398. සලලමණ්ඩපියත්ථෙරාපදානං.
3821. නිබ්බුතෙ කකුසන්ධම්හි බ්රාහ්මණම්හි වුසීමති,
ගහෙත්වා සලලං මාලං මණ්ඩපං කාරයිං අහං.
ගහෙත්වා සලලං මාලං මණ්ඩපං කාරයිං අහං.
3822. තාවතිංසගතො සන්තො ලභාමි ව්යම්හමුත්තමං,
අඤ්ඤෙ දෙවෙ’තිරොචාමි පුඤ්ඤකම්මස්සිදං ඵලං.
අඤ්ඤෙ දෙවෙ’තිරොචාමි පුඤ්ඤකම්මස්සිදං ඵලං.
3823. දිවා වා යදි වා රත්තිං චඞ්කමන්තො ඨිතො ච’හං,
ඡන්නො සලලපුප්ඵෙහි පුඤ්ඤකම්මස්සිදං ඵලං.
ඡන්නො සලලපුප්ඵෙහි පුඤ්ඤකම්මස්සිදං ඵලං.
3824. ඉමස්මිං යෙව කප්පම්හි යං බුද්ධමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
3825. කිලෙසා ඣාපිතා මය්හං භවා සබ්බෙ සමූහතා,
සබ්බෙසවා පරික්ඛීණා විහරාමි අනාසවො.
සබ්බෙසවා පරික්ඛීණා විහරාමි අනාසවො.
3826. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
3827. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සලලමණ්ඩපියො ථෙරො ඉමා ගාථායො අභාසිත්ථාති.
සලලමණ්ඩපියත්ථෙරස්ස අපදානං අට්ඨමං.
399. සබ්බදායකත්ථෙරාපදානං.
3828. මහාසමුද්දං ඔගය්හ භවනං මෙ සුනිම්මිතං,
සුනිම්මිතා පොක්ඛරණී චක්කවාකූපකූජිතා.
සුනිම්මිතා පොක්ඛරණී චක්කවාකූපකූජිතා.
3829. මන්දාලකෙහි සඤ්ඡන්නා පදුමුප්පලකෙහි ච,
නදී ච සන්දතෙ තත්ථ සුපතිත්ථා මනොරමා.
නදී ච සන්දතෙ තත්ථ සුපතිත්ථා මනොරමා.
3830. මච්ඡකච්ඡපසඤ්ඡන්නා නානාදිජසමොත්ථතා,
මයූරකොඤ්චාභිරුදා කොකිලාදීහි වග්ගුහි.
මයූරකොඤ්චාභිරුදා කොකිලාදීහි වග්ගුහි.
3831. පාරෙවතා රවිහංසා චක්කවාකා නදීචරා,
දින්දිභා සාළිකා චෙත්ථ පම්පකා ජීවජීවකා.
දින්දිභා සාළිකා චෙත්ථ පම්පකා ජීවජීවකා.
3832. හංසා කොඤ්චාභිනදිතා කොසියා පිඞ්ගලා බහූ,
සත්තරතනසම්පන්නො මණිමුත්තිකවාලුකා.
සත්තරතනසම්පන්නො මණිමුත්තිකවාලුකා.
3833. සබ්බසොණ්ණමයා රුක්ඛා නානාගන්ධසමෙරිතා,
උජ්ජොතෙන්ති දිවාරත්තිං භවනං සබ්බකාලිකං.
උජ්ජොතෙන්ති දිවාරත්තිං භවනං සබ්බකාලිකං.
3834. සට්ඨිතුරියසහස්සානි සායං පාතො පවජ්ජරෙ,
සොළසිත්ථිසහස්සානි පරිවාරෙන්ති මං සදා.
සොළසිත්ථිසහස්සානි පරිවාරෙන්ති මං සදා.
3835. අභිනික්ඛම්ම භවනා සුමෙධං ලොකනායකං,
පසන්නචිත්තො සුමනො වන්දයිං තං මහායසං.
