406. නන්දකත්ථෙරාපදානං
4050. මිගලුද්දො පුරෙ ආසිං අරඤ්ඤෙ කානනෙ අහං,
පසදං මිගමෙසන්තො සයම්භුං අද්දසං ජිනං.
පසදං මිගමෙසන්තො සයම්භුං අද්දසං ජිනං.
4051. අනුරුද්ධො නාම සම්බුද්ධො සයම්භූ අපරාජිතො,
විවෙකකාමො සො ධීරො වනමජ්ඣොගහී තදා.
විවෙකකාමො සො ධීරො වනමජ්ඣොගහී තදා.
4052. චතුදණ්ඩෙ ගහෙත්වාන චතුට්ඨානෙ ඨපෙසහං,
මණ්ඩපං සුකතං කත්වා පදුමපුප්ඵෙහි ඡාදයිං.
මණ්ඩපං සුකතං කත්වා පදුමපුප්ඵෙහි ඡාදයිං.
4053. මණ්ඩපං ඡාදයිත්වාන සයම්භූං අභිවාදයිං,
ධනුං තත්ථෙව නික්ඛිප්ප පබ්බජිං අනගාරියං.
ධනුං තත්ථෙව නික්ඛිප්ප පබ්බජිං අනගාරියං.
4054. පබ්බජිතස්ස අචිරං ව්යාධි මෙ උපපජ්ජථ,
පුබ්බකම්මං සරිත්වාන තත්ථ කාලකතො අහං.
පුබ්බකම්මං සරිත්වාන තත්ථ කාලකතො අහං.
4055. පුබ්බකම්මෙන සංයුත්තො තුසිතං අගමාසහං,
තත්ථ සොණ්ණමයං ව්යම්හං නිබ්බත්තති යදිච්ඡකං.
තත්ථ සොණ්ණමයං ව්යම්හං නිබ්බත්තති යදිච්ඡකං.
4056. සහස්සයුත්තහවාහිං දිබ්බයානමධිට්ඨිතො,
ආරුහිත්වාන තං යානං ගච්ඡාමහං යදිච්ඡකං.
ආරුහිත්වාන තං යානං ගච්ඡාමහං යදිච්ඡකං.
4057. තතො මෙ නීයමානස්ස දෙවභූතස්ස මෙ සතො,
සමන්තා යොජනසතං මණ්ඩපො මෙ ධරීයතී.
සමන්තා යොජනසතං මණ්ඩපො මෙ ධරීයතී.
4058. සයනෙ’හං තුවට්ටාමි අච්චන්තං පුප්ඵසන්ථතෙ,
අන්තළික්ඛා ච පදුමා වස්සන්ති නිච්චකාලිකං.
අන්තළික්ඛා ච පදුමා වස්සන්ති නිච්චකාලිකං.
4059. මරීචිකෙ ඵන්දමානෙ තප්පමානෙ ච ආතපෙ,
න මං තාපෙති ආතාපො මණ්ඩපස්ස ඉදං ඵලං.
න මං තාපෙති ආතාපො මණ්ඩපස්ස ඉදං ඵලං.
4060. දුග්ගතිං සමතික්කන්තො අපායා පිහිතා මම,
මණ්ඩපෙ රුක්ඛමූලෙ වා සන්තාපො මෙ න විජ්ජති.
මණ්ඩපෙ රුක්ඛමූලෙ වා සන්තාපො මෙ න විජ්ජති.
4061. මහීසඤ්ඤං අධිට්ඨාය ලොණතොයං තරාමහං,
තස්ස මෙ සුකතං කම්මං බුද්ධපූජායිදං ඵලං.
තස්ස මෙ සුකතං කම්මං බුද්ධපූජායිදං ඵලං.
4062. අපථම්පි පථං කත්වා ගච්ඡාමි අනිලඤ්ජසෙ,
අහො මෙ සුකතං කම්මං බුද්ධපූජායිදං ඵලං.
අහො මෙ සුකතං කම්මං බුද්ධපූජායිදං ඵලං.
4063. පුබ්බෙනිවාසං ජානාමි දිබ්බචක්ඛු විසොධිතං,
ආසවා මෙ පරික්ඛීණා බුද්ධපූජායිදං ඵලං.
