418. යාගුදායකත්ථෙරාපදානං
4416. අතිථිං මෙ ගහෙත්වාන අගච්ඡිං ගාමකං තදා,
සම්පුණ්ණනදිකං දිස්වා සඞ්ඝාරාම මුපාගමිං.
සම්පුණ්ණනදිකං දිස්වා සඞ්ඝාරාම මුපාගමිං.
4417. ආරඤ්ඤකා ධුතධරා ඣායිනො ලූඛචීවරා,
විවෙකාභිරතා ධීරා සඞ්ඝරාමෙ වසන්ති තෙ.
විවෙකාභිරතා ධීරා සඞ්ඝරාමෙ වසන්ති තෙ.
4418. ගතී තෙසං උපච්ඡින්නා සුවිමුත්තාන තාදිනං,
පිණ්ඩාය තෙ න ගච්ඡන්ති ඔරුද්ධනදිතාය හි.
පිණ්ඩාය තෙ න ගච්ඡන්ති ඔරුද්ධනදිතාය හි.
4419. පසන්නචිත්තො සුමනො වෙදජාතො කතඤ්ජලී,
තණ්ඩුලං මෙ ගහෙත්වාන යාගුදානමදාසහං.
තණ්ඩුලං මෙ ගහෙත්වාන යාගුදානමදාසහං.
4420. පඤ්චන්නං යාගුං දත්වාන පසන්නො සෙහි පාණිහි,
සකකම්මාභිරද්ධො’හං තාවතිසංසමගච්ඡහං.
සකකම්මාභිරද්ධො’හං තාවතිසංසමගච්ඡහං.
4421. මණිමයඤ්ච මෙ ව්යම්හං නිබ්බත්ති තිදසෙ ගණෙ,
නාරීගණෙහි සහිතො මොදාමි ව්යම්හමුත්තමෙ.
නාරීගණෙහි සහිතො මොදාමි ව්යම්හමුත්තමෙ.
4422. තෙත්තිංසක්ඛත්තුං දෙවින්දො දෙවරජ්ජමකාරයිං,
තිංසක්ඛත්තුං චක්කවත්තීමහාරජ්ජමකාරයිං.
තිංසක්ඛත්තුං චක්කවත්තීමහාරජ්ජමකාරයිං.
4423. පදෙසරජ්ජං විපුලං ගණනාතො අසංඛියං,
දෙවලොකෙ මනුස්සෙ වා අනුභොත්වා යසං අහං.
දෙවලොකෙ මනුස්සෙ වා අනුභොත්වා යසං අහං.
4424. පච්ඡිමභවෙ සම්පත්තෙ පබ්බජිං අනගාරියං,
සහ ඔරොපිතෙ කෙසෙ සබ්බං සම්පටිවිජ්ඣහං.
සහ ඔරොපිතෙ කෙසෙ සබ්බං සම්පටිවිජ්ඣහං.
4425. ඛයතො වයතො වා පි සම්මසන්තො කලෙබරං,
පුරෙ සික්ඛාපදා දානා අරහත්ත මපාපුණිං.
පුරෙ සික්ඛාපදා දානා අරහත්ත මපාපුණිං.
4426. සුදින්නං මෙ දානවරං වාණිජ්ජං සුප්පයොජිතං,
තෙනෙව යාගුදානෙන පත්තො’ම්හි අචලං පදං.
තෙනෙව යාගුදානෙන පත්තො’ම්හි අචලං පදං.
4427. සොකං පරිද්දවං ව්යාධිං දරථං චිත්තතාපනං,
නාභිජානාමි උප්පන්නං යාගුදානස්සිදං ඵලං.
නාභිජානාමි උප්පන්නං යාගුදානස්සිදං ඵලං.
4428. යාගුං සඞ්ඝස්ස දත්වාන පුඤ්ඤක්ඛෙත්තෙ අනුත්තරෙ,
පඤ්චානිසංසෙ අනුභොමි අහො යාගු සුයිට්ඨතා.
