3. කුරුධම්මචරියං
20. පුනාපරං යදා හොමි ඉන්දපත්ථෙ පුරුත්තමෙ
රාජා ධනඤ්ජයො නාම කුසලෙ දස හුපාගතො.
රාජා ධනඤ්ජයො නාම කුසලෙ දස හුපාගතො.
21. කාලිඞ්ග රට්ඨවිසයා බ්රාහ්මණා උපගඤ්ජු මං
ආයාචුං මං හත්ථිනාගං ධඤ්ඤං මඞ්ගලසම්මතං.
ආයාචුං මං හත්ථිනාගං ධඤ්ඤං මඞ්ගලසම්මතං.
22. අවුට්ඨිකො ජනපදො දුබ්භික්ඛො ජාතකො මහා
දදාහි පවරං නාගං නීලං අඤ්ජනසව්හයං.
දදාහි පවරං නාගං නීලං අඤ්ජනසව්හයං.
23. න මෙ යාචකමනුප්පත්තෙ පටික්ඛෙපො අනුච්ඡවො
මා මෙ භිජ්ජි සමාදානං දස්සාමි විපුලං ගජං.
මා මෙ භිජ්ජි සමාදානං දස්සාමි විපුලං ගජං.
24. නාගං ගහෙත්වා සොණ්ඩාය භිඞ්කාරෙ රතනාමයෙ
ජලං හත්ථෙ ආකිරිත්වා බ්රාහ්මණානං අදං ගජං.
ජලං හත්ථෙ ආකිරිත්වා බ්රාහ්මණානං අදං ගජං.
25. තස්ස නාගෙ පදින්නම්හි අමච්චා එතදබ්රුවුං
කින්නු තුය්හං වරං නාගං යාචකානං පදස්සසි.
කින්නු තුය්හං වරං නාගං යාචකානං පදස්සසි.
26. ධඤ්ඤං මඞ්ගලසම්පන්නං සඞ්ගාමවිජයුත්තමං
තස්මිං නාගෙ පදින්නම්හි කින්තෙ රජ්ජං කරිස්සති.
තස්මිං නාගෙ පදින්නම්හි කින්තෙ රජ්ජං කරිස්සති.
27. රජ්ජම්පි මෙ දදෙ සබ්බං සරීරං දජ්ජමත්තනො
සබ්බඤ්ඤුතං පියං මය්හං තස්මා නාගං අදාසහන්ති
සබ්බඤ්ඤුතං පියං මය්හං තස්මා නාගං අදාසහන්ති
කුරුධම්මචරියං තතියං.
4. මහාසුදස්සනචරියං
28. කුසාවතිම්හි නගරෙ යදා ආසිං මහීපති
මහාසුදස්සනො නාම චක්කවත්ති මහබ්බලො.
මහාසුදස්සනො නාම චක්කවත්ති මහබ්බලො.
29. තත්ථාහං දිවසෙ තික්ඛත්තුං ඝොසාපෙමි තහිං තහිං
කො කිං ඉච්ඡති පත්ථෙති කස්ස කිං දීයතු ධනං.
කො කිං ඉච්ඡති පත්ථෙති කස්ස කිං දීයතු ධනං.
30. කො ඡාතකො කො තසිතො කො මාලං කො විලෙපනං
නානාරත්තානි වත්ථානි කො නග්ගො පරිදහිස්සති.
නානාරත්තානි වත්ථානි කො නග්ගො පරිදහිස්සති.
31. කො පථෙ ඡත්තමාදෙති කො පාහනා මුදූ සුභා
ඉති සායඤ්ච පාතො ච ඝොසාපෙමි තහිං තහිං.
ඉති සායඤ්ච පාතො ච ඝොසාපෙමි තහිං තහිං.
32. න තං දසසු ඨානෙසු න පි ඨානසතෙසු වා
අනෙකසතඨානෙසු පටියත්තං යාචකෙ ධනං.
අනෙකසතඨානෙසු පටියත්තං යාචකෙ ධනං.
33. දිවා වා යදි වා රත්තිං යදි එති වණිබ්බකො
ලද්ධා යදිච්ඡකං භොගං පූරහත්ථොව ගච්ඡති.
ලද්ධා යදිච්ඡකං භොගං පූරහත්ථොව ගච්ඡති.
34. එවරූපං මහාදානං අදාසිං යාවජීවිකං
නපාහං දෙස්සං ධනං දම්මි නපි නත්ථි නිචයො මයි.
නපාහං දෙස්සං ධනං දම්මි නපි නත්ථි නිචයො මයි.
35. යථා’පි ආතුරො නාම රොගතො පරිමුත්තියා
ධනෙන වෙජ්ජං තප්පෙත්වා රොගතො පරිමුච්චති.
ධනෙන වෙජ්ජං තප්පෙත්වා රොගතො පරිමුච්චති.
36. තථෙවාහං ජානමානො පරිපූරෙතුමසෙසතො
ඌනමනං පූරයිතුං දෙමි දානං වණිබ්බකෙ
නිරාලයො අපච්චාසො සම්බොධිමනුපත්තියාති.
ඌනමනං පූරයිතුං දෙමි දානං වණිබ්බකෙ
නිරාලයො අපච්චාසො සම්බොධිමනුපත්තියාති.
මහාසුදස්සනචරියං චතුත්ථං.
5. මහාගොවින්ද චරියං.
37 පුනාපරං යදා හොමි සත්ත රාජපුරොහිතො
පූජිතො නරදෙවෙහි මහාගොවින්දබ්රාහ්මණො.
පූජිතො නරදෙවෙහි මහාගොවින්දබ්රාහ්මණො.
38. තදාහං සත්තරජ්ජෙසු යං මෙ ආසි උපායනං
තෙන දෙමි මහාදානං අක්ඛොභං සාගරූපමං.
තෙන දෙමි මහාදානං අක්ඛොභං සාගරූපමං.
39. න මෙ දෙස්සං ධනං ධඤ්ඤං නපි නත්ථි නිවයො මයි
සබ්බඤ්ඤුතං පියං මය්හං තස්මා දෙමි වරං ධනන්ති.
සබ්බඤ්ඤුතං පියං මය්හං තස්මා දෙමි වරං ධනන්ති.
මහාගොවින්ද චරියං පඤ්චමං.