82. ගතසඤ්ඤකත්ථෙරාපදානං.
1506. ජාතියා සත්තවස්සො’හං පබ්බජිං අනගාරියං,
අවන්දිං සත්ථුනො පාදෙ විප්පසන්නෙන චෙතසා.
අවන්දිං සත්ථුනො පාදෙ විප්පසන්නෙන චෙතසා.
1507. සත්ත නඞ්ගලිකීපුප්ඵෙ ආකාසෙ උක්ඛිපිං අහං,
තිස්සං බුද්ධං සමුද්දිස්ස අනන්තගුණසාගරං.
තිස්සං බුද්ධං සමුද්දිස්ස අනන්තගුණසාගරං.
1508. සුගතානුගතං මග්ගං පූජෙත්වා හට්ඨමානසො
අඤජලිඤ්ච තදා’කාසිං පසන්නො සෙහි පාණිහි.
අඤජලිඤ්ච තදා’කාසිං පසන්නො සෙහි පාණිහි.
1509. ද්වෙනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
1510. ඉතො අට්ඨමකෙ කප්පෙ තයො අග්ගිසිබා අහුං,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
1511. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා ගතසඤ්ඤකො ථෙරො ඉමා ගාථායො අභාසිත්ථාති.
ගතසඤ්ඤකත්ථෙරස්ස අපදානං දුතියං.
83. නිපන්නඤ්ජලියත්ථෙරාපදානං
1512. රුක්ඛමූලෙ නිසින්නො’හං ව්යාධිතො පරමෙන ච,
පරමකාරුඤ්ඤපත්තො’ම්හි අරඤ්ඤෙ කානනෙ අහං.
පරමකාරුඤ්ඤපත්තො’ම්හි අරඤ්ඤෙ කානනෙ අහං.
1513. අනුකම්පං උපාදායං තිස්සො සත්ථා උපෙසි මං,
සො’හං නිපන්නකො සන්තො සිරෙ කත්වාන අඤ්ජලිං.
සො’හං නිපන්නකො සන්තො සිරෙ කත්වාන අඤ්ජලිං.
1514. පසන්නචිත්තො සුමනො සබ්බසත්තානමුත්තමං,
සම්බුද්ධං අභිවාදෙත්වා තත්ථ කාලකතො අහං.
සම්බුද්ධං අභිවාදෙත්වා තත්ථ කාලකතො අහං.
1515. ද්වෙනවුතෙ ඉතො කප්පෙ යං වන්දිං පුරිසුත්තමං,
දුග්ගතිං නාභිජානාමි වන්දනාය ඉදං ඵලං.
දුග්ගතිං නාභිජානාමි වන්දනාය ඉදං ඵලං.
1516. ඉතො පඤ්චමකෙ කප්පෙ පඤ්චෙවාසුං මහාසිඛා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
1517. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා නිපන්නඤ්ජලියො ථෙරො ඉමා ගාථායො අභාසිත්ථාති.
නිපන්නඤ්ජලියත්ථෙරස්ස අපදානං තතියං.
84. අධොපුප්ඵියත්ථෙරාපදානං.
1518. අභිභූ නාම සො භික්ඛු සිඛිනො අග්ගසාවකො,
මහානුභාවො තෙවිජ්ජො හිමවන්තං උපාගමී.
මහානුභාවො තෙවිජ්ජො හිමවන්තං උපාගමී.
1519. අහම්පි හිමවන්තම්හි රමනීයස්සමෙ ඉසි,
වසාමි අප්පමඤ්ඤාසු ඉද්ධිසු ච තදා වසී.
වසාමි අප්පමඤ්ඤාසු ඉද්ධිසු ච තදා වසී.
1520. පක්ඛජාතො වියාකාසෙ පබ්බතං අධිවත්තයිං,
අධොපුප්ඵං ගහෙත්වාන ආගච්ඡිං පබ්බතං අහං.
අධොපුප්ඵං ගහෙත්වාන ආගච්ඡිං පබ්බතං අහං.
1521. සත්ත පුප්ඵානි ගණ්හිත්වා මත්ථකෙ ඔකිරිං අහං,
ආලොකිතෙ ච වීරෙන පක්කාමිං පාචිනාමුඛො.
ආලොකිතෙ ච වීරෙන පක්කාමිං පාචිනාමුඛො.
1522. ආවාසං අභිසම්භොසිං පත්වාන අස්සමං අහං,
ඛාරිභාරං ගහෙත්වාන පාවිසිං පබ්බතන්තරං.
ඛාරිභාරං ගහෙත්වාන පාවිසිං පබ්බතන්තරං.
1523. අජගරො මං පීළෙසි ඝොරරූපො මහබ්බලො,
පුබ්බකම්මං සරිත්වාන කත්ථ කාලකතො අහං.
පුබ්බකම්මං සරිත්වාන කත්ථ කාලකතො අහං.
1524. එකතිංසෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි පුප්ඵපූජායිදං ඵලං.
දුග්ගතිං නාභිජානාමි පුප්ඵපූජායිදං ඵලං.
1525. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා අධොපුප්ඵියො ථෙරො ඉමා ගාථායො අභාසිත්ථාති.
අධොපුප්ඵියත්ථෙරස්ස අපදානං චතුත්ථං.