6. නිමිරාජ චරියං
40. පුනාපරං යදා හොමි මිථිලායං පුරුත්තමෙ
නිමි නාම මහාරාජා පණ්ඩිතො කුසලත්ථිකො.
නිමි නාම මහාරාජා පණ්ඩිතො කුසලත්ථිකො.
41. තදාහං මාපයිත්වාන චතුස්සාලං චතුම්මුඛං
තත්ථ දානං පවත්තෙසිං මිගපක්ඛිනරාදිනං.
තත්ථ දානං පවත්තෙසිං මිගපක්ඛිනරාදිනං.
42. අච්ඡාදනඤ්ච සයනඤ්ච අන්නං පානඤ්ච භොජනං
අබ්බොච්ඡින්නං කරිත්වාන මහාදානං පවත්තයිං.
අබ්බොච්ඡින්නං කරිත්වාන මහාදානං පවත්තයිං.
43. යථාපි සෙවකො සාමිං ධනහෙතුමුපාගතො
කායෙන වාචා මනසා ආරාධනියමෙසති.
කායෙන වාචා මනසා ආරාධනියමෙසති.
44. තථෙවාහං සබ්බභවෙ පරියෙසිස්සාමි බොධිජං
දානෙන සත්තෙ තප්පෙත්වා ඉච්ඡාමි බොධිමුත්තමන්ති.
දානෙන සත්තෙ තප්පෙත්වා ඉච්ඡාමි බොධිමුත්තමන්ති.
නිමිරාජචරියං ඡට්ඨමං.
7. චන්දකුමාර චරියං
45. පුනාපරං යදා හොමි එකරාජස්ස අත්රජො
නගරෙ පුප්ඵවතියා කුමාරො චන්දසව්හයො.
නගරෙ පුප්ඵවතියා කුමාරො චන්දසව්හයො.
46. තදාහං යජනා මුත්තො නික්ඛන්තො යඤ්ඤවාටතො
සංවෙගං ජනයිත්වාන මහාදානං පවත්තයිං.
සංවෙගං ජනයිත්වාන මහාදානං පවත්තයිං.
47. නාහං පිවාමි ඛාදාමි නපි භුඤ්ජාමි භොජනං
දක්ඛිණෙය්යෙ අදත්වාන අපි ඡප්පඤ්ච රත්තියො.
දක්ඛිණෙය්යෙ අදත්වාන අපි ඡප්පඤ්ච රත්තියො.
48. යථාපි වාණිජො නාම කත්වාන භණ්ඩසඤ්චයං
යත්ථ ලාභො මහා හොති තත්ථ තං හරති භණ්ඩකං.
යත්ථ ලාභො මහා හොති තත්ථ තං හරති භණ්ඩකං.
49. තථෙව සකභුත්තාපි පරෙ දින්නං මහප්ඵලං
තස්මා පරස්ස දාතබ්බං සතභාගො භවිස්සති.
තස්මා පරස්ස දාතබ්බං සතභාගො භවිස්සති.
50. එතමත්ථවසං ඤත්වා දෙමි දානං භවාභවෙ
න පටික්කමාමි දානතො සම්බොධිමනුපත්තියාති.
න පටික්කමාමි දානතො සම්බොධිමනුපත්තියාති.
චන්දකුමාරචරියං සත්තමං.
8. සිවිරාජ චරියං
51. අරිට්ඨසව්හයෙ නගරෙ සිවි නාමාසිං ඛත්තියො
නිසජ්ජ පාසාදවරෙ එවං චින්තෙසහං තදා.
නිසජ්ජ පාසාදවරෙ එවං චින්තෙසහං තදා.
52. යං කිඤ්චි මානුසං දානං අදින්නං මෙ න විජ්ජති
යොපි වාචෙය්ය මං චක්ඛුං දදෙය්යං අවිකම්පිතො.
යොපි වාචෙය්ය මං චක්ඛුං දදෙය්යං අවිකම්පිතො.
53. මම සඞ්කප්පමඤ්ඤාය සක්කො දෙවානමිස්සරො
නිසින්නො දෙවපරිසාය ඉදං වචනමබ්රුවි.
නිසින්නො දෙවපරිසාය ඉදං වචනමබ්රුවි.
54. නිසජ්ජපාසාදවරෙ සිවිරාජා මහිද්ධිකො
චින්තෙන්තො විවිධං දානං අදෙය්යං සො න පස්සති,
චින්තෙන්තො විවිධං දානං අදෙය්යං සො න පස්සති,
55. තථන්නු විතථන්තෙතං හන්ද වීමංසයාමි තං
මුහුත්තං ආගමෙය්යාථ යාව ජානාමි තං මනං.
මුහුත්තං ආගමෙය්යාථ යාව ජානාමි තං මනං.
56. පවෙධමානො පලිතසිරො වලිතගත්තො ජරාතුරො
අන්ධවණ්ණොව හුත්වාන රාජානං උපසඞ්කමි.
අන්ධවණ්ණොව හුත්වාන රාජානං උපසඞ්කමි.
57. සො තදා පග්ගහෙත්වාන වාමං දක්ඛිණබාහු ච
සිරස්මිං අඤ්ජලිං කත්වා ඉදං වචනමබ්රුවි.
සිරස්මිං අඤ්ජලිං කත්වා ඉදං වචනමබ්රුවි.
58. යාචාමි තං මහාරාජ ධම්මිකරට්ඨවඩ්ඪන
තව දානරතා කිත්ති උග්ගතා දෙවමානුසෙ.
තව දානරතා කිත්ති උග්ගතා දෙවමානුසෙ.
59. උභොපි නෙත්තා නයනා අන්ධා උපහතා මම
එකං මෙ නයනං දෙහි ත්වම්පි එකෙන යාපය.
එකං මෙ නයනං දෙහි ත්වම්පි එකෙන යාපය.
60. තස්සාහං වචනං සුත්වා හට්ඨො සංවිග්ගමානසො
කතඤ්ජලී වෙදජාතො ඉදං වචනමබ්රූවිං.
කතඤ්ජලී වෙදජාතො ඉදං වචනමබ්රූවිං.
61. ඉදානාහං චින්තයිත්වා පාසාදතො ඉධාගතො
ත්වං මම චිත්තමඤ්ඤාය නෙත්තං යාචිතුමාගතො.
ත්වං මම චිත්තමඤ්ඤාය නෙත්තං යාචිතුමාගතො.