පසන්නචිත්තො සුමනො වන්දයිං තං මහායසං.
3836. සම්බුද්ධං අභිවාදෙත්වා සසඞ්ඝං තං නිමන්තයිං,
අධිවාසෙසි සො ධීරො සුමෙධො ලොකනායකො.
අධිවාසෙසි සො ධීරො සුමෙධො ලොකනායකො.
3837. මම ධම්මකථං කත්වා උය්යොජෙසි මහාමුනි,
සම්බුද්ධං අභිවාදෙත්වා භවනං මෙ උපාගමිං.
සම්බුද්ධං අභිවාදෙත්වා භවනං මෙ උපාගමිං.
3838. ආමන්තයිං පරිජනං සබ්බෙ සන්නිපතාථ වො,
පුබ්බන්හසමයං බුද්ධො භවනං ආගමිස්සති.
පුබ්බන්හසමයං බුද්ධො භවනං ආගමිස්සති.
3839. ලාභා අම්හං සුලද්ධං නො යෙ වසාම තවන්තිකෙ,
මයම්පි බුද්ධසෙට්ඨස්ස පූජං කස්සාම සත්ථුනො.
මයම්පි බුද්ධසෙට්ඨස්ස පූජං කස්සාම සත්ථුනො.
3840. අන්නං පානං පට්ඨපෙත්වා කාලමාරොචයිං අහං,
වසීසතසහස්සෙහි උපෙසි ලොකනායකො.
වසීසතසහස්සෙහි උපෙසි ලොකනායකො.
3841. පඤ්චඞ්ගිකෙහි තුරියෙහි පච්චුග්ගමනමකාසහං,
සබ්බසොවණ්ණමයෙ පීඨෙ නිසීදි පුරිසුත්තමො.
සබ්බසොවණ්ණමයෙ පීඨෙ නිසීදි පුරිසුත්තමො.
3842. උපරිච්ඡදනං ආසි සබ්බසොණ්ණමයං තදා,
වීජනියො පවායන්ති භික්ඛුසඞ්ඝස්ස අන්තරෙ.
වීජනියො පවායන්ති භික්ඛුසඞ්ඝස්ස අන්තරෙ.
3843. පහූතෙන’න්නපානෙන භික්ඛුසංඝමතප්පයිං,
පච්චෙකදුස්සයුගලෙ භික්ඛුසඞ්ඝස්ස’දාසහං.
පච්චෙකදුස්සයුගලෙ භික්ඛුසඞ්ඝස්ස’දාසහං.
3844. යං වදන්ති සුමෙධොති ලොකාහුතිපටිග්ගහං,
භික්ඛුසඞ්ඝෙ නිසීදිත්වා ඉමා ගාථා අභාසථ.
භික්ඛුසඞ්ඝෙ නිසීදිත්වා ඉමා ගාථා අභාසථ.
3845. “යො මං අන්නෙන පානෙන සබ්බෙ ඉමෙ ච තප්පයි,
තමහං කිත්තයිස්සාමි සුණාථ මම භාසතො.
තමහං කිත්තයිස්සාමි සුණාථ මම භාසතො.
3846. අට්ඨාරසෙ කප්පසතෙ දෙවලොකෙ රමිස්සති,
සහස්සක්ඛත්තුං රාජා ච චක්කවත්තී භවිස්සති.
සහස්සක්ඛත්තුං රාජා ච චක්කවත්තී භවිස්සති.
3847. උපගච්ඡති යං යොනිං දෙවත්තං අථ මානුසං,
සබ්බදා සබ්බසොවණ්ණං ඡදනං ධාරයිස්සති.
සබ්බදා සබ්බසොවණ්ණං ඡදනං ධාරයිස්සති.
3848. තිංසකප්පසහස්සම්හි ඔක්කාකකුලසම්භවො,
ගොතමො නාම නාමෙන සත්ථා ලොකෙ භවිස්සති.
ගොතමො නාම නාමෙන සත්ථා ලොකෙ භවිස්සති.