හෙතං භගවතා වුත්තමරහතා’ති මෙ සුතං.

1. තයො’ මෙ භික්ඛවෙ ආසවා. කතමෙ තයො? කාමාසවො භවාසවො අවිජ්ජාසවො. ඉමෙ ඛො භික්ඛවෙ තයො ආසවාති.

එතමත්ථං භගවා අවොච. තත්ථෙතං ඉති වුච්චති:

අයම්පි අත්ථො වුත්තො භගවතා ඉති මෙ සුතන්ති.

58. වුත්තං හෙතං භගවතා වුත්තමරහතා’ති මෙ සුතං.

1. තිස්සො ඉමා භික්ඛවෙ තණ්හා. කතමා තිස්සො? කාමතණ්හා භවතණ්හා විභවතණ්හා. ඉමා ඛො භික්ඛවෙ තිස්සො තණ්හා’ති.

එතමත්ථං භගවා අවොච. තත්ථෙතං ඉති වුච්චති:

අයම්පි අත්ථො වුත්තො භගවතා. ඉති මෙ සුතන්ති.

59. වුත්තං හෙතං භගවතා. වුත්තමරහතා’ති මෙ සුතං.

1. තීහි භික්ඛවෙ ධම්මෙහි සමන්නාගතො භික්ඛු අතික්කම්ම මාරධෙය්යං ආදිච්චො’ව විරොචති. කතමෙහි තීහි? ඉධ භික්ඛවෙ භික්ඛු අසෙඛෙන සීලක්ඛන්ධෙන සමන්නාගතො හොති, අසෙඛෙන සමාධික්ඛන්ධෙන සමන්නාගතො හොති, අසෙඛෙන පඤ්ඤාක්ඛන්ධෙන සමන්නාගතො හොති.

ඉමෙහි ඛො භික්ඛවෙ තීහි ධම්මෙහි සමන්නාගතො භික්ඛු අතික්කම්ම මාරධෙය්යං ආදිච්චො’ව විරොචතී’ති.

එතමත්ථං භගවා අවොච. තත්ථෙතං ඉති වුච්චති:

අයම්පි අත්ථො වුත්තො භගවතා. ඉති මෙ සුතන්ති.