12. සුතසොම චරියං
345. පුනාපරං යදා හොමි සුතසොමො මහීපතී
ගහිතො පොරිසාදෙන බ්රාහ්මණො සඞ්ගරං සරිං.
ගහිතො පොරිසාදෙන බ්රාහ්මණො සඞ්ගරං සරිං.
346. ඛත්තියානං එකසතං ආවුණිත්වා කරතලෙ
එතෙ සම්පමිලාපෙත්වා යඤ්ඤත්ථෙ උපනයී මමං.
එතෙ සම්පමිලාපෙත්වා යඤ්ඤත්ථෙ උපනයී මමං.
347. අපුච්ඡි මං පොරිසාදො කින්ත්වං ඉච්ඡසි නිස්සජං
යථාමති තෙ කාහාමි යදි මෙ ත්වං පුනෙහිසි.
යථාමති තෙ කාහාමි යදි මෙ ත්වං පුනෙහිසි.
348. තස්ස පටිස්සුණිත්වාන පණ්හෙ ආගමනං මම
උපාගන්ත්වා පුරං රම්මං රජ්ජං නීයාදයිං තදා
උපාගන්ත්වා පුරං රම්මං රජ්ජං නීයාදයිං තදා
349. අනුස්සරිත්වා සද්ධම්මං පුබ්බකං ජිනසෙවිතං
බ්රාහ්මණස්ස ධනං දත්වා පොරිසාදං උපාගමිං.
බ්රාහ්මණස්ස ධනං දත්වා පොරිසාදං උපාගමිං.
350. නත්ථි මෙ සංසයො තත්ථ ඝාතයිස්සති වා නවා
සච්චවාචානුරක්ඛන්තො ජීවිතං චජිතු මුපාගමිං
සච්චෙන මෙ සමො නත්ථි එසා මෙ සච්ච පාරමීති.
සච්චවාචානුරක්ඛන්තො ජීවිතං චජිතු මුපාගමිං
සච්චෙන මෙ සමො නත්ථි එසා මෙ සච්ච පාරමීති.
සුතසොම චරියං ද්වාදසමං.
සච්ච පාරමිතා නිට්ඨිතා.
6. මෙත්තා පාරමිතා
13. සුවණ්ණසාම චරියං
351. සාමො යදා වනෙ ආසිං සක්කෙන අභිනිම්මිතො
පවනෙ සීහබ්යග්ඝෙහිච මෙත්තාය මුපනාමයිං.
පවනෙ සීහබ්යග්ඝෙහිච මෙත්තාය මුපනාමයිං.
352. සීහබ්යග්ඝෙහි දීපීහි අච්ඡෙහි මහිසෙහි ච
පසදමිගවරාහෙහි පරිවාරෙත්වා වනෙ වසිං.
පසදමිගවරාහෙහි පරිවාරෙත්වා වනෙ වසිං.
353. න මං කොචි උත්තසති, නපිහං භායාමි කස්සචි,
මෙත්තාබලෙනුපතත්ථ’ද්ධො රමාමි පවනෙ තදාති.
මෙත්තාබලෙනුපතත්ථ’ද්ධො රමාමි පවනෙ තදාති.
සුවණ්ණ සාම චරියං තෙරසමං.
14. එකරාජ චරියං
354. පුනාපරං යදා හොමි එකරාජාති විස්සුතො
පරමං සීලං අධිට්ඨාය පසාසාමි මහාමහිං.
පරමං සීලං අධිට්ඨාය පසාසාමි මහාමහිං.
355. දසකුසලකම්මපථෙ වත්තාමි අනවසෙසතො
චතූහි සඞ්ගහවත්ථූහි සඞ්ගණ්හාමි මහාජනං.
චතූහි සඞ්ගහවත්ථූහි සඞ්ගණ්හාමි මහාජනං.
356. එවං මෙ අප්පමත්තස්ස ඉධලොකෙ පරත්ථ ච
දබ්බසෙනො උපාගන්ත්වා අච්ඡින්දන්තො පුරං මමං.
දබ්බසෙනො උපාගන්ත්වා අච්ඡින්දන්තො පුරං මමං.
357. රාජූපජීවෙ නිගමෙ සබලට්ඨෙ සරට්ඨකෙ
සබ්බං හත්ථගතං කත්වා කාසුයං නිඛණී මමං.
සබ්බං හත්ථගතං කත්වා කාසුයං නිඛණී මමං.
358. අමච්චමණ්ඩලං රජ්ජං ඵීතං අන්තෙපුරං මම
අච්ඡින්දිත්වාන ගහිතං පියං පුත්තංව පස්සහං
මෙත්තාය මෙ සමො නත්ථි එසා මෙ මෙත්තාපාරමීති.
අච්ඡින්දිත්වාන ගහිතං පියං පුත්තංව පස්සහං
මෙත්තාය මෙ සමො නත්ථි එසා මෙ මෙත්තාපාරමීති.
එකරාජචරියං චුද්දසමං.
මෙත්තා පාරමිතා නිට්ඨිතා.