4. 1 යසවතීපමුඛභික්ඛුනීනං අපදානං
1104. භවා සබ්බෙ පරික්ඛීණා භවසන්ධි විමොචිතා
සබ්බාසවා ච නො නත්ථි ආරොචෙම මහාමුනෙ.
සබ්බාසවා ච නො නත්ථි ආරොචෙම මහාමුනෙ.
1105. පුරිමං කුසලං කම්මං යං කිඤ්චි සාධූ පත්ථිතං
පරිභොගමයං දින්නං තුය්හත්ථාය මහාමුනෙ.
පරිභොගමයං දින්නං තුය්හත්ථාය මහාමුනෙ.
1106. බුද්ධපච්චෙකබුද්ධානං බුද්ධානං සාවකාන ච
පරිභොගමයං දින්නං තුය්හත්ථාය මහාමුනෙ.
පරිභොගමයං දින්නං තුය්හත්ථාය මහාමුනෙ.
1107. උච්චනීචමයං කම්මං භික්ඛූනං සාධු පත්ථිතං
උච්චාකුලපරිකම්මං කතමෙතං මහාමුනෙ.
උච්චාකුලපරිකම්මං කතමෙතං මහාමුනෙ.
1108. තෙනෙව සුක්කමූලෙන චොදිතා කම්මසම්පදා
මානුසිකමතික්කන්තා ජායිංසු ඛත්තියෙ කුලෙ.
මානුසිකමතික්කන්තා ජායිංසු ඛත්තියෙ කුලෙ.
1109. උප්පත්තෙ ච කතෙ කම්මෙ ජාතියා චා’පි එකතො
පච්ඡිමෙ එකතො ජාතා ඛත්තියා කුලසම්හවා.
පච්ඡිමෙ එකතො ජාතා ඛත්තියා කුලසම්හවා.
1110. රූපවතී භොගවතී ලාභසක්කාරපූජිතා
අන්තෙපුරෙ මහාවීර දෙවානං විය නන්දනෙ.
අන්තෙපුරෙ මහාවීර දෙවානං විය නන්දනෙ.
1111. නිබ්බින්දිත්වා අගාරම්හා පබ්බජිම්හ’නගාරියං
කතිපාහං උපාදාය සබ්බා පත්තා’ම්හ නිබ්බුතිං.
කතිපාහං උපාදාය සබ්බා පත්තා’ම්හ නිබ්බුතිං.
1112. චීවරං පිණ්ඩපාතං ච පච්චයං සයනාසනං
උපනෙන්ති බහූ අම්හෙ සදා සක්කතපූජිතා.
උපනෙන්ති බහූ අම්හෙ සදා සක්කතපූජිතා.
1113. කිලෙසා ඣාපිතා අම්හං භවා සබ්බෙ සමූහතා,
නාගීව බන්ධනං ඡෙත්වා විහරාම අනාසවා.
නාගීව බන්ධනං ඡෙත්වා විහරාම අනාසවා.
1114-1115. ස්වාගතං වත නො ආසි -පෙ- පටිසම්භිදා චතස්සො ච -පෙ- කතං බුද්ධස්ස සාසනං.
ඉත්ථං සුදං යසවතීපමුඛානි අට්ඨාරසඛත්තියකඤ්ඤා භික්ඛුනීසහස්සානි භගවතො සම්මුඛා ඉමා ගාථායො අභාසිත්ථාති.
යසවතීපමුඛඅට්ඨාරසභික්ඛුනීසහස්සාපදානං පඨමං.
4. 2 බ්රාහ්මණකඤ්ඤාභික්ඛුනීනං අපදානං
1116. චුල්ලාසීතිසහස්සානි බ්රහ්මඤ්ඤකුලසම්හවා
සුඛුමාලහත්ථපාදා පුරෙ තුය්හං මහාමුනෙ.
සුඛුමාලහත්ථපාදා පුරෙ තුය්හං මහාමුනෙ.
1117. වෙස්සසුද්දකුලෙ ජාතා දෙවා නාගා ච කින්නරා
චාතුද්දීපා බහූ කඤ්ඤා පුරෙ තුය්හං මහාමුනෙ.
චාතුද්දීපා බහූ කඤ්ඤා පුරෙ තුය්හං මහාමුනෙ.
1118. කෙචි පබ්බජිතා අත්ථි සච්චදස්සාවිනො බහූ
දෙවා ච කින්නරා නාගා බුජ්ඣිස්සන්ති අනාගතෙ.
දෙවා ච කින්නරා නාගා බුජ්ඣිස්සන්ති අනාගතෙ.
1119. අනුභොත්වා යසං සබ්බං පත්වාන සබ්බසම්පදා
ත්වයි පසාදං පටිලද්ධා බුජ්ඣිස්සන්ති අනාගතෙ.
ත්වයි පසාදං පටිලද්ධා බුජ්ඣිස්සන්ති අනාගතෙ.
1120. අම්හෙ බ්රාහ්මණධීතා තු බ්රහ්මඤ්ඤකුලසම්හවා
පෙක්ඛතො නො මහාවීර පාදෙ වන්දාම චක්ඛුම.
පෙක්ඛතො නො මහාවීර පාදෙ වන්දාම චක්ඛුම.
1121. උපහතා භවා සබ්බෙ මූලතණ්හා සමූහතා
සමුච්ඡින්නා අනුසයා පුඤ්ඤසඞ්ඛාරා දාලිතා.
සමුච්ඡින්නා අනුසයා පුඤ්ඤසඞ්ඛාරා දාලිතා.
1122. සමාධිගොචරා සබ්බා සමාපත්තිවසී තථා
ඣානෙන ධම්මරතියා විහරිස්සාම නො සදා
ඣානෙන ධම්මරතියා විහරිස්සාම නො සදා
1123. භවනෙත්තී අවිජ්ජා ච සඞ්ඛාරා’පි ච ඛෙපිතා
සුදුද්දසං පදං ගන්තුං අනුජානාථ නායක.
සුදුද්දසං පදං ගන්තුං අනුජානාථ නායක.
1124. උපකාරා මමං තුම්හෙ දීඝරත්තං කතාවිනො
බහුන්නං සංසයං ඡෙත්වා සබ්බා ගච්ඡන්තු නිබ්බුතිං.
බහුන්නං සංසයං ඡෙත්වා සබ්බා ගච්ඡන්තු නිබ්බුතිං.
1125. වන්දිත්වා මුනිනො පාදෙ කත්වා ඉද්ධිවිකුබ්බණං.
කාචි දස්සෙන්ති ආලොකං අන්ධකාරමථාපරා.
කාචි දස්සෙන්ති ආලොකං අන්ධකාරමථාපරා.
1126. දස්සෙන්ති චන්දසුරියෙ සාගරං ච සමච්ඡකං
සිනෙරුපරිභණ්ඩං ච දස්සෙන්ති පාරිඡත්තකං.
සිනෙරුපරිභණ්ඩං ච දස්සෙන්ති පාරිඡත්තකං.