541. ලකුණ්ටකභද්දියත්ථෙරාපදානං
6023. පදුමුත්තරො නාම ජිනො සබ්බධම්මෙසු චක්ඛුමා,
ඉතො සතසහස්සම්හි කප්පෙ උප්පජ්ජි නායකො.
ඉතො සතසහස්සම්හි කප්පෙ උප්පජ්ජි නායකො.
6024. තදාහං හංසවතියං සෙට්ඨිපුත්තො මහාධනො,
ජඞ්ඝාවිහාරං විචරං සංඝාරාමමගච්ඡහං.
ජඞ්ඝාවිහාරං විචරං සංඝාරාමමගච්ඡහං.
6025. තදා සො ලොකපජ්ජොතො ධම්මං දෙසෙසි නායකො,
මඤ්ජුස්සරානං පවරං සාවකං අභිකිත්තයී.
මඤ්ජුස්සරානං පවරං සාවකං අභිකිත්තයී.
6026. තං සුත්වා මුදිතො හුත්වා කාරං කත්වා මහෙසිනො,
වන්දිත්වා සත්ථුනො පාදෙ තං ඨානමභිපත්ථයිං.
වන්දිත්වා සත්ථුනො පාදෙ තං ඨානමභිපත්ථයිං.
6027. තදා බුද්ධො වියාකාසි සංඝමජ්ඣෙ විනායකො,
අනාගතම්හි අද්ධානෙ ලච්ඡසෙ තං මනොරථං.
අනාගතම්හි අද්ධානෙ ලච්ඡසෙ තං මනොරථං.
6028. සතසහස්සෙ ඉතො කප්පෙ ඔක්කාකකුලසම්භවො,
ගොතමො නාම නාමෙන සත්ථා ලොකෙ භවිස්සති.
ගොතමො නාම නාමෙන සත්ථා ලොකෙ භවිස්සති.
6029. තස්ස ධම්මෙසු දායාදො ඔරසො ධම්මනිම්මිතො,
භද්දියො නාම නාමෙන හෙස්සති සත්ථු සාවකො.
භද්දියො නාම නාමෙන හෙස්සති සත්ථු සාවකො.
6030. තෙන කම්මෙන සුකතෙන චෙතනාපණිධීහි ච,
ජහිත්වා මානුසං දෙහං තාවතිංසමගච්ඡහං.
ජහිත්වා මානුසං දෙහං තාවතිංසමගච්ඡහං.
6031. ද්වානවුතෙ ඉතො කප්පෙ ඵුස්සො උප්පජ්ජි නායකො,
දුරාසදො දුප්පසහො සබ්බලොකුත්තමො ජිනො.
දුරාසදො දුප්පසහො සබ්බලොකුත්තමො ජිනො.
6032. චරණෙන ච සම්පන්නො බ්රහා උජු පතාපවා,
හිතෙසී සබ්බපාණිනං බහුං මොචෙසි බන්ධනා.
හිතෙසී සබ්බපාණිනං බහුං මොචෙසි බන්ධනා.
6033. නන්දාරාමවනෙ තස්ස අහොසිං ඵුස්සකොකිලො,
ගන්ධකුටිසමාසන්නෙ අම්බරුක්ඛෙ වසාමහං.
ගන්ධකුටිසමාසන්නෙ අම්බරුක්ඛෙ වසාමහං.
6034. තදා පිණ්ඩාය ගච්ඡන්තං දක්ඛිණෙය්යං ජිනුත්තමං,
දිස්වා චිත්තං පසාදෙත්වා මඤ්ජුනාදෙන කූජහං.
දිස්වා චිත්තං පසාදෙත්වා මඤ්ජුනාදෙන කූජහං.
6035. රාජුය්යානං තදා ගන්ත්වා සුපක්කං කනකත්තචං,
අම්බපිණ්ඩිං ගහෙත්වාන සම්බුද්ධස්සොපනාමයිං.
අම්බපිණ්ඩිං ගහෙත්වාන සම්බුද්ධස්සොපනාමයිං.
6036. තදා මෙ චිත්තමඤ්ඤාය මහාකාරුණිකො ජිනො,
උපට්ඨාකස්ස හත්ථතො පත්තා පග්ගණ්හි නායකො.
උපට්ඨාකස්ස හත්ථතො පත්තා පග්ගණ්හි නායකො.
6037. අදාසිං තුට්ඨචිත්තො’හ අම්බපිණ්ඩිං මහාමුනෙ,
පත්තෙ පක්ඛිප්ප පක්ඛෙහඤ්ජලිං කත්වාන මඤ්ජුනා.
පත්තෙ පක්ඛිප්ප පක්ඛෙහඤ්ජලිං කත්වාන මඤ්ජුනා.
6038. සරෙන රජනීයෙන සවණීයෙන වග්ගුනා,
වස්සන්තො බුද්ධජූජත්ථං නිළං ගන්ත්වා නිපජ්ජහං.
වස්සන්තො බුද්ධජූජත්ථං නිළං ගන්ත්වා නිපජ්ජහං.
6039. තදා මුදිතචිත්තං මං බුද්ධපෙමගතාසයං,
සකුණග්ඝි උපාගන්ත්වා ඝාතයී දුට්ඨමානසො.
සකුණග්ඝි උපාගන්ත්වා ඝාතයී දුට්ඨමානසො.
6040. තතො චුතොහං තුසිතෙ අනුභොත්වා මහාසුඛං,
මනුස්සයොනිමාගච්ඡිං තස්ස කම්මස්ස වාහසා.
මනුස්සයොනිමාගච්ඡිං තස්ස කම්මස්ස වාහසා.
6041. ඉමම්හි භද්දකෙ කප්පෙ බ්රහ්මබන්ධු මහායසො,
කස්සපො නාම ගොත්තෙන උප්පජ්ජි වදතංවරො.
කස්සපො නාම ගොත්තෙන උප්පජ්ජි වදතංවරො.
6042. සාසනං ජොතයිත්වා සො අභිභුය්ය කුතිත්ථියෙ,
විනයිත්වාන වෙනෙය්යෙ නිබ්බුතො සො සසාවකො.
විනයිත්වාන වෙනෙය්යෙ නිබ්බුතො සො සසාවකො.
6043. නිබ්බුතෙ තම්හි ලොකග්ගෙ පසන්නා ජනතා බහු,
පූජනත්ථාය බුද්ධස්ස ථූපා කුබ්බන්ති සත්ථුනො.
පූජනත්ථාය බුද්ධස්ස ථූපා කුබ්බන්ති සත්ථුනො.
6044. සත්තයොජනිකං ථූපං සත්තරතනභූසිතං,
කරිස්සාම මහෙසිස්ස ඉච්චෙවං මන්තයන්ති තෙ.
කරිස්සාම මහෙසිස්ස ඉච්චෙවං මන්තයන්ති තෙ.
6045. කිකිනො කාසිරාජස්ස තදා සෙනාය නායකො,
හුත්වාහං අප්පමාණස්ස පමාණං චෙතියෙ වදිං.
හුත්වාහං අප්පමාණස්ස පමාණං චෙතියෙ වදිං.
6046. තදා තෙ මම වාක්යෙන චෙතියං යොජනුග්ගතං,
අකංසු නරවීරස්ස නානාරතනභූසිතං.
අකංසු නරවීරස්ස නානාරතනභූසිතං.
6047. තෙන කම්මෙන කතෙන චෙතනාපණිධීහි ච,
ජහිත්වා මානුසං දෙහං තාවතිංසමගච්ඡහං.
ජහිත්වා මානුසං දෙහං තාවතිංසමගච්ඡහං.