347. පදුමපූජකත්ථෙරාපදානං.
3117. හිමවන්තස්ස අවිදූරෙ රොමසො නාම පබ්බතො,
බුද්ධොපි සම්භවො නාම අබ්භොකාසෙ වසී තදා.
බුද්ධොපි සම්භවො නාම අබ්භොකාසෙ වසී තදා.
3118. භවනා නික්ඛමිත්වාන පදුමං ධාරයිං අහං,
එකාහං ධාරයිත්වාන පුන භවනමුපාගමිං.
එකාහං ධාරයිත්වාන පුන භවනමුපාගමිං.
3119. එකනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
3120. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පදුමපූජකො ථෙරො ඉමා ගාථායො අභාසිත්ථාති.
පදුමපූජකත්ථෙරස්ස අපදානං සත්තමං.
348. තිණමුට්ඨිදායකත්ථෙරාපදානං.
3121. හිමවන්තස්ස අවිදූරෙ ලම්බකො නාම පබ්බතො,
උපතිස්සො නාම සම්බුද්ධො අබ්භොකාසම්භී චඞ්කමි.
උපතිස්සො නාම සම්බුද්ධො අබ්භොකාසම්භී චඞ්කමි.
3122. මිගලුද්දො තදා ආසිං අරඤ්ඤෙ කානනෙ අහං,
දිස්වාන තං දෙවදෙවං සයම්භුං අපරාජිතං.
දිස්වාන තං දෙවදෙවං සයම්භුං අපරාජිතං.
3123. විප්පසන්නෙන චිත්තෙන තදා තස්ස මහෙසිනො,
නිසීදනත්ථං බුද්ධස්ස තිණමුට්ඨිමදාසහං.
නිසීදනත්ථං බුද්ධස්ස තිණමුට්ඨිමදාසහං.
3124. දත්වාන දෙවදෙවස්ස භිය්යො චිත්තං පසාදයිං,
සම්බුද්ධමභිවාදෙත්වා සක්කාමිං උත්තරාමුඛො.
සම්බුද්ධමභිවාදෙත්වා සක්කාමිං උත්තරාමුඛො.
3125. අචිරං ගතමත්තං මං මිගරාජා අහෙඨයී,
සීහෙන පාතිතො සන්තො තත්ථ කාලකතො අහං.
සීහෙන පාතිතො සන්තො තත්ථ කාලකතො අහං.
3126. ආසන්නෙ මෙ කතං කම්මං බුද්ධසෙට්ඨෙ අනාසවෙ,
සුමුත්තො සරවෙගොව දෙවලොකමගච්ඡහං.
සුමුත්තො සරවෙගොව දෙවලොකමගච්ඡහං.
3127. යූපො තත්ථ සුභො ආසි පුඤ්ඤකම්මාභිනිම්මිතො,
සහස්සකණ්ඩො සතභෙණ්ඩු ධජාලූ හරිතාමයො.
සහස්සකණ්ඩො සතභෙණ්ඩු ධජාලූ හරිතාමයො.
3128. පභා නිද්ධාවතෙ තස්ස සතරංසීව උග්ගතො,
ආකිණ්ණො දෙවකඤ්ඤාහි ආමොදිං කාමකාමහං.
ආකිණ්ණො දෙවකඤ්ඤාහි ආමොදිං කාමකාමහං.
3129. දෙවලොකා චවිත්වාන සුක්කමූලෙන චොදිතො,
ආගන්ත්වාන මනුස්සත්තං පත්තොම්හි ආසවක්ඛයං.
ආගන්ත්වාන මනුස්සත්තං පත්තොම්හි ආසවක්ඛයං.
3130. චතුනවුතෙ ඉතො කප්පෙ නිසීදනමදාසහං,
දුග්ගතිං නාභිජානාමි තිණමුට්ඨිස්සිදං ඵලං.
දුග්ගතිං නාභිජානාමි තිණමුට්ඨිස්සිදං ඵලං.
3131. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තිණමුට්ඨිදායකො ථෙරො ඉමා ගාථායො අභාසිත්ථාති.
තිණමුට්ඨිදායකත්ථෙරස්ස අපදානං අට්ඨමං.