77. සූචිදායකත්ථෙරාපදානං
1452. තිංසකප්පසහස්සම්හි සම්බුද්ධො ලොකනායකො,
සුමෙධො නාම නාමෙන බත්තිංසවරලක්ඛණො.
සුමෙධො නාම නාමෙන බත්තිංසවරලක්ඛණො.
1453. තස්ස කඤ්චනවණ්ණස්ස දිපදින්දස්ස තාදිනො,
පඤ්ච සූචී මයා දින්නා සිබ්බනත්ථාය චීවරං.
පඤ්ච සූචී මයා දින්නා සිබ්බනත්ථාය චීවරං.
1454. තෙනෙ’ව සූචිදානෙන නිපුණත්ථවිපස්සකං,
තික්ඛං ලහුඤ්ච ඵාසුඤ්ච ඤාණං මෙ උදපජ්ජථ.
තික්ඛං ලහුඤ්ච ඵාසුඤ්ච ඤාණං මෙ උදපජ්ජථ.
1455. දිපදාධිපතී නාම රාජානො චතුරො අහුං,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
1456. කිලෙසා ඣාපිතා මය්හං භවා සබ්බෙ සමූහතා,
ධාරෙමි අන්තිමං දෙහං සම්මාසම්බුද්ධසාසනෙ.
ධාරෙමි අන්තිමං දෙහං සම්මාසම්බුද්ධසාසනෙ.
1457. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා සූචිදායකො ථෙරො ඉමා ගාථායො අභාසිත්ථාති.
සූචිදායකත්ථෙරස්ස අපදානං සත්තමං.
78. පාටලිපුප්ඵියත්ථෙරාපදානං
1458. සෙට්ඨිපුත්තො තදා ආසිං සුඛුමාලො සුඛෙධිතො
උච්ඡඞ්ගෙ පාටලීපුප්ඵං කත්වා තං අභිසංහරිං.
උච්ඡඞ්ගෙ පාටලීපුප්ඵං කත්වා තං අභිසංහරිං.
1459. සුවණ්ණවණ්ණං සම්බුද්ධං ගච්ඡන්තං අන්තරාපණෙ,
කඤ්චනග්ඝියසඞ්කාසං ද්වත්තිංස වරලක්ඛණං.
කඤ්චනග්ඝියසඞ්කාසං ද්වත්තිංස වරලක්ඛණං.
1460. හට්ඨො හට්ඨෙන චිත්තෙන පුප්ඵෙන අභිපූජයිං,
තිස්සං ලොකවිදුං නාථං නරදෙවං නමස්සහං.
තිස්සං ලොකවිදුං නාථං නරදෙවං නමස්සහං.
1461. ද්වෙනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි පුප්ඵපූජායිදං ඵලං.
දුග්ගතිං නාභිජානාමි පුප්ඵපූජායිදං ඵලං.
1462. ඉතො තෙසට්ඨිකප්පම්හි අභිසම්මතනාමකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
1463. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා පාටලිපුප්ඵියො ථෙරො ඉමා ගාථායො අභාසිත්ථාති.
පාටලිපුප්ඵියත්ථෙරස්ස අපදානං අට්ඨමං.
79. ඨිතඤ්ජලියත්ථෙරාපදානං
1464. මිගලුද්දො පුරෙ ආසිං අරඤ්ඤෙ කානනෙ අහං,
තත්ථද්දසාසිං සම්බුද්ධං තිස්සං පවරලක්ඛණං.
තත්ථද්දසාසිං සම්බුද්ධං තිස්සං පවරලක්ඛණං.
1465. තස්සාහං අඤ්ජලිං කත්වා පක්කාමිං පාචිනාමුඛො,
අවිදූරෙ නිසින්නස්ස නියකෙ පණ්ණසන්ථරෙ.
අවිදූරෙ නිසින්නස්ස නියකෙ පණ්ණසන්ථරෙ.
1466. තතො මෙ අසනීපාතො මත්ථකෙ නිපතී තදා,
සො’හං මරණකාලම්හි අකාසිං පුනරඤ්ජලිං.
සො’හං මරණකාලම්හි අකාසිං පුනරඤ්ජලිං.