65. භිසදායකත්ථෙරාපදානං
1377. වෙස්සභූ නාම නාමෙන ඉසීනං තතියො අහු,
කානනං වනමොගය්හ විහාසි පුරිසුත්තමො.
කානනං වනමොගය්හ විහාසි පුරිසුත්තමො.
1378. භිසං මුලාලං ගණ්හිත්වා අගමං බුද්ධසන්තිකං,
තං ච බුද්ධස්ස පාදාසිං පසන්නො සෙහි පාණිහි.
තං ච බුද්ධස්ස පාදාසිං පසන්නො සෙහි පාණිහි.
1379. කරෙන ච පරාමට්ඨො වෙස්සභූවරබුද්ධිනා,
සුඛාහං නාභිජානාමි සමං තෙන තතුත්තරිං.
සුඛාහං නාභිජානාමි සමං තෙන තතුත්තරිං.
1380. චරිමො වත්තතෙ මය්හං භවා සබ්බෙ සමූහතා,
හත්ථිනාගෙන සන්තෙන කුසලං රොපිතං මයා.
හත්ථිනාගෙන සන්තෙන කුසලං රොපිතං මයා.
1381. එකතිංසෙ ඉතො කප්පෙ යං කම්මමකරිං තදා,
දුග්ගතිං නාභිජානාමි භිසදානස්සිදං ඵලං.
දුග්ගතිං නාභිජානාමි භිසදානස්සිදං ඵලං.
1382. සමොධානා ච රාජානො සොළස මනුජාධිපා,
කප්පම්හි තෙරසෙ ආසුං චක්කවත්තී මහබ්බලා.
කප්පම්හි තෙරසෙ ආසුං චක්කවත්තී මහබ්බලා.
1383 පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා භිසදායකො ථෙරො ඉමා ගාථායො අභාසිත්ථාති.
භිසදායකත්ථෙරස්ස අපදානං පඤ්චමං.
66. සුචින්තිතත්ථෙරාපදානං
1384. ගිරිදුග්ගචරො ආසිං අභිජාතොව කෙසරී,
මිගසංඝං වධිත්වාන ජීවාමි පබ්බතන්තරෙ.
මිගසංඝං වධිත්වාන ජීවාමි පබ්බතන්තරෙ.
1385. අත්ථදස්සී තු භගවා සබ්බඤ්ඤූ වදතං වරො,
මමුද්ධරිතුකාමො සො ආගච්ඡි පබ්බතුත්තමං.
මමුද්ධරිතුකාමො සො ආගච්ඡි පබ්බතුත්තමං.
1386. පසදඤ්ච මිගං හන්ත්වා භක්ඛිතුං සමුපාගමිං,
භගවා තම්හි සමයෙ භික්ඛමානො උපාගමි.
භගවා තම්හි සමයෙ භික්ඛමානො උපාගමි.
1387. වරමංසානි පග්ගය්හ අදාසිං තස්ස සත්ථුනො,
අනුමොදි මහාවීරො නිබ්බාපෙන්තො මමං තදා.
අනුමොදි මහාවීරො නිබ්බාපෙන්තො මමං තදා.
1388. තෙන චිත්තප්පසාදෙන ගිරිදුග්ගං පවීසහං,
පීතිං උප්පාදයිත්වාන තත්ථ කාලකතො අහං.
පීතිං උප්පාදයිත්වාන තත්ථ කාලකතො අහං.
1389. එතෙන මංසදානෙන චිත්තස්ස පණිධීහි ච,
පණ්ණරසෙ කප්පසතෙ දෙවලොකෙ රමිං අහං.
පණ්ණරසෙ කප්පසතෙ දෙවලොකෙ රමිං අහං.
1390. අවසෙසෙසු කප්පෙසු කුසලං නිචිතං මයා,
තෙනෙව මංසදානෙන බුද්ධානුස්සරණෙන ච.
තෙනෙව මංසදානෙන බුද්ධානුස්සරණෙන ච.
1391. අට්ඨතිංසම්හි කප්පම්හි අට්ඨ දීඝායුනාමකා,
සට්ඨිම්හි’තො කප්පසතෙ දුවෙ වරුණනාමකා.
සට්ඨිම්හි’තො කප්පසතෙ දුවෙ වරුණනාමකා.
1392 පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා සුචින්තිතො ථෙරො ඉමා ගාථායො අභාසිත්ථාති.
සුචින්තිතත්ථෙරස්ස අපදානං ඡට්ඨං.