67. වත්ථදායකත්ථෙරාපදානං
1393. පක්ඛිජාතො තදා ආසිං සුවණ්ණො ගරුළාධිපො,
අද්දසං විරජං බුද්ධං ගච්ඡන්තං ගන්ධමාදනං.
අද්දසං විරජං බුද්ධං ගච්ඡන්තං ගන්ධමාදනං.
1394. ජහිත්වා ගරුළං වණ්ණං මාණවකං අධාරයිං,
එකං වත්ථං මයා දින්නං දිපදින්දස්ස තාදිනො.
එකං වත්ථං මයා දින්නං දිපදින්දස්ස තාදිනො.
1395. තඤ්ච දුස්සං පටිග්ගය්හ බුද්ධො ලොකග්ගනායකො,
අන්තළික්ඛෙ ඨිතො සත්ථා ඉමං ගාථං අභාසථ:
අන්තළික්ඛෙ ඨිතො සත්ථා ඉමං ගාථං අභාසථ:
1396. “ඉමිනා වත්ථදානෙන චිත්තස්ස පණිධීහි ච,
පහාය ගරුළං යොනිං දෙවලොකෙ රමිස්සති.”
පහාය ගරුළං යොනිං දෙවලොකෙ රමිස්සති.”
1397. අත්ථදස්සී තු භගවා ලොකජෙට්ඨො නරාසභො,
වත්ථදානං පසංසිත්වා පක්කාමි උත්තරාමුඛො.
වත්ථදානං පසංසිත්වා පක්කාමි උත්තරාමුඛො.
1398. භවෙ තිබ්බත්තමානම්හි හොන්ති මෙ වත්ථසම්පදා,
ආකාසෙ ඡදනං හොති වත්ථදානස්සිදං ඵලං.
ආකාසෙ ඡදනං හොති වත්ථදානස්සිදං ඵලං.
1399. අරුණකා සත්ත ජනා චක්කවත්තී මහබ්බලා,
ඡත්තිංසතිම්හි කප්පම්හි ආසිංසු මනුජාධිපා.
ඡත්තිංසතිම්හි කප්පම්හි ආසිංසු මනුජාධිපා.
1400 පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා වත්ථදායකො ථෙරො ඉමා ගාථායො අභාසිත්ථාති.
වත්ථදායකත්ථෙරස්ස අපදානං සත්තමං.
68. අම්බදායකත්ථෙරාපදානං
1401. අනොමදස්සී භගවා නිසින්නො පබ්බතන්තරෙ,
මෙත්තාය අඵරී ලොකං අප්පමාණං නිරූපධි.
මෙත්තාය අඵරී ලොකං අප්පමාණං නිරූපධි.
1402. කපි අහං තදා ආසිං හිමවන්තෙ නගුත්තමෙ,
දිස්වා අනොමං අමිතං බුද්ධෙ චිත්තං පසාදයිං.
දිස්වා අනොමං අමිතං බුද්ධෙ චිත්තං පසාදයිං.
1403. හිමවතන්තස්ස අවිදූරෙ අම්බාසුං ඵලිනො තදා,
තතො පක්කං ගහෙත්වාන අම්බං සමධුකං අදං.
තතො පක්කං ගහෙත්වාන අම්බං සමධුකං අදං.
1404. තම්මෙ බුද්ධො වියාකාසි අනොමදස්සී මහාමුනි,
“ඉමිනා මධුදානෙන අම්බදානෙන චූභයං.
“ඉමිනා මධුදානෙන අම්බදානෙන චූභයං.
1405. සත්තපඤ්ඤාස කප්පානි දෙවලොකෙ රමිස්සති,
අවසෙසෙසු කප්පෙසු වොකිණ්ණං සංසරිස්සති.
අවසෙසෙසු කප්පෙසු වොකිණ්ණං සංසරිස්සති.
1406. ඛෙපෙත්වා පාපකං කම්මං පරිපක්කාය බුද්ධියා,
විනිපාතමගන්ත්වාන කිලෙසෙ ඣාපයිස්සති.”
විනිපාතමගන්ත්වාන කිලෙසෙ ඣාපයිස්සති.”
1407. දමෙන උත්තමෙනාහං දමිතො’මබි මහෙසිනා,
පත්තො’ම්භි අචලං ඨානං හිත්වා ජයපරාජයං.
