416. එකදීපියත්ථෙරාපදානං
4391. පරිනිබ්බුතම්හි සුගතෙ සිද්ධත්ථෙ ලොකනායකෙ,
සදෙවමානුසා සබ්බෙ පූජෙන්ති දිපදුත්තමං.
සදෙවමානුසා සබ්බෙ පූජෙන්ති දිපදුත්තමං.
4392. ආරොපිතෙ ච චිතකෙ සිද්ධත්ථෙ ලොකනායකෙ,
යථාසකෙන ථාමෙන චිතං පූජෙන්ති සත්ථුනො.
යථාසකෙන ථාමෙන චිතං පූජෙන්ති සත්ථුනො.
4393. අවිදූරෙ චිතකස්ස දීපමුජ්ජාලයිං අහං,
යාව උදෙති සුරියො දීපං මෙ තාව උජ්ජලි.
යාව උදෙති සුරියො දීපං මෙ තාව උජ්ජලි.
4394. තෙන කම්මෙන සුකතෙන චෙතනාපණිධීහි ච,
ජහිත්වා මානුසං දෙහං තාවතිංසමගච්ඡහං.
ජහිත්වා මානුසං දෙහං තාවතිංසමගච්ඡහං.
4395. තත්ථ මෙ සුකතං ව්යම්හං එකදීපිති ඤායති,
දීපසතසහස්සානි ව්යම්හෙ පජ්ජලරෙ මම.
දීපසතසහස්සානි ව්යම්හෙ පජ්ජලරෙ මම.
4396. උදයන්තොව සුරියො දෙහො මෙ ජොතතෙ සදා,
සබ්බභාහි සරීරස්ස ආලොකො හොති මෙ සදා.
සබ්බභාහි සරීරස්ස ආලොකො හොති මෙ සදා.
4397. තිරොකුඩ්ඩං තිරොසෙලං සසමතිග්ගය්හං පබ්බතං,
සමන්තා යොජනසතං පස්සාමි චක්ඛුනා අහං.
සමන්තා යොජනසතං පස්සාමි චක්ඛුනා අහං.
4398. සත්තසත්තතික්ඛත්තුඤ්ච දෙවලොකෙ රමිං අහං,
එකතිංසතික්ඛත්තුඤ්ච දෙවරජ්ජමකාරයිං.
එකතිංසතික්ඛත්තුඤ්ච දෙවරජ්ජමකාරයිං.
4399. අට්ඨිවීසතික්ඛත්තුඤ්ච චක්කවත්තී අහොසහං,
පදෙසරජ්ජං විපුලං ගණනාතො අසංඛියං.
පදෙසරජ්ජං විපුලං ගණනාතො අසංඛියං.
4400. දෙවලොකා චවිත්වාන නිබ්බත්තිං මාතුකුච්ඡියං,
මාතුකුච්ඡිගතස්සාපි අක්ඛි මෙ න නිමීලති.
මාතුකුච්ඡිගතස්සාපි අක්ඛි මෙ න නිමීලති.
4401. ජාතියා චතුවස්සොහං පබ්බජිං අනගාරියං,
අඩ්ඪමාසෙ අසම්පත්තෙ අරහත්තමපාපුණිං.
අඩ්ඪමාසෙ අසම්පත්තෙ අරහත්තමපාපුණිං.
4402. දිබ්බචක්ඛුං විසොධෙසිං භවා සබ්බෙ සමූහතා,
සබ්බෙ කිලෙසා සඤ්ඡින්නා එකදීපස්සිදං ඵලං.
සබ්බෙ කිලෙසා සඤ්ඡින්නා එකදීපස්සිදං ඵලං.
4403. තිරොකුඩ්ඩං තිරොසෙලං පබ්බතඤ්චාපි කෙවලං,
සමතික්කම්ම පස්සාමි එකදීපස්සිදං ඵලං.
සමතික්කම්ම පස්සාමි එකදීපස්සිදං ඵලං.
4404. විසමා මෙ සමා හොන්ති අන්ධකාරො න විප්පති,
නාහං පස්සාමි තිමිරං එකදීපස්සිදං ඵලං.
නාහං පස්සාමි තිමිරං එකදීපස්සිදං ඵලං.
4405. චතුනවුතෙ ඉතො කප්පෙ යං දීපමදදිං තදා,
දුග්ගතිං නාභිජානාමි දීපදානස්සිදං ඵලං.
දුග්ගතිං නාභිජානාමි දීපදානස්සිදං ඵලං.
4406. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
4407. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
4408. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා එකදීපියො ථෙරො ඉමා ගාථායො අභාසිත්ථාති.
එකදීපියත්ථෙරස්ස අපදානං ඡට්ඨං.
417. උච්ඡඞ්ගපුප්ඵියත්ථෙරාපදානං
4409. නගරෙ බන්ධුමතියා අහොසිං මාලිකො තදා,
උච්ඡඞ්ගං පූරයිත්වාන අගමං අන්තරාපණං.
උච්ඡඞ්ගං පූරයිත්වාන අගමං අන්තරාපණං.
4410. භගවා තම්හි සමයෙ භික්ඛුසඞ්ඝපුරක්ඛතො,
මහතා අනුභාවෙන නිය්යාති ලොකනායකො.
මහතා අනුභාවෙන නිය්යාති ලොකනායකො.
4411. දිස්වාන ලොකපජ්ජොතං විපස්සිං ලොකතාරණං,
පුප්ඵං පග්ගය්හ උච්ඡඞ්ගා බුද්ධසෙට්ඨං අපූජයිං.
පුප්ඵං පග්ගය්හ උච්ඡඞ්ගා බුද්ධසෙට්ඨං අපූජයිං.
4412. එකනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
4413. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
4414. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
4415. පටිසම්භිදා චතස්සො විමොක්ඛො පි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා උච්ඡඞ්ගපුප්ඵියො ථෙරො ඉමා ගාථායො අභාසිත්ථාති.
උච්ඡඞ්ගපුප්ඵියත්ථෙරස්ස අපදානං සත්තමං