පඤ්චානිසංසෙ අනුභොමි අහො යාගු සුයිට්ඨතා.
4429. අව්යාධිතා රූපවතා ඛිප්පං ධම්මනිසන්තිතා,
ලාභිතා අන්නපානස්ස ආයු පඤ්චමකං මම.
ලාභිතා අන්නපානස්ස ආයු පඤ්චමකං මම.
4430. යො කොචි වෙදං ජනයං සඞ්ඝෙ යාගුං දදෙය්ය සො,
ඉමානි පඤ්චඨානානි පතිගණ්හෙය්ය පණ්ඩිතො.
ඉමානි පඤ්චඨානානි පතිගණ්හෙය්ය පණ්ඩිතො.
4431. තිංස කප්පසහස්සම්හි යං දානමදදිං තදා,
දුග්ගතිං නාභිජානාමි යාගුදානස්සිදං ඵලං.
දුග්ගතිං නාභිජානාමි යාගුදානස්සිදං ඵලං.
4432. කිලෙසා ඣාපිතා මය්හං භවා සබ්බෙ සමූහතා,
නාගො ච බන්ධනං ඡෙත්වා විහරාමි අනාසවො.
නාගො ච බන්ධනං ඡෙත්වා විහරාමි අනාසවො.
4433. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
4434. පටිසම්භිදා චතස්සො විමොක්ඛා පි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා යාගුදායකො ථෙරො ඉමා ගාථායො අභාසිත්ථාති.
යාගුදායකත්ථෙරස්ස අපදානං අට්ඨමං.
419. පත්ථොදනදායකත්ථෙපාපදානං
4435. වනචාරී පුරෙ ආසිං සතතං වනකම්මිකො,
පත්ථොදනං ගහෙත්වාන කම්මන්තං ආගමාසහං.
පත්ථොදනං ගහෙත්වාන කම්මන්තං ආගමාසහං.
4436. තත්ථද්දසාසිං සම්බුද්ධං සයම්භූං අපරාජිතං,
වනා පිණ්ඩාය නික්ඛන්තං දිස්වා චිත්තං පසාදයිං.
වනා පිණ්ඩාය නික්ඛන්තං දිස්වා චිත්තං පසාදයිං.
4437. පරකම්මායනෙ යුත්තො පුඤ්ඤඤ්ච මෙ න විජ්ජති,
අයං පත්ථොදනො අත්ථි භොජයිස්සාමිමං මුනිං.
අයං පත්ථොදනො අත්ථි භොජයිස්සාමිමං මුනිං.
4438. පත්ථොදනං ගහෙත්වාන සයම්භුස්ස අදාසහං,
මම නිජ්ඣායමානස්ස පරිභුඤ්ජි තදා මුනි.
මම නිජ්ඣායමානස්ස පරිභුඤ්ජි තදා මුනි.
4439. තෙන කම්මෙන සුකතෙන චෙතනාපණිධීහි ච,
ජහිත්වා මානුසං දෙහං තාවතිංසං අගච්ඡහං.
ජහිත්වා මානුසං දෙහං තාවතිංසං අගච්ඡහං.
4440. ඡත්තිංසක්ඛත්තුං දෙවින්දො දෙවෙරජ්ජමකාරයිං,
තෙත්තිංසක්ඛත්තුං රාජා ච චක්කවත්තී අහොසහං.
තෙත්තිංසක්ඛත්තුං රාජා ච චක්කවත්තී අහොසහං.
4441. පදෙසරජ්ජං විපුලං ගණනාතො අසඞ්ඛියං,
සුඛිතො යසවා හොමි පත්ථොදනස්සිදං ඵලං.
සුඛිතො යසවා හොමි පත්ථොදනස්සිදං ඵලං.
4442. භවාභවෙ සංසරන්තො ලභාමි අමිතං ධනං,
භොගෙ මෙ ඌනතා නත්ථි පත්ථොදනස්සිදං ඵලං.
භොගෙ මෙ ඌනතා නත්ථි පත්ථොදනස්සිදං ඵලං.