1. 1. 7.
[සබ්බපරිඤ්ඤාසුත්තං]
7. වුත්තං හෙතං භගවතා. වුත්තමරහතා’ති මෙ සුතං:
1. සබ්බ, භික්ඛවෙ අනභිජානං අපරිජානං තත්ථ චිත්තං අවිරාජයං අප්පජහං අභබ්බො දුක්ඛක්ඛයාය. සබ්බඤ්ච ඛො භික්ඛවෙ අභිජානං පරිජානං තත්ථ චිත්තං විරාජයං පජහං භබ්බො දුක්ඛක්ඛයායා’ති.
එතමත්ථං භගවා අවොච. තත්ථෙතං ඉති වුච්චති:
2. “යො සබ්බං සබ්බතො ඤත්වා සබ්බත්ථෙසු න රජ්ජති,
ස වෙ සබ්බං පරිඤ්ඤාය සො සබ්බදුක්ඛමුපච්චගා”ති.
ස වෙ සබ්බං පරිඤ්ඤාය සො සබ්බදුක්ඛමුපච්චගා”ති.
අයම්පි අත්ථො වුත්තො භගවතා, ඉති මෙ සුතන්ති.
1. 1. 8.
[මානපරිඤ්ඤාසුත්තං]
8. වුත්තං හෙතං භගවතා. වුත්තමරහතා’ති මෙ සුතං:
1. මානං භික්ඛවෙ අනභිජානං අපරිජානං තත්ථ චිත්තං අවිරාජයං අප්පජහං අභබ්බො දුක්ඛක්ඛයාය. මානං ච ඛො භික්ඛවෙ අභිජානං පරිජානං තත්ථ චිත්තං විරාජයං පජහං භබ්බො දුක්ඛක්ඛයායා’ති.
එතමත්ථං භගවා අවොච. තත්ථෙතං ඉති වුච්චති:
2. “මානුපෙතා අයං පජා මානගන්ථා භවෙ රතා
මානං අපරිජානන්තා ආගන්තාරො පුනබ්භවං
යෙ ච මානං පහත්වාන, විමුත්තා මානසඞ්ඛයෙ.
තෙ මානගන්ථාභිභුනො සබ්බදුක්ඛමුපච්චගු”න්ති.
මානං අපරිජානන්තා ආගන්තාරො පුනබ්භවං
යෙ ච මානං පහත්වාන, විමුත්තා මානසඞ්ඛයෙ.
තෙ මානගන්ථාභිභුනො සබ්බදුක්ඛමුපච්චගු”න්ති.
අයම්පි අත්ථො වුත්තො භගවතා, ඉති මෙ සුතන්ති.
1. 1. 9.
[ලොභපරිඤ්ඤාසුත්තං]
9. වුත්තං හෙතං භගවතා. වුත්තමරහතා’ති මෙ සුතං:
1. ලොභං භික්ඛවෙ අනභිජානං අපරිජානං තත්ථ චිත්තං අවිරාජයං අප්පජහං අභබ්බො දුක්ඛක්ඛයාය. ලොභං ච ඛො භික්ඛවෙ අභිජානං පරිජානං තත්ථ චිත්තං විරාජයං පජහං භබ්බො දුක්ඛක්ඛයායා’ති.
එතමත්ථං භගවා අවොච. තත්ථෙතං ඉති වුච්චති: