353. කිංසුකපූජකත්ථෙරාපදානං.
3150. කිංසුකං පුප්ඵිතං දිස්වා පග්ගහෙත්වාන අඤ්ජලිං,
බුද්ධං සරිත්වා සිද්ධත්ථං ආකාසෙ අභිපූජයිං.
බුද්ධං සරිත්වා සිද්ධත්ථං ආකාසෙ අභිපූජයිං.
3151. චතුනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
3152. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කිංසුකපූජකො ථෙරො ඉමා ගාථායො අභාසිත්ථාති.
කිංසකපූජකත්ථෙරස්ස අපදානං තතියං.
354. සකොටකකොරණ්ඩදායකත්ථෙරාපදානං.
3153. අක්කන්තඤ්ච පදං දිස්වා සිඛිනො ලොකබන්ධුනො,
එකංසං අජිනං කත්වා පදසෙට්ඨං අවන්දහං.
එකංසං අජිනං කත්වා පදසෙට්ඨං අවන්දහං.
3154. කොරණ්ඩං පුප්ඵිතං දිස්වා පාදපං ධරණීරුහං,
සකොටකං ගහෙත්වාන පදෙ චක්කමපූජයිං.
සකොටකං ගහෙත්වාන පදෙ චක්කමපූජයිං.
3155. එකතිංසෙ ඉතො කප්පෙ යං කම්මමකරිං තදා,
දුග්ගතිං නාභිජානාමි පදපූජායිදං ඵලං.
දුග්ගතිං නාභිජානාමි පදපූජායිදං ඵලං.
3156. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සකොටකකොරණ්ඩදායකො ථෙරො ඉමා ගාථායො අභාසිත්ථාති.
සකොටකකොරණ්ඩදායකත්ථෙරස්ස අපදානං චතුත්ථං.
355. දණ්ඩදායකත්ථෙරාපදානං
3157. කානනං වනමොගය්හ වෙළුං ඡෙත්වානහං තදා,
ආලම්බනං ගහෙත්වාන සඞ්ඝස්ස අදදං අහං.
ආලම්බනං ගහෙත්වාන සඞ්ඝස්ස අදදං අහං.
3158. තෙන චිත්තප්පසාදෙන සුබ්බතෙ අභිවාදිය,
ආලම්බනම්පි දත්වාන පක්කමිං උත්තරාමුඛො.
ආලම්බනම්පි දත්වාන පක්කමිං උත්තරාමුඛො.
3159. චතුනවුතෙ ඉතො කප්පෙ යං දණ්ඩමදදිං තදා,
දුග්ගතිං නාභිජානාමි දණ්ඩදානස්සිදං ඵලං.
දුග්ගතිං නාභිජානාමි දණ්ඩදානස්සිදං ඵලං.
3160. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා දණ්ඩදායකො ථෙරො ඉමා ගාථායො අභාසිත්ථාති.
දණ්ඩදායකත්ථෙරස්ස අපදානං පඤ්චමං.
356. අම්බයාගුදායකත්ථෙරාපදානං
3161. සතරංසී නාම සම්බුද්ධො සයම්භූ අපරාජිතො,
වුට්ඨහිත්වා සමාධිම්හා භික්ඛාය මං උපාගමි.
වුට්ඨහිත්වා සමාධිම්හා භික්ඛාය මං උපාගමි.
3162. පච්චෙකබුද්ධං දිස්වාන අම්බයාගුං අදාසහං,
විප්පසන්නමනං තස්ස විප්පසන්නෙන චෙතසා.
විප්පසන්නමනං තස්ස විප්පසන්නෙන චෙතසා.
3163. චතුනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි අම්බයාගුයිදං ඵලං.
දුග්ගතිං නාභිජානාමි අම්බයාගුයිදං ඵලං.
3164. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අම්බයාගුදායකො ථෙරො ඉමා ගාථායො අභාසිත්ථාති.
අම්බයාගුදායකත්ථෙරස්ස අපදානං ඡට්ඨං.
357. සුපුටකපූජකත්ථෙරාපදානං
3165. දිවාවිහාරා නික්ඛන්තො විපස්සී ලොකනායකො,
භික්ඛාය විචරන්තො සො මම සන්තිකමුපාගමි.
භික්ඛාය විචරන්තො සො මම සන්තිකමුපාගමි.
3166. කතො පතීතො සුමනො බුද්ධසෙට්ඨස්ස තාදිනො,
ලොණසුපුටකං දත්වා කප්පං සග්ගම්හි මොදහං.
ලොණසුපුටකං දත්වා කප්පං සග්ගම්හි මොදහං.
3167. එකනවුතෙ ඉතො කප්පෙ යං සුපුටකමදාසහං,
දුග්ගතිං නාභිජානාමි පුටකස්ස ඉදං ඵලං.
දුග්ගතිං නාභිජානාමි පුටකස්ස ඉදං ඵලං.
3168. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සුපුටකපූජකො ථෙරො ඉමා ගාථායො අභාසිත්ථාති.
සුපුටකපූජකත්ථෙරස්ස අපදානං සත්තමං.