469. සයම්පටිභාණියත්ථෙරාපදානං
4908. කකුධං විලසන්තංව දෙවදෙවං නරාසභං,
රථියං පටිපජ්ජන්තං කො දිස්වා නප්පසීදති.
රථියං පටිපජ්ජන්තං කො දිස්වා නප්පසීදති.
4909. තමන්ධකාරං නාසෙත්වා සන්තාරෙත්වා බහුං ජනං,
ඤාණාලොකෙන ජොතන්තං කො දිස්වා නප්පසීදති.
ඤාණාලොකෙන ජොතන්තං කො දිස්වා නප්පසීදති.
4910. වසීසතසහස්සෙහි නිය්යන්තං ලොකනායකං,
උද්ධරන්තං බහූ සත්තෙ කො දිස්වා නප්පසීදති.
උද්ධරන්තං බහූ සත්තෙ කො දිස්වා නප්පසීදති.
4911. ආහනන්තං ධම්මභෙරිං මද්දන්තං තිත්ථියෙ ගණෙ,
සීහනාදං විනදන්තං කො දිස්වා නප්පසීදති.
සීහනාදං විනදන්තං කො දිස්වා නප්පසීදති.
4912. යාවතා බ්රහ්මලොකතො ආගන්ත්වාන සබ්රහ්මකා,
පුච්ඡන්ති නිපුණෙ පඤ්හෙ කො දිස්වා නප්පසීදති.
පුච්ඡන්ති නිපුණෙ පඤ්හෙ කො දිස්වා නප්පසීදති.
4913. යස්සඤ්ජලිං කරිත්වාන ආයාචන්ති සදෙවකා,
තෙන පුඤ්ඤං අනුභොන්ති කො දිස්වා නප්පසීදති.
තෙන පුඤ්ඤං අනුභොන්ති කො දිස්වා නප්පසීදති.
4914. සබ්බෙ ජනා සමාගම්ම සම්පවාරෙන්ති චක්ඛුමං,
න විකම්පති අජ්ඣිට්ඨො කො දිස්වා නප්පසීදති.
න විකම්පති අජ්ඣිට්ඨො කො දිස්වා නප්පසීදති.
4915. නගරං පවිසතො යස්ස රවන්ති භෙරියො බහූ,
විනදන්ති ගජා මත්තා කො දිස්වා නප්පසීදති.
විනදන්ති ගජා මත්තා කො දිස්වා නප්පසීදති.
4916. රථියා ගච්ඡතො යස්ස සබ්බාභා ජොතතෙ සදා,
අබ්භුන්නතා සමා හොන්ති කො දිස්වා නප්පසීදති.
අබ්භුන්නතා සමා හොන්ති කො දිස්වා නප්පසීදති.
4917. ව්යාහරන්තස්ස බුද්ධස්ස චක්කවාළම්හි සූයති,
සබ්බෙ සත්තෙ විඤ්ඤාපෙති කො දිස්වා නප්පසීදති.
සබ්බෙ සත්තෙ විඤ්ඤාපෙති කො දිස්වා නප්පසීදති.
4918. සතසහස්සෙ ඉතො කප්පෙ යං බුද්ධමභිකිත්තයිං,
දුග්ගතිං නාභිජානාමි කිත්තනාය ඉදං ඵලං.
දුග්ගතිං නාභිජානාමි කිත්තනාය ඉදං ඵලං.
4919. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
4920. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
4921. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සයම්පටිභාණියො ථෙරො ඉමා ගාථායො අභාසිත්ථාති.
සයම්පටිභාණියත්ථෙරස්ස අපදානං නවමං.
470. නිමිත්තව්යාකරණියත්ථෙරාපදානං
4922. අජ්ඣොගහෙත්වා හිමවං මන්තෙ වාචෙමහං තදා,
චතුපඤ්ඤාසසහස්සානි සිස්සා මය්හං උපට්ඨහුං.
චතුපඤ්ඤාසසහස්සානි සිස්සා මය්හං උපට්ඨහුං.
4923. අධීතා වෙදගූ සබ්බෙ ඡළඞ්ගෙ පාරමිඞ්ගතා,
සකවිජ්ජාහුපත්ථද්ධා හිමවන්තෙ වසන්ති තෙ.
සකවිජ්ජාහුපත්ථද්ධා හිමවන්තෙ වසන්ති තෙ.
4924. චවිත්වා තුසිතා කායා දෙවපුත්තො මහායසො,
උප්පජ්ජි මාතුකුච්ඡිස්මිං සම්පජානො පතිස්සතො.
උප්පජ්ජි මාතුකුච්ඡිස්මිං සම්පජානො පතිස්සතො.
4925. සම්බුද්ධෙ උපපජ්ජන්තෙ දසසහස්සී පකම්පථ,
අන්ධා චක්ඛුං අලභිංසු උප්පජ්ජන්තම්හි නායකෙ.
අන්ධා චක්ඛුං අලභිංසු උප්පජ්ජන්තම්හි නායකෙ.
4926. සබ්බාකාරං පකම්පිත්ථ කෙවලා වසුධා අයං,
නිග්ඝොසසද්දං සුත්වාන උබ්බිජ්ජිංසු මහාජනා.
නිග්ඝොසසද්දං සුත්වාන උබ්බිජ්ජිංසු මහාජනා.
4927. සබ්බෙ ජනා සමාගම්ම ආගච්ඡුං මම සන්තිකං,
වසුධා’යං පකම්පිත්ථ කිංවිපාකො භවිස්සති.
වසුධා’යං පකම්පිත්ථ කිංවිපාකො භවිස්සති.
4928. අවවාසිං තදා තෙසං ‘මා භෙථ නත්ථි වො භයං,
විස්සත්ථා හොථ සබ්බෙපි උප්පාදොයං සුවත්ථිකො.
විස්සත්ථා හොථ සබ්බෙපි උප්පාදොයං සුවත්ථිකො.
4929. අට්ඨහෙතූහි සම්ඵුස්ස වසුධායං පකම්පති,
තථා නිමිත්තා දිස්සන්ති ඔභාසො විපුලො මහා.
තථා නිමිත්තා දිස්සන්ති ඔභාසො විපුලො මහා.
4930. අසංසයං බුද්ධසෙට්ඨො උප්පජ්ජිස්සති චක්ඛුමා,
සඤ්ඤාපෙත්වාන ජනතං පඤ්චසීලෙ කථෙසහං.
සඤ්ඤාපෙත්වාන ජනතං පඤ්චසීලෙ කථෙසහං.
4931. සුත්වාන පඤ්චසීලානි බුද්ධප්පාදඤ්ච දුල්ලභං,
උබ්බෙගජාතා සුමනා තුට්ඨහට්ඨා අහංසු තෙ.
උබ්බෙගජාතා සුමනා තුට්ඨහට්ඨා අහංසු තෙ.