58. වුත්තං හෙතං භගවතා වුත්තමරහතා’ති මෙ සුතං.

1. තිස්සො ඉමා භික්ඛවෙ තණ්හා. කතමා තිස්සො? කාමතණ්හා භවතණ්හා විභවතණ්හා. ඉමා ඛො භික්ඛවෙ තිස්සො තණ්හා’ති.

එතමත්ථං භගවා අවොච. තත්ථෙතං ඉති වුච්චති:

අයම්පි අත්ථො වුත්තො භගවතා. ඉති මෙ සුතන්ති.

59. වුත්තං හෙතං භගවතා. වුත්තමරහතා’ති මෙ සුතං.

1. තීහි භික්ඛවෙ ධම්මෙහි සමන්නාගතො භික්ඛු අතික්කම්ම මාරධෙය්යං ආදිච්චො’ව විරොචති. කතමෙහි තීහි? ඉධ භික්ඛවෙ භික්ඛු අසෙඛෙන සීලක්ඛන්ධෙන සමන්නාගතො හොති, අසෙඛෙන සමාධික්ඛන්ධෙන සමන්නාගතො හොති, අසෙඛෙන පඤ්ඤාක්ඛන්ධෙන සමන්නාගතො හොති.

ඉමෙහි ඛො භික්ඛවෙ තීහි ධම්මෙහි සමන්නාගතො භික්ඛු අතික්කම්ම මාරධෙය්යං ආදිච්චො’ව විරොචතී’ති.

එතමත්ථං භගවා අවොච. තත්ථෙතං ඉති වුච්චති:

අයම්පි අත්ථො වුත්තො භගවතා. ඉති මෙ සුතන්ති.

60. වුත්තං හෙතං භගවතා. වුත්තමරහතා’ති මෙ සුතං.

1. තීණිමානි භික්ඛවෙ පුඤ්ඤකිරියවත්ථූනි. කතමානි තීණි? දානමයං පුඤ්ඤකිරියවත්ථු, සීලමයං පුඤ්ඤකිරියවත්ථු, භාවනාමයං පුඤ්ඤකිරියවත්ථු. ඉමානි ඛො භික්ඛවෙ තීණි පුඤ්ඤකිරියවත්ථූනී’ති.

එතමත්ථං භගවා අවොච තත්ථෙතං ඉති වුච්චති:

අයම්පි අත්ථො වුත්තො භගවතා. ඉති මෙ සුතන්ති.

61. වුත්තං හෙතං භගවතා වුත්තමරහතා’ති මෙ සුතං:

1. තීණිමානි භික්ඛවෙ චක්ඛූනි. කතමානි තීණි? මංසචක්ඛු, දිබ්බචක්ඛු, පඤ්ඤාචක්ඛූ’ති. ඉමානි ඛො භික්ඛවෙ තීණි චක්ඛූනී’ති.

එතමත්ථං භගවා අවොච. තත්ථෙතං ඉති වුච්චති:

අයම්පි අත්ථො වුත්තො භගවතා. ඉති මෙ සුතන්ති.