පත්තො’ම්භි අචලං ඨානං හිත්වා ජයපරාජයං.
1408. සත්තසත්තතිකප්පසතෙ අම්බට්ඨජ සනාමකා,
චතුද්දසා තෙ රාජානො චක්කවත්තී මහබ්බලා.
චතුද්දසා තෙ රාජානො චක්කවත්තී මහබ්බලා.
1409. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා අම්බදායකො ථෙරො ඉමා ගාථායො අභාසිත්ථාති.
අම්බදායකත්ථෙරස්ස අපදානං අට්ඨමං.
69. සුමනත්ථෙරාපදානං
1410. සුමනො නාම නාමෙන මාලාකාරො අහං තදා
අද්දසං විරජං බුද්ධං ලොකාහුතිපටිග්ගහං
අද්දසං විරජං බුද්ධං ලොකාහුතිපටිග්ගහං
1411. උභො හත්ථෙහි පග්ගය්හ සුමනං පුප්ඵමුත්තමං,
බුද්ධස්ස අභිරොපෙසිං සිඛිනො ලොකබන්ධුනො.
බුද්ධස්ස අභිරොපෙසිං සිඛිනො ලොකබන්ධුනො.
1412. ඉමාය පුප්ඵපූජාය චෙතනාපණිධීහි ච,
දුග්ගතිං නාභිජානාමි පුප්ඵපූජායිදං ඵලං.
දුග්ගතිං නාභිජානාමි පුප්ඵපූජායිදං ඵලං.
1413. එකතිංසෙ ඉතො කප්පෙ යං පුප්ඵම්භිරොපයිං.
දුග්ගතිං නාභිජානාමි පුප්ඵපූජායිදං ඵලං.
දුග්ගතිං නාභිජානාමි පුප්ඵපූජායිදං ඵලං.
1414. ඡබ්බීසතිම්හි කප්පම්හි චත්තාරොසුං මහායසා,
සත්තරතනසම්පන්නා රාජානො චක්කවත්තිනො.
සත්තරතනසම්පන්නා රාජානො චක්කවත්තිනො.
1415. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා සුමනො ථෙරො ඉමා ගාථායො අභාසිත්ථාති.
සුමනත්ථෙරස්ස අපදානං නවමං.
70. පුප්ඵචඞ්ගොටියත්ථෙරාපදානං
1416. අභීතරූපං සීහංව අභිජාතංව කෙසරිං,
ව්යග්ඝූසභංව පවරං ගරුළග්ගංව පක්ඛිනං.
ව්යග්ඝූසභංව පවරං ගරුළග්ගංව පක්ඛිනං.
1417. සිඛිං තිලොකසරණං අනෙජං අපරාජිතං,
නිසින්නං සමණානග්ගං භික්ඛුසංඝපුරක්ඛතං.
නිසින්නං සමණානග්ගං භික්ඛුසංඝපුරක්ඛතං.
1418. වඞ්ගොටකෙ ඨපෙත්වාන අනොජං පුප්ඵමුත්තමං,
සහ චඞ්ගොටකොනෙව බුද්ධසෙට්ඨං සමොකිරිං.
සහ චඞ්ගොටකොනෙව බුද්ධසෙට්ඨං සමොකිරිං.
1419. තෙන චිත්තප්පසාදෙන දිපදින්දෙ නරාසභෙ
පත්තො’ම්භි අචලං ඨානං හිත්වා ජයපරාජයං.
පත්තො’ම්භි අචලං ඨානං හිත්වා ජයපරාජයං.
1420. එකතිංසෙ ඉතො කප්පෙ යං කම්මමකරිං තදා,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
1421. සම්පුණ්ණෙ තිංසකප්පම්භි දෙවභූතිසනාමකා,
සත්තරතනසම්පන්නො පඤ්චාසුං චක්කවත්තිනො.
සත්තරතනසම්පන්නො පඤ්චාසුං චක්කවත්තිනො.
1422. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා පුප්ඵචඞ්ගොටියො ථෙරො ඉමා ගාථායො අභාසිත්ථාති.
පුප්ඵචඞ්ගොටියත්ථෙරස්ස අපදානං දසමං.