5. මහිසරාජ චරියං
184. පුනාපරං යදා හොමි මහිසො පවනචාරිකො
පවඩ්ඪකායො බලවා මහන්තො භීම දස්සනො.
පවඩ්ඪකායො බලවා මහන්තො භීම දස්සනො.
185. පබ්භාරෙ ගිරි දුග්ගෙ ච රුක්ඛමූලෙ දකාසයෙ
හොතෙත්ථ ඨානං මහිසානං කොචි කොචි තහිං තහිං.
හොතෙත්ථ ඨානං මහිසානං කොචි කොචි තහිං තහිං.
186. විචරන්තො බ්රහාරඤ්ඤෙ ඨානං අද්දස භද්දකං
තං ඨානං උපගන්ත්වාන තිට්ඨාමි ච සයාමි ච.
තං ඨානං උපගන්ත්වාන තිට්ඨාමි ච සයාමි ච.
187. අථෙත්ථ කපිමාගන්ත්වා පාපො අනරියො ලහු
ඛන්ධෙ නලාටෙ භමුකෙ මුත්තෙති ඔහණෙති මං.
ඛන්ධෙ නලාටෙ භමුකෙ මුත්තෙති ඔහණෙති මං.
188. සකිම්පි දිවසං දුතියං තතියං චතුත්ථම්පි ච
දූසෙති මං සබ්බකාලං තෙන හොමි උපද්දුතො.
දූසෙති මං සබ්බකාලං තෙන හොමි උපද්දුතො.
189. මමං උපද්දුතං දිස්වා යක්ඛො මං ඉදමබ්රවි
නාසෙහෙතං ඡවං පාපං සිඞ්ගෙහි ච ඛුරෙහි ච.
නාසෙහෙතං ඡවං පාපං සිඞ්ගෙහි ච ඛුරෙහි ච.
190. එවං වුත්තෙ තදා යක්ඛෙ අහං තං ඉදමබ්රවිං
කිංත්වං මක්ඛෙසි කුණපෙන පාපෙන අනරියෙන මං.
කිංත්වං මක්ඛෙසි කුණපෙන පාපෙන අනරියෙන මං.
191. යදිහං තස්ස කුප්පෙය්යං තතො හීනතරො භවෙ
සීලඤ්ච මෙ පභිජ්ජෙය්ය විඤ්ඤූ ච ගරහෙය්යු මං.
සීලඤ්ච මෙ පභිජ්ජෙය්ය විඤ්ඤූ ච ගරහෙය්යු මං.
192. හීළිතා ජීවිතා චාපි පරිසුද්ධෙන මතං වරං
ක්යාහං ජීවිතහෙතුපි කාහාමි පරහෙඨනං.
ක්යාහං ජීවිතහෙතුපි කාහාමි පරහෙඨනං.
193. මමෙ වාය මඤ්ඤමානො අඤ්ඤෙපෙවං කරිස්සති
තෙව තත්ථ වධිස්සන්ති සා මෙ මුත්ති භවිස්සති.
තෙව තත්ථ වධිස්සන්ති සා මෙ මුත්ති භවිස්සති.
194. හීනමජ්ඣිමඋක්කට්ඨෙ සහන්තො අවමානිතං
එවං ලභති සප්පඤ්ඤො මනසා යථාපත්ථිතන්ති.
එවං ලභති සප්පඤ්ඤො මනසා යථාපත්ථිතන්ති.
මහිස රාජචරියං පඤ්චමං.
6. රුරුමිගරාජ චරියං
195. පුනාපරං යදා හොමි සුතත්ත කනකසන්නීභො
මිගරාජා රූරුනාම පරමසීල සමාහිතො.
මිගරාජා රූරුනාම පරමසීල සමාහිතො.
196. රම්මෙ පදෙසෙ රමණීයෙ විවිත්තෙ අමනුස්සකෙ
තත්ථ වාසං උපගඤ්ඡිං ගංගාකූලෙ මනොරමෙ.
තත්ථ වාසං උපගඤ්ඡිං ගංගාකූලෙ මනොරමෙ.