55. ඔපවය්හ ත්ථෙරාපදානං
1290. පදුමුත්තරබුද්ධස්ස ආජානීයමදාසහං,
නිය්යාදෙත්වාන සම්බුද්ධෙ අගමාසිං සකං ඝරං.
නිය්යාදෙත්වාන සම්බුද්ධෙ අගමාසිං සකං ඝරං.
1291. දෙවලො නාම නාමෙන සත්ථුනො අග්ගසාවකො,
වරධම්මස්ස දායාදො ආගච්ඡි මම සන්තිකං.
වරධම්මස්ස දායාදො ආගච්ඡි මම සන්තිකං.
1292. “සපත්තභාරො භගවා ආජානෙය්යො න කප්පති,
තව සඞ්කප්පමඤ්ඤාය අධිවාසෙසි චක්ඛුමා.”
තව සඞ්කප්පමඤ්ඤාය අධිවාසෙසි චක්ඛුමා.”
1293. අග්ඝාපෙත්වා වාතජවං සින්ධවං සීඝවාහනං,
පදුමුත්තරබුද්ධස්ස ඛමනීයමදාසහං.
පදුමුත්තරබුද්ධස්ස ඛමනීයමදාසහං.
1294. යං යං යොනුපපජ්ජාමි දෙවත්තං අථ මානුසං,
ඛමනීයා වාතජවා චිත්තා නිබ්බත්තරෙ මම.
ඛමනීයා වාතජවා චිත්තා නිබ්බත්තරෙ මම.
1295. ලාභා තෙසං සුලද්ධං’ව යෙ ලභන්තුපසම්පදං,
පුනපි පයිරුපාසෙය්යං බුද්ධො ලොකෙ සචෙ භවෙ.
පුනපි පයිරුපාසෙය්යං බුද්ධො ලොකෙ සචෙ භවෙ.
1296. අට්ඨවීසතික්ඛත්තුං’හං රාජා ආසිං මහබ්බලො,
චාතුරන්තො විජිතාවී ජම්බුසණ්ඩස්ස ඉස්සරො.
චාතුරන්තො විජිතාවී ජම්බුසණ්ඩස්ස ඉස්සරො.
1297. ඉදං පච්ඡිමකං මය්හං චරිමො වත්තතෙ භවො,
පත්තො’ස්මි අචලං ඨානං හිත්වා ජයපරාජයං.
පත්තො’ස්මි අචලං ඨානං හිත්වා ජයපරාජයං.
1298. චතුත්තිංසසහස්සම්හි මහාතෙජො’සි ඛත්තියො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
1299. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා ඔපවය්හො ථෙරො ඉමා ගාථායො අභාසිත්ථාති.
ඔපවය්හත්ථෙරස්ස අපදානං පඤ්චමං.
56. සපරිවාරාසනත්ථෙරාපදානං
1300. පදුමුත්තරබුද්ධස්ස පිණ්ඩපාතං අදාසහං,
ගන්ත්වා තං භොජනට්ඨානං මල්ලිකාහි පරික්ඛිපිං.
ගන්ත්වා තං භොජනට්ඨානං මල්ලිකාහි පරික්ඛිපිං.
1301. තම්හාසනම්භි ආසීනො බුද්ධො ලොකග්ගනායකො,
අකිත්තයී පිණ්ඩපාතං උජුභූතො සමාහිතො:
අකිත්තයී පිණ්ඩපාතං උජුභූතො සමාහිතො:
1302. “යථාපි භද්දකෙ ඛෙත්තෙ බීජං අප්පම්පි රොපිතං,
සම්මා ධාරං පවෙච්ඡන්තෙ ඵලං තොසෙති කස්සකං.
සම්මා ධාරං පවෙච්ඡන්තෙ ඵලං තොසෙති කස්සකං.
1303. තථෙවායං පිණ්ඩපාතො සුඛෙත්තෙ රොපිතො තයා,
භවෙ නිබ්බත්තමානං හි ඵලතො තොසයිස්සති”
භවෙ නිබ්බත්තමානං හි ඵලතො තොසයිස්සති”
1304. ඉදං වත්වාන සම්බුද්ධො ජලජුත්තරනාමකො,
පිණ්ඩපාතං ථවිත්වාන පක්කාමි උත්තරාමුඛො.
පිණ්ඩපාතං ථවිත්වාන පක්කාමි උත්තරාමුඛො.