ආසවා මෙ පරික්ඛීණා බුද්ධපූජායිදං ඵලං.
4064. ජහිතා පුරිමා ජාතී බුද්ධස්ස ඔරසො අහං,
දායාදො’ම්හි ච සද්ධම්මෙ බුද්ධපූජායිදං ඵලං.
දායාදො’ම්හි ච සද්ධම්මෙ බුද්ධපූජායිදං ඵලං.
4065. ආරාධිතො’ම්හි සුගතං ගොතමං සක්යපුඞ්ගවං,
ධම්මද්ධජො ධම්මදායාදො බුද්ධපූජායිදං ඵලං.
ධම්මද්ධජො ධම්මදායාදො බුද්ධපූජායිදං ඵලං.
4066. උපට්ඨිත්වාන සම්බුද්ධං ගොතමං සක්යපුඞ්ගවං,
පාරඞ්ගමනියං මග්ගං අපුච්ඡිං ලොකනායකං.
පාරඞ්ගමනියං මග්ගං අපුච්ඡිං ලොකනායකං.
4067. අජ්ඣිට්ඨො කථයී බුද්ධො ගම්භීරං නිපුණං පදං,
තස්සාහං ධම්මං සුත්වාන පත්තොම්හි ආසවක්ඛයං.
තස්සාහං ධම්මං සුත්වාන පත්තොම්හි ආසවක්ඛයං.
4068. අහො මෙ සුකතං කම්මං පරිමුත්තොම්හි ජාතියා,
සබ්බාසවපරික්ඛීණො නත්ථිදානි පුනබ්භවො.
සබ්බාසවපරික්ඛීණො නත්ථිදානි පුනබ්භවො.
4069. කිලෙසා ඣාපිතා මය්හං භවා සබ්බෙ සමූහතා,
නාගො’ව බන්ධනං ඡෙත්වා විහරාමි අනාසවො.
නාගො’ව බන්ධනං ඡෙත්වා විහරාමි අනාසවො.
4070. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
4071. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා නන්දකො ථෙරො ඉමා ගාථායො අභාසිත්ථාති.
නන්දකත්ථෙරස්ස අපදානං ඡට්ඨං.
407. හෙමකත්ථෙරාපදානං
4072. පබ්භාරකූටං නිස්සාය අනොමො නාම තාපසො,
අස්සමං සුකතං කත්වා පණ්ණසාලෙ වසී තදා.
අස්සමං සුකතං කත්වා පණ්ණසාලෙ වසී තදා.
4073. සිද්ධං තස්ස තපොකම්මං සිද්ධිපත්තො සකෙ බලෙ,
සකසාමඤ්ඤවික්කන්තො ආතාපී නිපකො මුනි.
සකසාමඤ්ඤවික්කන්තො ආතාපී නිපකො මුනි.
4074. විසාරදො සසමයෙ පරවාදෙ ච කොවිදො,
පට්ඨො භූමන්තලික්ඛම්හි උප්පාතම්හි ච කොවිදො.
පට්ඨො භූමන්තලික්ඛම්හි උප්පාතම්හි ච කොවිදො.
4075. වීතසොකො නිරාරම්භො අප්පාහාරො අලොලුපො,
ලාභාලාභෙන සන්තුට්ඨො ඣායී ඣානරතො මුනි.
ලාභාලාභෙන සන්තුට්ඨො ඣායී ඣානරතො මුනි.
4076. පියදස්සී නාම සම්බුද්ධො අග්ගො කාරුණිකො මුනි,
සත්තෙ තාරෙතුකාමො සො කරුණාය ඵරී තදා.
සත්තෙ තාරෙතුකාමො සො කරුණාය ඵරී තදා.
4077. බොධනෙය්යං ජනං දිස්වා පියදස්සී මහාමුනි,
චක්කවාළසහස්සම්පි ගන්ත්වා ඔවදතෙ මුනි.
චක්කවාළසහස්සම්පි ගන්ත්වා ඔවදතෙ මුනි.
4078. මමුද්ධරිතුකාමො සො මමස්සමමුපාගමි,
න දිට්ඨො මෙ ජිනො පුබ්බෙ න සුතො පි ච කස්ස චි.
න දිට්ඨො මෙ ජිනො පුබ්බෙ න සුතො පි ච කස්ස චි.