533. මහාකප්පිනත්ථෙරාපදානං
5727. පදුමුත්තරො නාම ජිනො සබ්බධම්මානපාරගූ,
උදිතො ජගදාකාසෙ රවීව සරදම්බරෙ.
උදිතො ජගදාකාසෙ රවීව සරදම්බරෙ.
5728. වචනාභාය බොධෙති වෙනෙය්යපදුමානි සො,
කිලෙසපඞ්කං සොසෙති මතිරංසීහි නායකො.
කිලෙසපඞ්කං සොසෙති මතිරංසීහි නායකො.
5729. තිත්ථියානං යසො හන්ති ඛජ්ජොතාභා යථා රවි,
සච්චත්ථාභං පකාසෙති රතනංව දිවාකරො.
සච්චත්ථාභං පකාසෙති රතනංව දිවාකරො.
5730. ගුණානං ආයතිභූතො රතනානංව සාගරො,
පජ්ජුන්නොරිව භූතානි ධම්මමෙඝෙන වස්සති.
පජ්ජුන්නොරිව භූතානි ධම්මමෙඝෙන වස්සති.
5731. අක්ඛදස්සො තදා ආසිං නගරෙ හංසසව්හයෙ,
උපෙච්ච ධම්මමස්සොසිං ජලජුත්තරනාමිනො.
උපෙච්ච ධම්මමස්සොසිං ජලජුත්තරනාමිනො.
5732. ඔවාදකස්ස භික්ඛූනං සාවකස්ස කතාවිනො,
ගුණං පකාසයන්තස්ස තොසයන්තස්ස මෙ මනං.
ගුණං පකාසයන්තස්ස තොසයන්තස්ස මෙ මනං.
5733. සුත්වා පතීතො සුමනො නිමන්තෙත්වා තථාගතං,
සසිස්සං භොජයිත්වාන තං ඨානම්හිපත්ථයිං.
සසිස්සං භොජයිත්වාන තං ඨානම්හිපත්ථයිං.
5734. තදාභාසි මහාභාගො හංසදුන්දුභිසුස්සරො,
පස්සථෙතං මහාමත්තං විනිච්ඡයවිසාරදං.
පස්සථෙතං මහාමත්තං විනිච්ඡයවිසාරදං.
5735. මංපාදමූලෙ පතිතං සමුග්ගතතනූරුහං,
ජීමූතවණ්ණං පීණංසං පසන්නනයනානනං.
ජීමූතවණ්ණං පීණංසං පසන්නනයනානනං.
5736. පරිවාරෙන මහතා රඤ්ජයං තං මහායසං,
එසො කතාවිනො ඨානං පත්ථෙති මුදිතාසයො.
එසො කතාවිනො ඨානං පත්ථෙති මුදිතාසයො.
5737. ඉමිනා පිණ්ඩපාතෙන චෙතනාපණිධීහි ච,
කප්පසතසහස්සානි නූපපජ්ජති දුග්ගතිං.
කප්පසතසහස්සානි නූපපජ්ජති දුග්ගතිං.
5738. දෙවෙසු දෙවසොභග්ගං මනුස්සෙසු මහන්තතං,
අනුභොත්වාවසෙසෙන නිබ්බානං පාපුණිස්සති.
අනුභොත්වාවසෙසෙන නිබ්බානං පාපුණිස්සති.
5739. සතසහස්සෙ ඉතො කප්පෙ ඔක්කාකකුලසම්භවො.
ගොතමො නාම ගොත්තෙන සත්ථා ලොකෙ භවිස්සති.
ගොතමො නාම ගොත්තෙන සත්ථා ලොකෙ භවිස්සති.
5740. තස්ස ධම්මෙසු දායාදො ඔරසො ධම්මනිම්මිතො,
කප්පිනො නාම නාමෙන හෙස්සති සත්ථුසාවකො.
කප්පිනො නාම නාමෙන හෙස්සති සත්ථුසාවකො.
5741. තතොහං සුකතං කාරං කත්වාන ජිනසාසනෙ,
ජහිත්වා මානුසං දෙහං තුසිතං අගමාසහං.
ජහිත්වා මානුසං දෙහං තුසිතං අගමාසහං.
5742. දෙවමානුසරජ්ජානි සතසො අනුසාසිය,
බාරාණසීසමාසන්නෙ ජාතො කෙනියජාතියං.
බාරාණසීසමාසන්නෙ ජාතො කෙනියජාතියං.
5743. සහස්සපරිවාරෙන සපජාපතිකො අහං,
පඤ්ච පච්චෙකබුද්ධානං සතානි සමුපට්ඨහිං.
පඤ්ච පච්චෙකබුද්ධානං සතානි සමුපට්ඨහිං.
5744. තෙමාසං භොජයිත්වාන පච්ඡා’දම්හ තිචීවරං,
තතො චුතා මයං සබ්බෙ අහුම්හ තිදසූපගා.
තතො චුතා මයං සබ්බෙ අහුම්හ තිදසූපගා.
5745. පුනො සබ්බෙ මනුස්සත්තං ආගමිම්හ තතො චුතා,
කුක්කුටම්හි පුරෙ ජාතා හිමවන්තස්ස පස්සතො.
කුක්කුටම්හි පුරෙ ජාතා හිමවන්තස්ස පස්සතො.
5746. කප්පිනො නාමහං ආසිං රාජපුත්තො මහායසො,
සෙසාමච්චකුලෙ ජාතා මමෙව පරිවාරයුං.
සෙසාමච්චකුලෙ ජාතා මමෙව පරිවාරයුං.
5747. මහාරජ්ජසුඛං පත්තො සබ්බකාමසමිද්ධිමා,
වාණිජෙහි සමක්ඛාතං බුද්ධප්පාදමහං සුණිං.
වාණිජෙහි සමක්ඛාතං බුද්ධප්පාදමහං සුණිං.
5748. “බුද්ධො ලොකෙ සමුප්පන්නො අසමො එකපුග්ගලො,
සො පකාසෙති සද්ධම්මං අමතං සුඛමුත්තමං.
සො පකාසෙති සද්ධම්මං අමතං සුඛමුත්තමං.
5749. සුයුත්තා තස්ස සිස්සා ච සුමුත්තා ච අනාසවා,”
සුත්වා තෙසං සුවචනං සක්කරිත්වාන වාණිජෙ.
සුත්වා තෙසං සුවචනං සක්කරිත්වාන වාණිජෙ.
5750. පහාය රජ්ජං සාමච්චො නික්ඛමිං බුද්ධමාමකො,
නදිං දිස්වා මහාචන්දා පූරිතං සමතිත්තිකං.
නදිං දිස්වා මහාචන්දා පූරිතං සමතිත්තිකං.
5751. අප්පතිට්ඨං අනාලම්බං දුත්තරං සීඝවාහිනිං,
ගුණං සරිත්වා බුද්ධස්ස සොත්ථිනා සමතික්කමිං.
ගුණං සරිත්වා බුද්ධස්ස සොත්ථිනා සමතික්කමිං.
5752. භවසොතං සචෙ බුද්ධො තිණ්ණො ලොකන්තගූ විදූ,
එතෙන සච්චවජ්ජෙන ගමනං මෙ සමිජ්ඣතු.
එතෙන සච්චවජ්ජෙන ගමනං මෙ සමිජ්ඣතු.